Þáttur tvö af Veiðinni með Gunnari Bender

Annar þátturinn sem er núna komin í loftið á Vísi er ævintýraferð í Andakílsá með Guðmundi Þórði Guðmundssyni fyrrum landsliðsþjálfara Íslands en hann er mikið í veiði og hefur verið við bakkann á hinum ýmsu vatnssvæðum í áratugi. Þegar þeir fóru í Andakílsá að mynda var veiðin búin að vera frekar döpur en aðeins 20 laxar höfðu verið færðir til bókar. Það er allt reynt þegar staðan er svona og þarna reynir á reynslu og þrautseigju, svolítið eins og í handboltanum.

Veiðisumarið er búið að vera ansi mikil áskorun fyrir alla veiðimenn og í þetta skiptið líka fyrir þá sem standa við bakkann mundaða myndavélum og bíða eftir töfraskotinu sem getur komið hvenær sem er. Þættirnir verða átta talsins og með þessum þætti er búið að sýna tvo og sex aðrir því væntanlegir. Veiðimenn hafa þá eitthvað til að hlakka til.