Tíma­bilinu lokið hjá Rod­gers: Sleit hásin gegn Bills

Tíma­bil New York Jets í NFL-deildinni hófst með sigri á Buffa­lo Bills en liðið varð þó fyrir miklu á­falli þegar styðja þurfti hinn 39 ára gamla Rod­gers af velli. Rod­gers gekk í raðir Jets í sumar og var að spila sinn fyrsta NFL-leik fyrir liðið.

ESPN hefur eftir heimildarmönnum sínum að í kjölfar frekari rannsókna, sem gerðar voru á Rodgers fyrr í dag, sé ljóst að leikmaðurinn hafi slitið hásin og er talið að þátttöku hans á þessu tímabili lokið. Þá séu nú uppi spurningar hvort þessi reynslumikli leikmaður muni stíga fæti aftur inn á völlinn. 

Með þessu er stórt skarð höggvið í lið Jets en Rodgers hefur í fjórgang verið valinn verðmætasti leikmaður NFL deildarinnar. Zach Wilson mun þurfa að stíga upp í hans fjarveru.