Verði ekki meðvirk frekar en Ólafur Ragnar

Þetta kom fram í máli Katrínar þegar hún mætti til að skila formlega inn framboði sínu með meðmælendalistum í Hörpu í morgun.

Hún var meðal annars spurð út í málskotsréttinn og sagði að honum yrði aðeins beitt ef uppi væru stór og umdeild mál sem sköpuðu gjá milli þings og þjóðar. Þar vísaði Katrín í orð Ólafs Ragnars Grímssonar fyrrverandi forseta í Icesave-deilunni.

Ólafur Ragnar hefði komið úr stjórnmálum og ekki reynst meðvirkur gagnvart fyrrverandi flokksfélögum. Það yrði hún ekki heldur gagnvart sínum fyrrverandi flokksfélögum í Vinstri grænum.