Kú­rekarnir skoruðu fjöru­tíu og sá launahæsti kældur

NFL-deildin er hafin með öllu því sem henni fylgir. Um helgina fór fram fjöldi leikja þar sem nokkuð af óvæntum úrslitum litu dagsins ljós. Kúrekarnir frá Dallas kjöldrógu Risana frá New York í leik sem var búinn í fyrsta leikhluta.

Þegar fyrsta leikhluta lauk var staðan 0-16, í hálfleik var hún 0-26 og lokatölur voru 0-40. Ótrúlegar tölur og ljóst að Risarnir þurfa að girða sig í brók ætli þeir ekki að vera aðhlátursefni það sem eftir lifir tímabils.

Tom Brady var heiðraður í hálfleik þegar New England Patriots tók á móti Philadelphia Eagles. Því miður fyrir Patriots og Brady þá vann Eagles fimm stiga sigur þökk sé frábærum fyrsta leikhluta, lokatölur 20-25.

Joe Burrow og félagar í Bengals steinlágu gegn Cleveland Browns, lokatölur 24-3. Svo slakur var Burrow að hann var settur á bekkinn í 4. leikhluta.

Green Bay Packers hóf lífið án Aaron Rodgers á þægilegum 18 stiga sigri á Chicago Bears, lokatölur 38-20 Green Bay í vil. Rodgers sjálfur er svo í eldlínunni í nótt þegar New York Jets tekur á móti Buffalo Bills.

Önnur úrslit

Baltimore Ravens 25 - 9 Houston Texans

Minnesota Vikings 17 - 20 Tampa Bay Buccaneers

Atlanta Falcons 24 - 10 Carolina Panthers

Washington Commanders 20 - 16 Arizona Cardinals

Indianapolis Colts 21 - 31 Jacksonville Jaguars 

Pittsburgh Steelers 7 - 30 San Francisco 49ers

New Orleans Saints 16 - 15 Tennessee Titans

Denver Broncos 16 - 17 Las Vegas Raiders

Seattle Seahawks 13 - 30 Los Angeles Rams

Los Angeles Chargers 34 - 36 Miami Dolphins

Klukkan 20.00 annað kvöld er Lokasóknin á dagskrá þar sem farið verður yfir allt það helsta sem gerðist í fyrstu viku NFL-deildairnnar.