Papa's Pizza, verk­föll flug­vallar­starfs­manna og ó­væntur for­seta­fram­bjóðandi

Pétur Óskarsson, formaður Samtaka ferðaþjónustunnar, kemur í settið til að ræða verkfallsaðgerðir á Keflavíkurflugvelli, sem samþykktar voru af félagsmönnum FFR og Sameykis í dag. Verkfallsaðgerðir hefjast eftir viku og gætu haft víðtæk áhrif.

Viktor Traustason bætist óvænt í hóp forsetaframbjóðenda. Landskjörstjórn hafði gefið honum frest til klukkan 15 í dag til að bæta úr ágöllum á meðmælalista hans, sem tókst. Rætt verður við Viktor í beinni útsendingu.

Svo heimsækjum við systkinin Aron Má og Birtu Líf Ólafsbörn. Minnstu mátti muna að sumarbústaður sem þau eru að byggja í Munaðarnesi brynni til kaldra kola þegar gróðureldur kviknaði þar í gær.

Þetta og margt fleira í kvöldfréttum á samtengdum rásum Stöðvar 2, Vísis og Bylgjunnar klukkan 18:30.