Öll velkomin í Pírata Indriði Ingi Stefánsson, Lenya Rún Taha Karim og Valgerður Árnadóttir skrifa 29. febrúar 2024 14:31 Hver eru eiginlega stefnumál Pírata? Er hvítur Monster betri? Um hvað snúast Píratar? Hvers konar flokkur eruð þið, ég skil það ekki alveg? Þetta eru algengustu spurningar sem við Píratar fáum. Við erum hreyfing sem höfum það markmið að efla lýðræði, auka skilvirkni hins opinbera og uppræta spillingu. Grunnstefnan er leiðarjósið okkar, henni má líkja við verkfæri sem nýtist í öllum okkar störfum. Að hafa slíkt viðmið gerir það að verkum að öll sem eru félagar í Pírötum geta tekið þátt í stefnumótun og lýðræðislegum ferlum. Hver eiga erindi í Pírata? Við erum ólík, sjáið td. okkur þrjú, Lenyu Rún Taha Karim, Indriða Inga Stefánsson og Valgerði Árnadóttir, við komum úr ólíkum áttum og beitum okkur í ólíkum málaflokkum en við eigum það sameiginlegt að styðjast við Grunnstefnu Pírata og stefnumótun grasrótarinnar. Við eigum það líka sameiginlegt að vera varaþingmenn og hafa fengið að láta talsvert til okkar taka sem slíkir enda þykir Pírötum það mikilvægt, ólíkt mörgum öðrum flokkum, að nýta mannauð sinn með því að koma öflugum varaþingmönnum sínum á þing þegar því er við komið. Við fögnum fjölbreytileika og erum stolt af því hvað hreyfingin er byggð upp af ólíkum og fjölbreyttum einstaklingum sem öll geta fundið sig í félagsskap hvors annars og látið til sín taka. Betri saman Píratar eiga að sjálfsögðu fleira sameiginlegt en ekki, við erum almennt frjálslynd og styðjum rétt einstaklinga til að búa við frelsi í velferðarsamfélagi. Sameiginleg baráttumál okkar eru að vinna gegn spillingu- og sérhagsmunum og standa vörð um lýðræði en það hefur sögulega verið skilvirkasta leiðin til að tryggja frelsi einstaklinga og auka jöfnuð í samfélaginu. Píratar eru leiðandi í umhverfis- og loftslagsmálum, sem sést vel á mati óháðra aðila, við höfum verið leiðandi í umræðu sem snýst að mannréttindum eins og td. um skaðaminnkun, málefni útlendinga og aðgengi fatlaðra. Við erum talsmenn jöfnuðar og skilvirks kerfis með uppbyggingu velferðarsamfélags sem grípur fólk þegar það þarf á því að halda. Þessi upptalning er langt því frá tæmandi. Ef eitthvað af þessu höfðar til þín lesandi góður þá hvetjum við þig til að kynna þér starf okkar og hitta á okkur á föstudaginn á Nýliðafundi Pírata í Máli og menningu kl. 16:30-19:00. Gagnrýnin hugsun og upplýst stefna Það er mikilvægt þegar mynduð er stefna að hún byggi á gögnum frekar en fyrir fram mynduðum skoðunum, það er grundvöllur allrar stefnumótunar Pírata sem og að fyrri ákvarðanir og stefnur þarf reglulega að endurskoða. Réttur fólks til að afla sér upplýsingar má ekki vera skertur, að fólk sé upplýst og hugsi gagnrýnið er lykilatriði í valdeflingu borgara. Við höfum ótal dæmi um það úr nágranna- og samanburðarríkjum að aðgengi að réttum upplýsingum verður sífellt erfiðara. Borgararéttindi Frá upphafi hafa Píratar beitt sér fyrir eflingu og vernd borgararéttinda, þau eru grundvöllurinn fyrir því að borgarar geti leitað réttar síns og séu varðir gegn því að opinberir aðilar og stofnanir misbeiti valdi sínu. Það er lykilatriði að gætt sé að jafnræði og tryggt að borgararéttindi tilheyri einstaklingum. Friðhelgi einkalífs Frjálsir borgarar í lýðræðissamfélagi eiga skýlausan rétt til einkalífs, það felur meðal annars í sér að vernda einstaklinga gegn misbeitingu valdhafa gegn þeirra einkalífi, þetta felur í sér rétt til leyndar, nafnleysis og sjálfsákvörðunarréttar, þó án þess að fría einstaklinga ábyrgð eða ganga á réttindi annarra einstaklinga. Við lifum á upplýsingaöld þar sem flest allar upplýsingar eru aðgengilegar í gegnum tækni, þökk sé tæknibyltingunni. Á sama tíma og Píratar fagna framtíðinni sem tæknin býður upp á, þarf líka að gæta að persónuvernd einstaklinga og miðlun viðkvæmra upplýsinga. Það er málaflokkur sem Píratar hafa látið sig varða frá því við stigum fyrst inn á þing. Gagnsæi og ábyrgð Grundvöllur þess að almenningur sé upplýstur er gagnsæi og aðgengi að upplýsingum í ríkisrekstri og á sveitastjórnarstigi, það gerir almenningi kleift að taka upplýstar ákvarðanir og og taka þátt í lýðræðislegri ákvarðanatöku. Upplýstur almenningur veitir valdhöfum aðhald og þannig er stuðlað að ábyrgri stjórn. Upplýsingar og gagnsæi eru grunnurinn að því að fólk hafi getu til að taka ákvarðanir og borið á þeim ábyrgð. Upplýsinga- og tjáningarfrelsi Hinn almenni borgari verður að hafa rétt til þess að hvort tveggja safna og miðla upplýsingum, þennan rétt má ekki takmarka með neinum hætti nema til þess að vernda borgararéttindi. Að sama skapi má ekki takmarka rétt hins almenna borgara til að tjá sig nema til þess að vernda réttindi annarra. Beint lýðræði og sjálfsákvörðunarréttur Við eigum öll rétt á að taka þátt í ákvarðanatöku í málefnum sem okkur varða, Besta leiðin til að styrkja og virkja slík réttindi er að styrkja lýðræðisþátttöku og auka gagnsæi stjórnsýslu. Aðkoma almennings að ákvörðunartöku ætti að vera sem mest sem er best tryggt með beinu lýðræði. Að auka beint lýðræði dregur úr miðstýringu og eykur möguleika almennings á aðkomu að ákvarðanatöku. Öll velkomin Ef þú vilt vita meira um eitthvað af þessu, langar að að fá svör við einhverju allt öðru, langar að spjalla við Pírata eða langar að koma einhverju á framfæri við Pírata, býðst kjörið tækifæri til þess komandi föstudag 1. mars þegar Píratar bjóða til nýliðahittings í Máli og Menningu á Laugavegi klukkan 16:30. Sjáumst þar! Höfundar eru varaþingmenn Pírata. Viltu birta grein á Vísi? Sendu okkur póst. Senda grein Indriði Stefánsson Lenya Rún Taha Karim Valgerður Árnadóttir Píratar Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Við fylgjum þér frá getnaði til grafar Benedikt S. Benediktsson Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Ekki sama hvaðan gott kemur Magnea Gná Jóhannsdóttir Skoðun Neyð Róhingja Sigurjón Örn Stefánsson Skoðun Daði Pálmar Ragnarsson Bakþankar Börn í meðferð eiga rétt á fagfólki orð duga ekki lengur! Steindór Þórarinsson Skoðun Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun Skoðun Skoðun Við fylgjum þér frá getnaði til grafar Benedikt S. Benediktsson skrifar Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Sjá meira
Hver eru eiginlega stefnumál Pírata? Er hvítur Monster betri? Um hvað snúast Píratar? Hvers konar flokkur eruð þið, ég skil það ekki alveg? Þetta eru algengustu spurningar sem við Píratar fáum. Við erum hreyfing sem höfum það markmið að efla lýðræði, auka skilvirkni hins opinbera og uppræta spillingu. Grunnstefnan er leiðarjósið okkar, henni má líkja við verkfæri sem nýtist í öllum okkar störfum. Að hafa slíkt viðmið gerir það að verkum að öll sem eru félagar í Pírötum geta tekið þátt í stefnumótun og lýðræðislegum ferlum. Hver eiga erindi í Pírata? Við erum ólík, sjáið td. okkur þrjú, Lenyu Rún Taha Karim, Indriða Inga Stefánsson og Valgerði Árnadóttir, við komum úr ólíkum áttum og beitum okkur í ólíkum málaflokkum en við eigum það sameiginlegt að styðjast við Grunnstefnu Pírata og stefnumótun grasrótarinnar. Við eigum það líka sameiginlegt að vera varaþingmenn og hafa fengið að láta talsvert til okkar taka sem slíkir enda þykir Pírötum það mikilvægt, ólíkt mörgum öðrum flokkum, að nýta mannauð sinn með því að koma öflugum varaþingmönnum sínum á þing þegar því er við komið. Við fögnum fjölbreytileika og erum stolt af því hvað hreyfingin er byggð upp af ólíkum og fjölbreyttum einstaklingum sem öll geta fundið sig í félagsskap hvors annars og látið til sín taka. Betri saman Píratar eiga að sjálfsögðu fleira sameiginlegt en ekki, við erum almennt frjálslynd og styðjum rétt einstaklinga til að búa við frelsi í velferðarsamfélagi. Sameiginleg baráttumál okkar eru að vinna gegn spillingu- og sérhagsmunum og standa vörð um lýðræði en það hefur sögulega verið skilvirkasta leiðin til að tryggja frelsi einstaklinga og auka jöfnuð í samfélaginu. Píratar eru leiðandi í umhverfis- og loftslagsmálum, sem sést vel á mati óháðra aðila, við höfum verið leiðandi í umræðu sem snýst að mannréttindum eins og td. um skaðaminnkun, málefni útlendinga og aðgengi fatlaðra. Við erum talsmenn jöfnuðar og skilvirks kerfis með uppbyggingu velferðarsamfélags sem grípur fólk þegar það þarf á því að halda. Þessi upptalning er langt því frá tæmandi. Ef eitthvað af þessu höfðar til þín lesandi góður þá hvetjum við þig til að kynna þér starf okkar og hitta á okkur á föstudaginn á Nýliðafundi Pírata í Máli og menningu kl. 16:30-19:00. Gagnrýnin hugsun og upplýst stefna Það er mikilvægt þegar mynduð er stefna að hún byggi á gögnum frekar en fyrir fram mynduðum skoðunum, það er grundvöllur allrar stefnumótunar Pírata sem og að fyrri ákvarðanir og stefnur þarf reglulega að endurskoða. Réttur fólks til að afla sér upplýsingar má ekki vera skertur, að fólk sé upplýst og hugsi gagnrýnið er lykilatriði í valdeflingu borgara. Við höfum ótal dæmi um það úr nágranna- og samanburðarríkjum að aðgengi að réttum upplýsingum verður sífellt erfiðara. Borgararéttindi Frá upphafi hafa Píratar beitt sér fyrir eflingu og vernd borgararéttinda, þau eru grundvöllurinn fyrir því að borgarar geti leitað réttar síns og séu varðir gegn því að opinberir aðilar og stofnanir misbeiti valdi sínu. Það er lykilatriði að gætt sé að jafnræði og tryggt að borgararéttindi tilheyri einstaklingum. Friðhelgi einkalífs Frjálsir borgarar í lýðræðissamfélagi eiga skýlausan rétt til einkalífs, það felur meðal annars í sér að vernda einstaklinga gegn misbeitingu valdhafa gegn þeirra einkalífi, þetta felur í sér rétt til leyndar, nafnleysis og sjálfsákvörðunarréttar, þó án þess að fría einstaklinga ábyrgð eða ganga á réttindi annarra einstaklinga. Við lifum á upplýsingaöld þar sem flest allar upplýsingar eru aðgengilegar í gegnum tækni, þökk sé tæknibyltingunni. Á sama tíma og Píratar fagna framtíðinni sem tæknin býður upp á, þarf líka að gæta að persónuvernd einstaklinga og miðlun viðkvæmra upplýsinga. Það er málaflokkur sem Píratar hafa látið sig varða frá því við stigum fyrst inn á þing. Gagnsæi og ábyrgð Grundvöllur þess að almenningur sé upplýstur er gagnsæi og aðgengi að upplýsingum í ríkisrekstri og á sveitastjórnarstigi, það gerir almenningi kleift að taka upplýstar ákvarðanir og og taka þátt í lýðræðislegri ákvarðanatöku. Upplýstur almenningur veitir valdhöfum aðhald og þannig er stuðlað að ábyrgri stjórn. Upplýsingar og gagnsæi eru grunnurinn að því að fólk hafi getu til að taka ákvarðanir og borið á þeim ábyrgð. Upplýsinga- og tjáningarfrelsi Hinn almenni borgari verður að hafa rétt til þess að hvort tveggja safna og miðla upplýsingum, þennan rétt má ekki takmarka með neinum hætti nema til þess að vernda borgararéttindi. Að sama skapi má ekki takmarka rétt hins almenna borgara til að tjá sig nema til þess að vernda réttindi annarra. Beint lýðræði og sjálfsákvörðunarréttur Við eigum öll rétt á að taka þátt í ákvarðanatöku í málefnum sem okkur varða, Besta leiðin til að styrkja og virkja slík réttindi er að styrkja lýðræðisþátttöku og auka gagnsæi stjórnsýslu. Aðkoma almennings að ákvörðunartöku ætti að vera sem mest sem er best tryggt með beinu lýðræði. Að auka beint lýðræði dregur úr miðstýringu og eykur möguleika almennings á aðkomu að ákvarðanatöku. Öll velkomin Ef þú vilt vita meira um eitthvað af þessu, langar að að fá svör við einhverju allt öðru, langar að spjalla við Pírata eða langar að koma einhverju á framfæri við Pírata, býðst kjörið tækifæri til þess komandi föstudag 1. mars þegar Píratar bjóða til nýliðahittings í Máli og Menningu á Laugavegi klukkan 16:30. Sjáumst þar! Höfundar eru varaþingmenn Pírata.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun