Sport

Sjáðu tíma­frekasta 100 metra hlaup sögunnar

Óskar Ófeigur Jónsson skrifar
Það var erfitt fyrir marga að horfa upp á þetta 100 metra hlaup enda einn þátttakandinn langt í frá að vera boðlegur keppandi á þessu stigi. Myndin tengist fréttinni þó ekki beint.
Það var erfitt fyrir marga að horfa upp á þetta 100 metra hlaup enda einn þátttakandinn langt í frá að vera boðlegur keppandi á þessu stigi. Myndin tengist fréttinni þó ekki beint. Getty/Roberto Machado Noa

Heimsleikar háskólanema í frjálsum íþróttum komust í fréttirnar en því miður ekki fyrir góðan árangur.

Leikarnir, sem heita World University Games á ensku, fóru fram í Kína á dögunum og hundrað metra hlaup kvenna vakti þar mikla athygli.

Ástæðan er eini keppandinn frá Sómalíu sem heitir fullu nafni Nasro Ali Abukar.

Abukar komst ekki í mark fyrr en eftir 21,81 sekúndu og tryggði sér þar með metið yfir tímafrekasta 100 metra hlaup sögunnar.

En hvernig kemst svona vanhæfur keppandi inn á leikana? Það er ekkert skrýtið að sumir spyrji þeirrar spurningar enda leit Abukar ekki fyrir að hafa hlaupið áður í keppni. Form og hraði algjörlega ábótavant.

Augljósa ástæðu fundu menn í tengslaneti Ali Abukar. Ali Abukar er skyld háttsettum aðila í frjálsíþróttasambandi Sómalíu.

Það má annars sjá þetta furðulega hlaup með því að fletta hér fyrir neðan.

Frjálsar íþróttir

Mest lesið


Fleiri fréttir

Sjá meira


×

Mest lesið