Kolstad komið á beinu brautina

Það hefur gustað um Kolstad síðustu mánuði. Liðið fékk til sín geysisterka leikmenn fyrir tímabilið en hefur einnig glímt við fjárhagsvandræði. Liðið tapaði stigum í upphafi deildakeppninnar og tapaði meðal annars með sex marka mun gegn Runar fyrir ekki svo löngu síðan.

Liðið virðist hins vegar vera að ná vopnum sínum. Liðið vann sigur á Elverum í toppslag á dögunum og í dag vann Kolstad öruggan sigur á Viking í norsku úrvalsdeildinni.

Lokatölur í dag 36-25 og Kolstad nú i öðru sæti deildarinnar en Drammen er efst tveimur stigum á undan.

Sigvaldi Björn Guðjónsson skoraði fjögur mörk fyrir Kolstad í dag en hann er lykilmaður hjá liðinu.