Andrea og Þor­steinn Ís­lands­meistarar í götu­hlaupi

Andrea Kolbeinsdóttir úr ÍR og Þorsteinn Roy Jóhannsson úr FH urðu Íslandsmeistarar í 5 kílómetra götuhlaupi. Alls voru um fimm hundruð keppendur skráðir í hlaupið.

Andrea kom í mark á tímanum 16:39 mínútum sem er annar besti tími kvenna frá upphafi. Sjálf á hún Íslandsmetið og setti hún það í fyrra, 16,27 mín. Andrea varð fimmtíu sekúndum á undan næstu konu í hlaupinu.

Í öðru sæti var Íris Anna Skúladóttir úr FH á tímanum 17:29 mín. Í þriðja sæti var Embla Margrét Hreimsdóttir úr FH á tímanum 17:36 mín.

Fjórða varð Anna Berglind Pálmadóttir úr Ungmennafélagi Akureyrar og fimmta Íris Dóra Snorradóttir úr FH.

Það var Þorsteinn Roy vann á tímanum 15:24 mín. Búi Steinn Kárason úr FH var í öðru sæti á tímanum 15:41 mín. Í þriðja sæti var Logi Ingimarsson úr ÍR á tímanum 15:46 mín. Þorsteinn varð átján sekúndum á undan næsta manni í hlaupinu.

Fjórði varð Logi Ingimarsson úr ÍR og fimmti Fjölnir Brynjarsson úr FH.