Hildur ásamt glæsilegu fylgdarliði sínu. Elísabet Blöndal
Fatahönnuðurinn Hildur Yeoman fagnaði Menningarnótt eins og svo margir síðastliðna helgi en eins og oft áður hélt hún glæsilegt götupartý fyrir utan verslun sína á Laugarveginum. Dansarar klæddust nýjustu línunni og dilluðu sér við iðandi tóna frá Rósu Birgittu sem kallar sig DJ De la Rosa.
Gestir og gangandi skemmtu sér konunglega og tóku virkan þátt í dansinum, bæði börn sem og fullorðnir. Lögin þekktu flestir og því erfitt að dilla sér ekki. Dansararnir, þau Karítas Lotta, Bjartey Elín, Marínó, Inga María, Sóley, Júlía Kolbrún og Anna Guðrún sýndu sínar bestu hliðar og mynduðu einstaka stemningu á svæðinu.
Klæðir konur af öllum stærðum
Nýja línan samanstendur af prentuðum flíkum fyrir bæði kynin, prjónaflíkum og skemmtilegum nýjum sniðum. Sjálf segist Hildur leggja mikið upp úr því að geta klætt konur af öllum stærðum og gerðum. „Það hefur verið gaman að sjá hvað stjörnur eins og Ashley Graham hafa verið að taka vel í nýju línuna okkar,“ segir Hildur í samtali við blaðakonu.
Verslunin Yeoman stendur við Laugaveg nr 7 og þar fást bæði hönnun Hildar Yeoman en einnig frönsk tískumerki á borð við Coperni, Ottolinger, Jean Paul Gaultier , Justine Qluenquet , Miista skór og klassískar vörur frá American vintage.
Plötusnúðurinn DJ De la Rosa hélt uppi stuðinu.Elísabet BlöndalGlæsilegur kjóll en söngkonan GDRN klæddist þessum sama kjól síðar um kvöldið. Elísabet BlöndalÞær Bjartey og Júlía voru einkar glæsilegar í flíkum frá Hildi Yeoman. Elísabet BlöndalSýndu sínar bestu hliðar. Elísabet BlöndalBörn tóku virkan þátt í gleðinni. Elísabet BlöndalSkemmtileg hönnun. Elísabet BlöndalNöfnurnar Selma og Selma Dröfn. Elísabet BlöndalMódelið og dansarinn Marinó var frábær á skemmtuninni. Elísabet BlöndalViðburðurinn var líflegur og skemmtilegur.Elísabet BlöndalDansararnir og módelin með hönnuðinum Hildi.Elísabet BlöndalDansparið tók léttan snúning á Menningarnótt.Elísabet BlöndalDreymir eflaust mörgum skvísum um þennan kjól.Elísabet BlöndalGlæsileg.Elísabet BlöndalBjartey Elín í fallegri flík.Elísabet BlöndalHerramenn klæddir í Yeoman.Elísabet Blöndal
Bandaríska ofurfyrirsætan Ashley Graham er mikill aðdáandi íslenska fatahönnuðarins Hildar Yeoman en hún mætti í spjallþáttinn Live with Kelly and Mark í glæsilegum kjól eftir Hildi.