Lexi Potter sú yngsta til að skrifa undir at­vinnu­manna­samning

Potter er aðeins 17 ára gömul og skrifaði í gær undir sinn fyrsta atvinnumannasamning við Chelsea. Hún varð þar með yngsta konan til að srifa undir atvinnumannasamning á Englandi, en hún hefur verið hjá félaginu síðan hún var átta ára gömul.

„Þetta er draumur að rætast fyrir mig og mína fjölskyldu,“ sagði Potter í samtali við heimasíðu Chelsea. „Ég er ótrúlega þakklát og spennt fyrir framtíðinni.“

Potter hefur leikið stórt hlutverk með yngri liðum Chelsea undanfarin ár og átti stóran þátt í sigri U16 ára liðs félagsins í FA-bikarkeppni unglinga þar sem liðið sigraði Manchester United í úrslitum tímabilið 2022-2023.

Þá var hún fyrirliði U17 ára liðs Englands sem komst alla leið í undanúrslit EM sem haldið var í Eistlandi í sumar.