Dusty byrjar á sterkum sigri og ÍA fór illa með Eyjamenn Hjörtur Leó Guðjónsson skrifar 14. september 2023 23:00 Úrslit kvöldsins. Fyrstu umferð nýs tímabils í Ljósleiðaradeildinni í CS:GO lauk í kvöld með þremur leikjum. Dusty hóf tímabilið á sigri og ÍA vann öruggan sigur gegn ÍBV. Í fyrstu viðureign mættust Dusty og Breiðablik og fór leikurinn fram á Anubis. Dusty menn hófu leik á að sigra hnífalotuna og völdu að hefja leik í vörn. Blikar tóku fyrstu fjórar loturnar en Dusty náði einni til baka með því að sigra fimmtu lotu og staðan þá 4-1. Blikar tóku eina lotu til viðbótar áður en leikmenn Dusty tóku gjörsamlega öll völd á leiknum og sigruðu níu lotur í röð í fyrri hálfleik. Staðan í hálfleik: 10-5 Dusty hélt uppteknum hætti í sókn og tók fyrstu lotuna, en EddzeNNN, leikmaður Dusty, leiddi þar fellingarlistann. Í 20. lotu var viruz, leikmaður Breiðabliks, nálægt því að fella þrjá leikmenn Dusty á B-svæðinu á Anubis, en allt kom fyrir ekki og Dusty sigldi heim sigri sem þeir þurftu svo sannarlega að vinna fyrir. Lokastaða: 16-11 Annar leikur kvöldsins fór fram á Vertigo, en þar mættust lið ÍA og ÍBV. Leikurinn var sá fyrsti á tímabilinu sem ekki fór fram á Anubis, en bæði liðin hafa leikmenn sem hafa lofað Vertigo áður. ÍA tók hnífalotuna og hóf leikinn í sókn. Eyjamenn hófu leikinn af hraða og tóku fyrstu tvær loturnar í sókn, en svo virtust ÍA menn finna gírinn og tóku 11 lotur í röð, staðan þá 11-2. Leikmenn ÍA höfðu deilt fellingunum nokkuð bróðurlega á milli sín, en TripleG leiddi þá töfluna með 15 fellingar. ÍBV náði aðeins að sigra þrjár lotur í fyrri hálfleik. Staðan í hálfleik: 12-3 Seinni hálfleikur hélt áfram með svipuðu móti þegar ÍA tók fyrstu lotu. Í annarri lotu átti Biggzyyy, leikmaður ÍBV stórleik þegar hann felldi þrjá leikmenn ÍA og tókst þar með að leyfa shiNe, liðsfélaga sínum að aftengja sprengjuna. Áfram héldu ÍBV menn að klóra í bakkann, en þó virtist brekkan vera orðin of brött fyrir leikmenn ÍBV og ÍA tók sannfærandi sigur. Lokastaða: 16-6 Síðasta viðureign kvöldsins var á milli FH og SAGA, en viðureignin reyndist alls ekki sú sísta. Anubis varð fyrir valinu. FH tók hnífalotuna og valdi að byrja í vörn. VCTR, leikmaður FH, var nálægt því að fá ás í fyrstu lotu leiksins, en liðsfélagi hans, WZRD náði að fella einn leikmann SAGA. VCTR ásamt mozar7 leiddu listann hjá FH í byrjun leiks en liðin skiptust á að taka lotur snemma í leiknum og staðan 4-4 eftir átta lotur. Í 9. lotu tókst xZeRq, leikmanni SAGA að sigra FH-menn einn á báti, en á tímapunkti var hann einn gegn fjórum leikmönnum FH. Byr kom þá í segl SAGA en þeir sigruðu alla leiki nema einn það sem eftir lifði hálfleiks. Staðan í hálfleik: 5-10 FH byrjaði seinni hálfleik betur er þeir komust í sókn, en þeir tóku fjórar fyrstu loturnar til að koma stöðunni í 9-10. Forskot SAGA varð að engu í 22. lotu þegar FH náði loksins að jafna stöðuna í 11-11 og allt var þá enn í járnum. FH tók loks forystuna að nýju þegar þeir komust í 12-11 eftir góð viðbrögð á A-svæði Anubis. Mozar7 náði sigri fyrir FH í svakalegri lotu þar sem hann felldi þrjá leikmenn SAGA á A-svæðinu, sem virtist vera síðasti naglinn í kistu SAGA og FH tók sigurinn með yfirvegaðri frammistöðu. Lokastaða: 16-12 Næstu leikir: 19. september19:30 ÍA – SAGA20:30 – ÍBV - Dusty Rafíþróttir Ljósleiðaradeildin Mest lesið Mikil sorg hjá Haaland Enski boltinn Lokar á föður sinn: Gerði hryllilega hluti við fólkið sem ég elska Enski boltinn Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Var með ferðatöskuna tilbúna af því að Liverpool ætlaði að kaupa hann Enski boltinn „Þeir hótuðu að handtaka konuna mína“ Fótbolti Hungrið enn til staðar hjá Gunnari: Með augun á næsta bardaga Sport Lést í hlaupi til minningar um systur sína Sport Pochettino verður sá launahæsti í sögunni Fótbolti Man United tapaði yfir tuttugu milljörðum á síðasta ári Enski boltinn Fleiri fréttir 50 stelpur keppa um metfé í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira
Í fyrstu viðureign mættust Dusty og Breiðablik og fór leikurinn fram á Anubis. Dusty menn hófu leik á að sigra hnífalotuna og völdu að hefja leik í vörn. Blikar tóku fyrstu fjórar loturnar en Dusty náði einni til baka með því að sigra fimmtu lotu og staðan þá 4-1. Blikar tóku eina lotu til viðbótar áður en leikmenn Dusty tóku gjörsamlega öll völd á leiknum og sigruðu níu lotur í röð í fyrri hálfleik. Staðan í hálfleik: 10-5 Dusty hélt uppteknum hætti í sókn og tók fyrstu lotuna, en EddzeNNN, leikmaður Dusty, leiddi þar fellingarlistann. Í 20. lotu var viruz, leikmaður Breiðabliks, nálægt því að fella þrjá leikmenn Dusty á B-svæðinu á Anubis, en allt kom fyrir ekki og Dusty sigldi heim sigri sem þeir þurftu svo sannarlega að vinna fyrir. Lokastaða: 16-11 Annar leikur kvöldsins fór fram á Vertigo, en þar mættust lið ÍA og ÍBV. Leikurinn var sá fyrsti á tímabilinu sem ekki fór fram á Anubis, en bæði liðin hafa leikmenn sem hafa lofað Vertigo áður. ÍA tók hnífalotuna og hóf leikinn í sókn. Eyjamenn hófu leikinn af hraða og tóku fyrstu tvær loturnar í sókn, en svo virtust ÍA menn finna gírinn og tóku 11 lotur í röð, staðan þá 11-2. Leikmenn ÍA höfðu deilt fellingunum nokkuð bróðurlega á milli sín, en TripleG leiddi þá töfluna með 15 fellingar. ÍBV náði aðeins að sigra þrjár lotur í fyrri hálfleik. Staðan í hálfleik: 12-3 Seinni hálfleikur hélt áfram með svipuðu móti þegar ÍA tók fyrstu lotu. Í annarri lotu átti Biggzyyy, leikmaður ÍBV stórleik þegar hann felldi þrjá leikmenn ÍA og tókst þar með að leyfa shiNe, liðsfélaga sínum að aftengja sprengjuna. Áfram héldu ÍBV menn að klóra í bakkann, en þó virtist brekkan vera orðin of brött fyrir leikmenn ÍBV og ÍA tók sannfærandi sigur. Lokastaða: 16-6 Síðasta viðureign kvöldsins var á milli FH og SAGA, en viðureignin reyndist alls ekki sú sísta. Anubis varð fyrir valinu. FH tók hnífalotuna og valdi að byrja í vörn. VCTR, leikmaður FH, var nálægt því að fá ás í fyrstu lotu leiksins, en liðsfélagi hans, WZRD náði að fella einn leikmann SAGA. VCTR ásamt mozar7 leiddu listann hjá FH í byrjun leiks en liðin skiptust á að taka lotur snemma í leiknum og staðan 4-4 eftir átta lotur. Í 9. lotu tókst xZeRq, leikmanni SAGA að sigra FH-menn einn á báti, en á tímapunkti var hann einn gegn fjórum leikmönnum FH. Byr kom þá í segl SAGA en þeir sigruðu alla leiki nema einn það sem eftir lifði hálfleiks. Staðan í hálfleik: 5-10 FH byrjaði seinni hálfleik betur er þeir komust í sókn, en þeir tóku fjórar fyrstu loturnar til að koma stöðunni í 9-10. Forskot SAGA varð að engu í 22. lotu þegar FH náði loksins að jafna stöðuna í 11-11 og allt var þá enn í járnum. FH tók loks forystuna að nýju þegar þeir komust í 12-11 eftir góð viðbrögð á A-svæði Anubis. Mozar7 náði sigri fyrir FH í svakalegri lotu þar sem hann felldi þrjá leikmenn SAGA á A-svæðinu, sem virtist vera síðasti naglinn í kistu SAGA og FH tók sigurinn með yfirvegaðri frammistöðu. Lokastaða: 16-12 Næstu leikir: 19. september19:30 ÍA – SAGA20:30 – ÍBV - Dusty
Rafíþróttir Ljósleiðaradeildin Mest lesið Mikil sorg hjá Haaland Enski boltinn Lokar á föður sinn: Gerði hryllilega hluti við fólkið sem ég elska Enski boltinn Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Var með ferðatöskuna tilbúna af því að Liverpool ætlaði að kaupa hann Enski boltinn „Þeir hótuðu að handtaka konuna mína“ Fótbolti Hungrið enn til staðar hjá Gunnari: Með augun á næsta bardaga Sport Lést í hlaupi til minningar um systur sína Sport Pochettino verður sá launahæsti í sögunni Fótbolti Man United tapaði yfir tuttugu milljörðum á síðasta ári Enski boltinn Fleiri fréttir 50 stelpur keppa um metfé í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira