Hamilton: Ég veit að við munum ekki vinna

Hamilton var 25 sekúndum á eftir sigurvegaranum, Max Verstappen, þrátt fyrir að hann og liðfélagi hans, George Russel, hafi byrjað keppnina vel.

„Þetta var alveg hrikalegt. Ég byrjaði vel en eftir það byrjaði ég að eiga erfitt með jafnvægið. Mikið af mismunandi handtökum með stýrið sitt á hvað og ég var í rauninni að berjast við bílinn nánast allan tímann,“ byrjaði Lewis Hamilton að segja.

„Síðan undir lokin þá átti ég ekkert eftir í dekkjunum til að halda í við þá. Ég veit ekki hvernig ég ætla að laga það fyrir stóru keppnina.“

„Þetta mun vera löng keppni fyrir mig, það er klárt mál. Ég mun berjast af öllum krafti en ég veit að við munum ekki vinna,“ endaði Lewis Hamilton að segja.