Idol dómararnir snúa aftur í nýrri þáttaröð

Boði Logason skrifar 20. ágúst 2023 10:00

Herra Hnetusmjör, Birgitta Haukdal, Daníel Ágúst og Bríet snúa aftur sem dómarar í Idol í vetur. Hulda Margrét

Ný þáttaröð af Idol hefst 24. nóvember á Stöð 2 og munu dómararnir fjórir frá því síðast snúa aftur á skjáinn.

Þau Birgitta Haukdal, Herra Hnetusmjör, Daníel Ágúst og Bríet setjast öll aftur í sæti dómara. Fyrstu upptökur fyrir nýju þáttaröðina fara fram í lok ágúst. Í maí síðastliðnum fóru prufur fram víðvegar um land og var þátttakan glæsileg.

Það var Saga Matthildur sem var krýnd Idol-stjarna Íslands í febrúar eftir að hafa unnið hug og hjörtu þjóðarinnar í þáttaröðinni.

Idolið var endurvakið á Stöð 2 síðastliðið haust og fékk þáttaröðin góðar viðtökur. Mikill fjöldi mætti í áheyrnarprufur, tæplega hundrað manns komust áfram í dómaraprufur. Átta manns náðu svo að komast á lokasprettinn sem sýndur var í beinni útsendingu.

Nýja þáttaröðin verður sýnd á Stöð 2 í vetur og er fyrsti þáttur 24. nóvember, eins og áður sagði.

Idol

Tengdar fréttir

Idol-stjörnubarnið komið í heiminn

Tónlistarkonan og Idol-stjarnan Saga Matthildur Árnadóttir og Sigurður Rúnar Reynisson kærasti hennar eignuðust frumburð sinn fyrr í mánuðinum.

30. maí 2023 10:03

Þetta eru lögin sem Saga og Kjalar flytja í úrslitaþættinum

Það er komið að því. Ný Idolstjarna Íslands verður krýnd annað kvöld í Idolhöllinni. Það eru þau Saga Matthildur og Kjalar sem standa tvö eftir og keppast um sigursætið.

9. febrúar 2023 13:00

Bríet tók sjálf þátt í hæfileikaþætti áður en hún varð landsþekkt

Eins og vart hefur farið fram hjá neinum verður ný Idolstjarna krýnd í kvöld. Það er þó ekki aðeins sigurvegarinn sjálfur sem á möguleika á því að verða stjarna, heldur hafa fleiri keppendur sungið sig inn í hug og hjörtu landsmanna og á þjóðin eflaust eftir að sjá meira af þeim.

10. febrúar 2023 12:16