Kvöld­fréttir Stöðvar 2

Heimurinn er blindur þegar kemur að ástandinu á Gasa segir fréttaritari, sem er búsettur þar og missti son sinn í loftárás sem gerð var á svæðið í dag. Forstjóri spítala á Gasasvæðinu kallar eftir aukinni vernd alþjóðasamfélagsins.

Ný ríkisstofnun, Land og skógur, varð til um áramótin en hún tekur við hlutverkum Landgræðslunnar og Skógræktarinnar, sem hafa verið lagðar niður. Um 140 starfsmenn starfa hjá nýju stofnuninni á átján starfsstöðvum um land allt.

Þá förum við yfir nýja könnun Maskínu og verðum í beinni útsendingu frá stórtónleikum í Hörpu.

Þetta og margt fleira í kvöldfréttum Stöðvar 2 klukkan 18:30.