Gamli þjálfarinn getur hjálpað Fylki að vinna Stjörnuna í fyrsta sinn í áratug

Rúnar Páll Sigmundsson er þjálfari Fylkis í dag en hann stýrði Stjörnunni í átta ár og er eini þjálfarinn sem hefur gert karlalið Stjörnunnar að Íslandsmeisturum.

Rúnar Páll getur í kvöld endað áratugsbið Fylkismanna eftir sigri í efstu deild á móti Stjörnunni.

Fylkir tekur á móti Stjörnunni í lokaumferð 19. umferðar Bestu deildar karla í fótbolta í kvöld. Leikurinn hefst klukkan 19.15 og verður sýndur beint á Stöð 2 Sport.

Liðin hafa mæst fimmtán sinnum í efstu deild frá þessum leik og Stjarnan hefur unnið tólf en þrír hafa endað með jafntefli. Markatalan er 33-9, Stjörnumönnum í vil. Stjarnan hefur tekið 93 prósent stiganna í leikjunum eða 39 af 42.

Liðin gerðu 2-2 jafntefli fyrr í sumar en þá stýrði Rúnar Páll Fylkisliðinu á sínum gamla heimavelli í Garðabænum. Hann var mjög nálægt því að enda biðina þá en Emil Atlason jafnaði metin fyrir Stjörnuna á þriðju mínútu í uppbótatíma.