Spenna vegna talna og dómarar fylgjandi sniðgöngu Oddur Ævar Gunnarsson skrifar 4. mars 2024 10:45 Hera Björk fagnar sigri. Við hlið hennar er Diljá Pétursdóttir sem var fulltrúi Íslands í Eurovision í fyrra. Vísir/Hulda Margrét Spennan er mikil meðal fjölmargra landsmanna að sjá kosningatölurnar úr Söngvakeppni Ríkisútvarpsins frá því á laugardagskvöld. Fullyrt er að galli í kosningakerfinu hafi ekki haft áhrif á niðurstöðu keppninnar. Fulltrúar í dómnefnd RÚV eru meðal þeirra sem vilja sniðganga keppnina. Um fátt annað hefur verið rætt á samfélagsmiðlum síðan úrslitin urðu ljós í Söngvakeppninni á laugardagskvöldið. Hera Björk og Bashar Murad komust í Einvígið að lokinni fyrri símakosninga. Eftir því sem Vísir kemst næst naut framlag Bashar hylli dómnefndar sem hafði helmingsvægi á móti atkvæðum í símakosningu í fyrri umferðinni þar sem kosið var á milli fimm laga. Sjö tónlistarspekúlantar skipuðu dómnefndina. Þeirra á meðal tónlistarkonan Elín Hall. Um það leyti sem úrslitin voru ljós, að Hera hefði sigrað, birti Elín mynd af Bashar á Instagram-reikningi sínum og svo tíst þar sem hún tók undir þá skoðun að sniðganga ætti Eurovision vegna úrslitanna. Elín Hall í dómnefndinni birti þessar myndir á Instagram-reikningi sínum eftir að ljóst var að Bashar yrði ekki framlag Íslands. Þá lækaði Sigríður Beinteinsdóttir, annar meðlimur dómnefndar og Eurovision-goðsögn, pistil Bergsteins Björgúlfssonar kvikmyndatökumanns þess efnis að ekki sé í boði fyrir Ísland að taka þátt í Eurovision í ár. Hera Björk og Bashar tóku atkvæði dómnefndar og símakosningu með sér í einvígið svonefnda. Þar virðist Hera hafa haft nokkuð afgerandi sigur miðað við fyrstu tölur. Hins vegar hefur komið í ljós að meðal annars vegna galla á kosningaappinu RÚV-stjörnur þá voru einhver atkvæði ætluð Bashar sem fóru til Heru. Rúnar Freyr Gíslason, framkvæmdastjóri Söngvakeppninnar, tjáði fréttastofu á laugardagskvöldið að búið væri að útiloka að meintur galli hefði áhrif á niðurstöðuna. Hera væri sigurvegari. Hera hefur lýst því yfir að ætla að keppa í Malmö í maí líkt og Bashar gerði í aðdraganda keppninnar. Aðrir keppendur höfðu ekki verið jafn skýrir í yfirlýsingum sínum. Um fimm hundruð tónlistarmenn höfðu krafist sniðgöngu RÚV á Eurovision í Malmö þar sem Ísrael yrði á meðal keppenda. Minna heyrðist í þeim hópi þegar ljóst var að Palestínumaður væri á meðal þeirra sem kepptu um að verða fulltrúi Íslands. Daníel Ágúst, Magga Stína og Páll Óskar voru á meðal á sjötta hundrað tónlistarfólks sem hvatti til sniðgöngu.Vísir/Sigurjón Birgir Örn Steinarsson, Biggi Maus, var á meðal þeirra tónlistarmanna sem skiptu um skoðun. Stukku á þann vagn að það væri sterkari rödd að senda Palestínumann til keppni heldur en að sniðganga. Eftir að Bashar hafnað í öðru sæti hefur krafan um sniðgöngu vaknað víða á nýjan leik. Jafnvel heyrist sú krafa að Hera eigi að stíga til hliðar og bjóða Bashar plássið sitt. Reyndar er ekki útilokað að Ísrael verði meinuð þátttaka í keppninni en nokkur styr er um framlag Ísraela vegna meintra pólitískra skilaboða í framlagi þeirra. Bashar og teymi hans hafa krafist þess að óháðir aðilar verði fengnir til að gera úttekt á kosningunni á laugardagskvöldið. Þeir vilja að símakosningin verði endurtekin. Rúnar Freyr segir að skoðun á kosningunni sé í gangi með samstarfsaðilum. Að þeirri skoðun lokinni sé von á yfirlýsingu frá RÚV vegna málsins. Tölurnar voru birtar um tíuleytið í fyrra en óvíst er hve mikil töf verður á birtingu talnanna vegna gallans á kosningakerfinu. Stefán Eiríksson útvarpsstjóri og Guðni Th. Jóhannesson forseti Íslands í Laugardalshöll á laugardagskvöldið.vísir/Hulda Margrét Þá verður áhugavert að sjá hve mörg heildaratkvæðin á laugardagskvöldið voru. Eitt atkvæði kostaði 184 krónur og gat hver og einn kosið fjörutíu sinnum í hvorri umferð. Tuttugu sinnum í síma, meða símtali eða SMS-i, og tuttugu sinnum í RÚV - stjörnur appinu sem virðist ekki eiga fimm stjörnur skildar fyrir frammistöðu sína. Þannig gat hver og einn greitt atkvæði fyrir 14.720 krónur. Eurovision Ríkisútvarpið Tengdar fréttir Bubbi óttast púðurtunnu rasismans Bubbi Morthens er þungt hugsi yfir þeim gífuryrðum sem fallið hafa á samfélagsmiðlum um helgina í tengslum við Söngvakeppni Ríkisútvarpsins. Hera Björk stóð uppi sem sigurvegari eftir baráttu við Bashar Murad. Lokatölur eru óbirtar og sitt sýnist hverjum um niðurstöðuna. 4. mars 2024 09:07 Texta Október-regns breytt að kröfu forseta Ísrael Ísraelar hafa samþykkt að breyta texta lagsins „October Rain“ sem þykir líklegast til að verða framlag landsins í Eurovision í ár. Um er að ræða ballöðu sem sungin er af Eden Golan og virðist fjalla um árás Hamas á byggðir Ísraelsmanna 7. október síðastliðinn. 4. mars 2024 07:17 Réttlæti ekki hvernig sum hafi leyft sér að tala um Heru Alexandra Briem borgarfulltrúi segir að það hefðu verið sterk skilaboð að senda Bashar Murad út til Malmö að keppa í Eurovision í ár. Vegna úrslita Söngvakeppninnar í gærkvöldi telur Alexandra réttast að sniðganga keppnina. 3. mars 2024 12:00 Mest lesið Sindri og Albert selja Skerjafjarðarslotið Lífið Kókaínklásúla í kaupmálanum tryggir Keith rúman milljarð Lífið „Ég er mjög hrædd um að einhver ræni mér“ Lífið „Kunna ekki að reikna, kunna svo ekki að skammast sín“ Menning Skrýtið næturlíf og ævintýri sem fylgja partýjunum Lífið Veisla fyrir augu og eyru Gagnrýni „Stefán er að hengja bakara fyrir að vera ekki smiður“ Menning Íslensk fyrirsæta slær í gegn á tískupöllum Mílanó Tíska og hönnun „Amma mín, ert þú nokkuð dáin?“ Lífið Í miðjum tökum kom í ljós að Ragnhildur og Halldór voru náskyld Lífið Fleiri fréttir Hvenær verður afbrýðisemi út í fortíð maka að þráhyggju? Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Friðarsúlan tendruð í nítjánda sinn 9. október Sindri og Albert selja Skerjafjarðarslotið Skrýtið næturlíf og ævintýri sem fylgja partýjunum „Ég er mjög hrædd um að einhver ræni mér“ Var á klóinu þegar skilaboðin bárust og hélt að ferlinum væri lokið Leið yfir hana umkringd nöktum konum Herra Skepna sló Hafþór utan undir Danir taka ekki afstöðu gegn Ísrael Aðstoðarþjálfarinn reyndist ekki vera transkona Hnetukjúklingurinn hennar Höllu Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Play-liðar minnast góðu tímanna „kkk“ í klukku vekur lukku: „Hafa menn ekki meira kjöt á beinunum?“ Fanney og Teitur orðin þriggja barna foreldrar Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Sjá meira
Um fátt annað hefur verið rætt á samfélagsmiðlum síðan úrslitin urðu ljós í Söngvakeppninni á laugardagskvöldið. Hera Björk og Bashar Murad komust í Einvígið að lokinni fyrri símakosninga. Eftir því sem Vísir kemst næst naut framlag Bashar hylli dómnefndar sem hafði helmingsvægi á móti atkvæðum í símakosningu í fyrri umferðinni þar sem kosið var á milli fimm laga. Sjö tónlistarspekúlantar skipuðu dómnefndina. Þeirra á meðal tónlistarkonan Elín Hall. Um það leyti sem úrslitin voru ljós, að Hera hefði sigrað, birti Elín mynd af Bashar á Instagram-reikningi sínum og svo tíst þar sem hún tók undir þá skoðun að sniðganga ætti Eurovision vegna úrslitanna. Elín Hall í dómnefndinni birti þessar myndir á Instagram-reikningi sínum eftir að ljóst var að Bashar yrði ekki framlag Íslands. Þá lækaði Sigríður Beinteinsdóttir, annar meðlimur dómnefndar og Eurovision-goðsögn, pistil Bergsteins Björgúlfssonar kvikmyndatökumanns þess efnis að ekki sé í boði fyrir Ísland að taka þátt í Eurovision í ár. Hera Björk og Bashar tóku atkvæði dómnefndar og símakosningu með sér í einvígið svonefnda. Þar virðist Hera hafa haft nokkuð afgerandi sigur miðað við fyrstu tölur. Hins vegar hefur komið í ljós að meðal annars vegna galla á kosningaappinu RÚV-stjörnur þá voru einhver atkvæði ætluð Bashar sem fóru til Heru. Rúnar Freyr Gíslason, framkvæmdastjóri Söngvakeppninnar, tjáði fréttastofu á laugardagskvöldið að búið væri að útiloka að meintur galli hefði áhrif á niðurstöðuna. Hera væri sigurvegari. Hera hefur lýst því yfir að ætla að keppa í Malmö í maí líkt og Bashar gerði í aðdraganda keppninnar. Aðrir keppendur höfðu ekki verið jafn skýrir í yfirlýsingum sínum. Um fimm hundruð tónlistarmenn höfðu krafist sniðgöngu RÚV á Eurovision í Malmö þar sem Ísrael yrði á meðal keppenda. Minna heyrðist í þeim hópi þegar ljóst var að Palestínumaður væri á meðal þeirra sem kepptu um að verða fulltrúi Íslands. Daníel Ágúst, Magga Stína og Páll Óskar voru á meðal á sjötta hundrað tónlistarfólks sem hvatti til sniðgöngu.Vísir/Sigurjón Birgir Örn Steinarsson, Biggi Maus, var á meðal þeirra tónlistarmanna sem skiptu um skoðun. Stukku á þann vagn að það væri sterkari rödd að senda Palestínumann til keppni heldur en að sniðganga. Eftir að Bashar hafnað í öðru sæti hefur krafan um sniðgöngu vaknað víða á nýjan leik. Jafnvel heyrist sú krafa að Hera eigi að stíga til hliðar og bjóða Bashar plássið sitt. Reyndar er ekki útilokað að Ísrael verði meinuð þátttaka í keppninni en nokkur styr er um framlag Ísraela vegna meintra pólitískra skilaboða í framlagi þeirra. Bashar og teymi hans hafa krafist þess að óháðir aðilar verði fengnir til að gera úttekt á kosningunni á laugardagskvöldið. Þeir vilja að símakosningin verði endurtekin. Rúnar Freyr segir að skoðun á kosningunni sé í gangi með samstarfsaðilum. Að þeirri skoðun lokinni sé von á yfirlýsingu frá RÚV vegna málsins. Tölurnar voru birtar um tíuleytið í fyrra en óvíst er hve mikil töf verður á birtingu talnanna vegna gallans á kosningakerfinu. Stefán Eiríksson útvarpsstjóri og Guðni Th. Jóhannesson forseti Íslands í Laugardalshöll á laugardagskvöldið.vísir/Hulda Margrét Þá verður áhugavert að sjá hve mörg heildaratkvæðin á laugardagskvöldið voru. Eitt atkvæði kostaði 184 krónur og gat hver og einn kosið fjörutíu sinnum í hvorri umferð. Tuttugu sinnum í síma, meða símtali eða SMS-i, og tuttugu sinnum í RÚV - stjörnur appinu sem virðist ekki eiga fimm stjörnur skildar fyrir frammistöðu sína. Þannig gat hver og einn greitt atkvæði fyrir 14.720 krónur.
Eurovision Ríkisútvarpið Tengdar fréttir Bubbi óttast púðurtunnu rasismans Bubbi Morthens er þungt hugsi yfir þeim gífuryrðum sem fallið hafa á samfélagsmiðlum um helgina í tengslum við Söngvakeppni Ríkisútvarpsins. Hera Björk stóð uppi sem sigurvegari eftir baráttu við Bashar Murad. Lokatölur eru óbirtar og sitt sýnist hverjum um niðurstöðuna. 4. mars 2024 09:07 Texta Október-regns breytt að kröfu forseta Ísrael Ísraelar hafa samþykkt að breyta texta lagsins „October Rain“ sem þykir líklegast til að verða framlag landsins í Eurovision í ár. Um er að ræða ballöðu sem sungin er af Eden Golan og virðist fjalla um árás Hamas á byggðir Ísraelsmanna 7. október síðastliðinn. 4. mars 2024 07:17 Réttlæti ekki hvernig sum hafi leyft sér að tala um Heru Alexandra Briem borgarfulltrúi segir að það hefðu verið sterk skilaboð að senda Bashar Murad út til Malmö að keppa í Eurovision í ár. Vegna úrslita Söngvakeppninnar í gærkvöldi telur Alexandra réttast að sniðganga keppnina. 3. mars 2024 12:00 Mest lesið Sindri og Albert selja Skerjafjarðarslotið Lífið Kókaínklásúla í kaupmálanum tryggir Keith rúman milljarð Lífið „Ég er mjög hrædd um að einhver ræni mér“ Lífið „Kunna ekki að reikna, kunna svo ekki að skammast sín“ Menning Skrýtið næturlíf og ævintýri sem fylgja partýjunum Lífið Veisla fyrir augu og eyru Gagnrýni „Stefán er að hengja bakara fyrir að vera ekki smiður“ Menning Íslensk fyrirsæta slær í gegn á tískupöllum Mílanó Tíska og hönnun „Amma mín, ert þú nokkuð dáin?“ Lífið Í miðjum tökum kom í ljós að Ragnhildur og Halldór voru náskyld Lífið Fleiri fréttir Hvenær verður afbrýðisemi út í fortíð maka að þráhyggju? Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Friðarsúlan tendruð í nítjánda sinn 9. október Sindri og Albert selja Skerjafjarðarslotið Skrýtið næturlíf og ævintýri sem fylgja partýjunum „Ég er mjög hrædd um að einhver ræni mér“ Var á klóinu þegar skilaboðin bárust og hélt að ferlinum væri lokið Leið yfir hana umkringd nöktum konum Herra Skepna sló Hafþór utan undir Danir taka ekki afstöðu gegn Ísrael Aðstoðarþjálfarinn reyndist ekki vera transkona Hnetukjúklingurinn hennar Höllu Kristrún meðal hundrað rísandi stjarna Time Er hún með „Bennifer“ hálsmen? Páskaungi á leiðinni hjá Kristínu og Sverri Hefur engan áhuga á góðlátlegum orðum Watson Play-liðar minnast góðu tímanna „kkk“ í klukku vekur lukku: „Hafa menn ekki meira kjöt á beinunum?“ Fanney og Teitur orðin þriggja barna foreldrar Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Sjá meira
Bubbi óttast púðurtunnu rasismans Bubbi Morthens er þungt hugsi yfir þeim gífuryrðum sem fallið hafa á samfélagsmiðlum um helgina í tengslum við Söngvakeppni Ríkisútvarpsins. Hera Björk stóð uppi sem sigurvegari eftir baráttu við Bashar Murad. Lokatölur eru óbirtar og sitt sýnist hverjum um niðurstöðuna. 4. mars 2024 09:07
Texta Október-regns breytt að kröfu forseta Ísrael Ísraelar hafa samþykkt að breyta texta lagsins „October Rain“ sem þykir líklegast til að verða framlag landsins í Eurovision í ár. Um er að ræða ballöðu sem sungin er af Eden Golan og virðist fjalla um árás Hamas á byggðir Ísraelsmanna 7. október síðastliðinn. 4. mars 2024 07:17
Réttlæti ekki hvernig sum hafi leyft sér að tala um Heru Alexandra Briem borgarfulltrúi segir að það hefðu verið sterk skilaboð að senda Bashar Murad út til Malmö að keppa í Eurovision í ár. Vegna úrslita Söngvakeppninnar í gærkvöldi telur Alexandra réttast að sniðganga keppnina. 3. mars 2024 12:00