„Við bjóðum upp á mjög sniðugar lausnir og ekki síst á svona stórhátíðum. Ekkert stress og maturinn alltaf fyrsta flokks - hvort sem þú tekur allan pakkann, eða staka aðalrétti, steikur, súpur eða forrétti, meðlæti, sósur og eftirrétti. Alveg eins og hentar hverjum og einum fyrir eins marga og til þarf,” segir Hinrik Örn Lárusson, matreiðslumaður og eigandi Sælkerabúðarinnar sem er netverslun vikunnar á Vísi.
„Þú einfaldlega pantar jólamatinn á sælkerabúðin.is og sækir hann í Sælkerabúðina á Bitruhálsi 2 í Reykjavík, í sérverslanir okkar í Hagkaup í Kringlunni og Garðabæ eða færð jólamatinn sendan heim.“
Sælkerabúðin býður einungis upp á fyrsta flokks veitingar þar sem hægt er að velja allan pakkann, sem inniheldur forrétt, aðalrétt, meðlæti, sósur og eftirrétt, eða bara sjálfa steikina og staka rétti eftir því sem hentar hverju sinni. Þú losnar því við allt stress sem tengist matargerðinni yfir jólin og getur nýtt tímann til að njóta um hátíðirnar með fjölskyldu og vinum.
Þetta fyrirkomulag er því bæði heppilegt fyrir þau sem vilja losna við alla matargerðina en ekki síður fyrir þau sem vilja sem dæmi búa til sitt eigið meðlæti, ís eða annað, en vilja fá steikina tilbúna. „Við erum líka afar liðleg gagnvart séróskum og reynum að mæta þeim öllum.“
Wellington steik með öllu tilheyrandi er einn vinsælasti pakkinn hjá Sælkerabúðinni segir Hinrik en aðrir vinsælir pakkar innihalda til dæmis Sælkera hamborgarhrygginn sem kemur tilbúinn með gljáa og öllu tilheyrandi, tvíreykta hangikjötið, purusteikina, nautalundina, rib-eye steikur og auðvitað fyllta lambahrygginn og lambalærið. „Við gerum sjálfir hágæða Wellington steikina alveg frá grunni með okkar eigin sér aðferð sem hefur svo sannarlega slegið í gegn. Nautalund Wellington verður vinsælli með hverju árinu hér á landi sem hefðbundin jólasteik en hana er einnig hægt að fá vegan hjá okkur.“
Láttu Sælkerabúðina einfalda þér lífið og skapa í leiðinni fyrsta flokks matarupplifun. „Við hvetjum fólk til að panta sem fyrst á sælkerabúðin.is og auðvitað kíkja til okkar í Sælkerabúðina á Bitruhálsi 2 og sjá allt úrvalið með eigin augum því sjón er sögu ríkari. Við tökum við pöntunum fyrir jólin alveg til 23. desember og fyrir áramótin til 30. desember,“ segir Hinrik að lokum.
Nánari upplýsingar á sælkerabúðin.is.
