Ágústspá Siggu Kling: Þarft ekki á neinum að halda nema sjálfum þér

Það er eitthvað sem er búið að vera að hræða þig eða þú heldur að þú sért of seinn að breyta hlutunum í kringum þig, en ekkert nákvæmlega EKKERT er ómögulegt því að fyrsta ágúst þá var fullt tungl í vatnsbera merkinu og sú rosalega gjafmilda andlega orka flæðir inn í kerfið þitt.

Á nýju tungli eða í kringum nýtt tungl sem er þann 16. ágúst þá er eins og þú finnir á þér alla mögulega hluti. Þú getur kallað það hugboð því að þetta er náttúrulega boð til hugans. 

Um leið og þú færð hugmyndina, sérð svo mynd í huganum á þér þá skaltu framkvæma eitthvað til þess að þetta hugboð virki. Þetta er svo merkilegt, það sem er að gerast þá og í guðanna bænum þá skaltu nýta þér þetta og þessa orku.

 Þú ert að fara inn í tímabil mikillar visku og viskan gerir velferðina betri, lífið skýrara og þú sérð lífið skýrt. Og það verður engin hræðsla í för með þér. Þú verður alveg sáttur hvort sem að ástin sé í för með þér eða ekki. 

Þú sérð líka að þú þarft ekki á neinum að halda nema sterkum sjálfum þér. Ef þú ert óöruggur í sambandi við húsnæði eða vinnu þá er að koma styrkur og vitneskja um hvernig þú ferð að öllu sem þú ætlar þér.

Knús og kossar

Sigga Kling

• Meryl Streep, leikkona, 22. júní
• Stefán Hilmarsson, söngvari, 26. júní
• Ariana Grande, söngkona, 26. júní
• Elon Musk, frumkvöðull, 28. júní
• Mike Tyson, hnefaleikamaður, 30. júní
• Díana prinsessa, 1. júlí
• Tom Cruise, leikari, 3. júlí
• Post Malone, söngvari, 4. júlí
• Frida Kahlo, listakona, 6. júlí
• Kevin Hart, grínisti, 6. júlí
• Tom Hanks, leikari, 9. júlí
• Selena Gomez, leikkona, 22. júlí