Meistararnir vilja fá markakónginn

Þetta kom fram í Gula spjaldinu, hlaðvarpsþætti Alberts Ingasonar.

Emil skoraði sautján mörk í 21 leik fyrir Stjörnuna á nýafstöðnu tímabili og var markahæstur í Bestu deildinni.

Emil hefur verið sérlega öflugur fyrir Stjörnuna undanfarin tvö ár og skorað samtals 28 mörk í fjörutíu deildarleikjum.

Víkingur varð Íslandsmeistari með miklum yfirburðum og vann Mjólkurbikarinn fjórða sinn í röð á nýafstöðnu tímabili. Víkingar ætla ekki að slá slöku við og vilja fá Emil til sín.

Auk Stjörnunnar hefur Emil leikið með KR, Val, Þrótti og FH.