Reynslu­­boltar á hrað­ferð í keppni um há­­lendi Ís­lands

Kristján Einar Kristjáns­son er einn þeirra Ís­lendinga sem hefur komist hvað næst því að keppa í For­múlu 1. Hann á yfir að skipa nokkurra ára ferli í For­múlu 3 móta­röðinni þar sem að hann keyrði meðal annars fyrir hið sögu­fræga lið Car­lin Motor­sport. 

Nú, árum eftir að ferillinn í at­vinnu­mennsku var settur til hliðar, sest Kristján Einar á ný undir stýri á keppnis­bíl.

Allt aðrar aðstæður

CanAm Hill rallið er þriggja daga þolakstur­s­keppni, sem fer fram dagana 11-13 ágúst næst­komandi á sér­leiðum, mest megnis á há­lendi Ís­lands. Allt aðrar að­stæður en Kristján Einar fékk að kynnast á sínum at­vinnu­manna­ferli í For­múlu 3.

„Þetta er ó­trú­lega spennandi,“ segir Kristján Einar. „Gæti í rauninni ekki verið skemmti­legra og kemur til vegna þess að Can-Am ætlar sér stóra hluti í þessum þolakstri hérna heima og í sam­einingu á­kváðum við, núna í vetur, í sam­starfi við BRP-Elling­sen að fara í þessa keppni.

Þriggja daga, Dakar Rally – sty­le keppni upp á há­lendinu. Það sem er líka svo mikil snilld við þetta er að keppnis­bíllinn okkar er bara bíll sem kemur beint úr um­boðinu.“

Segir Kristján en eitt af því sem honum hefur fundist hvað leiðin­legast við þróun mótor­sports á undan­förnum árum er það hversu erfitt hefur verið að koma sér inn í sportið.

„Þröskuldurinn sem þarf að komast yfir fyrir fólk hefur verið svo hár ein­fald­lega vegna þess að þú þarft svo mikla þekkingu á bílnum og annað slíkt. Núna, vitandi það að ég sé að fara taka bíl beint út úr sýningar­sal og fara með hann í rallý, það er geð­veikt.“

Með reynslubolta af þessu sviði sér við hlið

Í CanAm Hill rallinu verður ekin rúm­lega 400 kíló­metra leið á sér­leiðum sem fara mest megnis fram á há­lendi Ís­lands á grófum línu­vegum og fjalla­leiðum.

„Þetta er eins og að ralla frá Reykja­vík til Húsa­víkur liggur við. Fyrir okkur mun þetta al­gjör­lega snúast um að halda haus og enda ekki út í á.“

Á­skorunin er af allt öðrum toga en Kristján Einar hefur áður kynnst þegar að at­vinnu­manna­ferill hans í mótor­sporti stóð sem hæst.

Hefur tekið þátt í ein­hverri keppni á þínum ferli sem er í líkingu við þennan þolakstur?

„Nei en þess vegna fékk ég Guðna Frey með mér í þetta,“ segir Kristján Einar og hlær en þar á hann við að­stoðar­öku­mann sinn hjá Can-Am, Guðna Frey Ómars­son, fjór­faldan Ís­lands­meistara í rallakstri. „Við erum búnir að taka æfingar á bílnum og í enda dagsins snýst þetta bara um að aka bíl.“

Frá ferli sínum í rallakstri veit Guðni Freyr upp á hár hvað þar að ein­kenna góð öku­mann­steymi.

„Mér lýst ó­trú­lega vel á okkur sem teymi,“ segir Guðni. „Eins og Kristján Einar hefur sagt þá kemur hann inn með litla reynslu af því að aka í keppni á malar­vegum og í þannig að­stæðum sem við munum þurfa að kljást við í þessum þolakstri. 

Ég fann það hins vegar strax að hann er ein­fald­lega með þetta í sér á þessum æfingum sem við tókum. Hann náði töktunum alveg strax. Fyrst og fremst snýst þetta um það fyrir okkur að halda haus. Það er, myndi ég segja lykil­at­riði í svona langri og erfiðri keppni eins og þessari.“

Algjör fíkn

At­vinnu­manna­ferli Kristjáns Einars í mótor­sporti lauk árið 2012. Hlakkar þig til að finna fyrir adrena­líninu, sem fylgir því að taka þátt í keppnum í mótor­sporti, aftur?

„Þetta er náttúru­lega fíkn, það er ekkert annað. Mig hlakkar bara svo mikið til að fara keppa aftur. Ætli síðan að ég setjist ekki bara niður eftir keppni og reyni að kaupa þennan bíl sem við munum aka á. Þetta er það gaman og ég get ekki beðið. Það er ekkert annað sem kemst að þessa dagana, næsta vika verður undir­lögð þessu.“

„Ég er með hættu­lega mikið keppnis­skap. Auð­vitað ætlum við að fara langt og það er pressa á okkur að taka þetta alla leið. Við þurfum hins vegar líka að líta á þetta taktískt. Guðni hefur teiknað upp planið fyrir okkur og það er þá mitt að fara eftir því, ef við gerum það þá endum við með dollu.“

Guðni deilir sömu sýn og Kristján Einar á á­skorunina fram undan.

„Hæfi­leikarnir eru til staðar undir stýri,“ segir hann og bætir við. „Nú snýst þetta bara um að sam­starfið milli okkar gangi vel í keppninni sjálfri og ef það gengur eftir þá mun okkur ganga vel. Ég er alveg hand­viss um það.ׅ“

Sigursæl gerð af bíl

Tækið sem Kristján Einar og Guðni Freyr fá í hendurnar er ekkert smá­ræði, Ma­verick X3 XRC Turbo RR og fræddi Arnar Sigurðar­son, liðs­stjóri Can-Am okkur nánar um þennan víga­lega bíl sem Can-Am liðið vonar að eigi eftir að reynast vel.

„Þessi týpa af buggy-bíl er sú sigur­sælasta, hvað svona keppnis­bíla varðar, síðast­liðin ár. Þetta eru bílar með gríðar­legri fjöðrun, yfir 60 sentí­metra fjöðrun og 900cc túrbínu mótor sem er að skila yfir 200 hest­öflum í þessu rétt rúm­lega 700 kílóa tæki.

Slíkt afl er að skila bílnum, á malar­undir­lagi, upp í 100 kíló­metra hraða á klukku­stund á svona cirka fjórum sekúndum.

Þetta tæki er hannað frá Can-Am til þess að koma klárt í rallý bara beint úr kassanum. Það tekst á við stökk, allar ó­jöfnur og allt það versta sem ís­lenskir vegir hafa upp á að bjóða.“

Can-Am Hill þolakstur­s­keppni fer fram dagana 11-13 ágúst næst­komandi.