Appel­sínu­gul við­vörun á vegna norð­austan hríðar

Gul viðvörun hefur þegar tekið gildi á Vestfjörðum en á miðnætti breytist hún svo í appelsínugula þar sem spáð er norðaustan 18 til 25 metrum á sekúndu og snjókomu. 

„Búast má við skafrenning með takmörkuðu eða lélegu skyggni og samgöngutruflanir eru líklegar, lokanir á vegum og tafir í flugsamgöngum. Fólki er bent á að sýna varkárni og fylgjast með veðurspám,“ segir á vef Veðurstofunnar.

Búið er að lýsa yfir óvissustigi vegna snjóflóðahættu á norðanverðum Vestfjörðum.

Gul viðvörun tók gildi á Faxaflóasvæðinu klukkan 10 og verður í gildi til klukkan 10 á morgun. „Norðaustan 15-23 m/s og snjókomu til fjalla, einkum norðantil á svæðinu. Búast má við skafrenningi með takmörkuðu eða lélegu skyggni og versnandi akstursskilyrðum. Afmarkaðar samgöngutruflanir eru líklegar, lokanir á vegum. Fólki er bent á að sýna varkárni og fylgjast með veðurspám.“

Gul viðvörun tók gildi á Breiðafirði klukkan 10 í morgun og verður í gildi fram á kvöld á morgun. Er þar spáð norðaustan 15 til 23 metrum á sekúndu og snjókomu. Búast má við skafrenning með takmörkuðu eða lélegu skyggni og versnandi akstursskilyrðum.

Á Ströndum og Norðurlandi vestra tekur gul viðvörun gildi vegna norðaustan hríðar á hádegi í dag og verður í gildi í sólarhring.