Grunur um hagræðingu úrslita í Íslendingaslag: „Ekki í vafa um að GOG tapaði vegna dómaranna“ Smári Jökull Jónsson skrifar 13. júlí 2023 11:30 Erdoan Vitaku og Arsim Vitaku eru grunaðir um aðild að hagræðingu úrslita í leikjum. Federata e Hendbollit e Kosovës Árið 2020 kom upp grunur um að úrslitum hefði verið hagrætt í leik GOG og Kadetten Schaffhausen í Evrópudeildinni. Sama dómarapar hefur síðan þá dæmt fleiri leiki þar sem grunur er um óhreint mjöl í pokahorninu. Seinni þáttur dönsku heimildamyndarinnar „Grunsamlegur leikur“ var sýndur á sjónvarpsstöðinni TV2 í gær. Í fyrri þættinum var greint frá því hvernig notuð var tálbeita til að góma formann dómaranefndar EHF vegna gruns um hagræðingu úrslita í handboltaleikjum. Í heimildamyndinni sést formaðurinn Dragan Nachevski ræða við það sem hann heldur að sé kínverski kaupsýslumaðurinn Herra Zhang. Það var í raun leikari sem TV 2 réði til að grípa Nachevski glóðvolgan. Nachevski var settur af sem formaður dómaranefndarinnar í maí. Í seinni þættinum sem sýndur var í gær var meðal annars fjallað um leik danska liðsins GOG og svissneska liðsins Kadetten Schaffhausen í Evrópudeildinni í október árið 2020. Nikolej Krickau, fyrrum þjálfari GOG, er handviss um að úrslitum leiksins hafi verið hagrætt. Krickau er nýtekinn við sem þjálfari Flensburg í þýsku úrvalsdeildinni. GOG tapaði umræddum leik með einu marki eftir mark á lokasekúndum leiksins. Eftir leikinn hóf evrópska handknattleikssambandið, EHF, rannsókn en hafnaði því að lokum að eitthvað óeðlilegt hefði átt sér stað. Forráðamenn nokkurra veðmálafyrirtækja lokuðu á veðmál fyrir leikinn vegna fjölmargra óeðlilegra veðmála í tengslum við hann. Krickau fannst dómgæslan í leiknum vera grunsamleg. Landsliðsmarkvörður Íslands Viktor Gísli Hallgrímsson var leikmaður GOG á þessum tíma og tók þátt í leiknum. Aðalsteinn Eyjólfsson var þjálfari Kadetten Schaffhausen. „Það var okkar upplifun að á síðustu tuttugu mínútunum vorum við tilneyddir að horfa á dómarana í hvert skipti sem þeir dæmdu og segja: „Hvað ertu að dæma?“. Allt traust og almenn skynsemi var farið,“ sagði Krickau. Á svörtum lista hjá veðmálafyrirtækjum Það var dómaraparið Erdoan Vitaku og Arsim Vitaku frá Kósóvó sem dæmdi leikinn. EHF hóf rannsókn en komst að þeirri niðurstöðu að það væri ekkert sem væri hægt að aðhafast. Nú hefur hins vegar komið í ljós að sama dómarapar hefur síðan þá dæmt leiki þar sem grunur er um hagræðingu úrslita. Um er að ræða stóra alþjóðlega leiki, meðal annars leik Hollands og Belgíu í undankeppni Evrópumótsins í janúar næstkomandi sem og leik í Meistaradeild kvenna þar sem Kastamonu og Metz mættust. TV2 hefur undir höndum gögn frá veðmálafyrirtækjum og fyrirækjum sem sjá um millfærslu peninga. Forsvarsmaður eins veðmálafyrirtækis kemur fram í heimildamynd TV2 án þess að nafn hans sé getið. Samkvæmt honum er enginn vafi á að GOG tapaði leiknum gegn Kadetten Schaffhausen vegna dómgæslunnar. „Þegar maður skoðar veðmál sem lögð eru fram, að Kadetten Schaffhausen myndi vinna, og þegar maður skoðar það í samhengi við frammistöðu dómaranna á vellinum, þá er ég ekki í nokkrum vafa um að GOG tapaði leiknum vegna dómaranna.“ Vitaku-dómaraparið er á svörtum lista hjá ýmsum veðmálafyrirtækjum samkvæmt TV2. Það þýðir að í hvert sinn sem parið dæmir fá fyrirtækin aðvörun og upphæðin sem hægt er að leggja undir á úrslit leiksins er lækkuð. Stórt veðmál frá aðila sem dæmdur var fyrir hagræðingu úrslita Í þætti gærkvöldsins var einnig greint frá því að aðili sem hlotið hefur dóm fyrir hagræðingu úrslita lagði pening undir á umræddan leik GOG og Kadetten Schaffhausen. Forsvarsmaður annars veðmálafyrirtækis segir að aðilinn hafi lagt hámarksupphæð undir að Kadetten Schaffhausen færi með sigur af hólmi. „Hann hafði aldrei lagt undir pening á handbolta áður og þetta var mjög óvenjuleg upphæð. Þegar ég fer í gegnum veðmálin hans þá er mín tilfinning að það hafi ekki bara verið hrein heppni að hann hafi náð svona miklu af okkur.“ Aðilinn sem lagði pening undir á leikinn hafði áður verið dæmdur fyrir hagræðingu úrslita í knattspyrnu, þar sem hann ásamt öðrum aðila, hafði reynt að múta markverði í sænsku úrvalsdeildinni með tveimur milljónum sænskra króna ef markmaðurinn myndi spila illa í leik. Markmaðurinn tilkynnti atvikið og bæði aðilinn sem lagði pening undir á leik GOG og Kadetten Schaffhausen, sem og félagi hans, fengu dóm. Så er anden del af vores dokumentar Mistænkeligt spil ude på TV 2 Play - og kommer også i aften klokken 20 på TV 2 #hndbld #handball pic.twitter.com/Jcx4Qo5C1i— Lars Bruun-Mortensen (@larsbmo) July 12, 2023 Það kemur Nicolej Krickau ekki á óvart að umræddur aðili hafi lagt pening undir á leik hans liðs, hans tilfinning hefur allan tímann verið sú að úrslitum leiksins hafi verið hagrætt. „Þetta eru rosaleg skilaboð að fá, að aðili sem hefur verið dæmdur fyrir hagræðingu úrslita, hafi lagt pening undir á leik hjá þér. En það gefur þessu öllu samhengi,“ segir hann og vísar í frammistöðu dómaranna. Hann er ósáttur með að sama dómarapar hafi fengið úthlutað fleiri leikjum síðustu árin, án þess að EHF hafi gripið inn í. „Ég er bæði ótrúlega hissa og pirraður yfir því að þeir séu ennþá að dæma. Maður fær illt í magann af því. Við sem þátttakendur í leiknum verðum sorgmæddir því við vorum að berjast eins og brjálæðingar við að finna síðustu mörkin, auðvitað líður manni eins og maður sé hálfmáttlaus.“ EHF neitar að svara Þegar TV2 hóf að afhjúpa spillingu í handboltaheiminum í janúar síðastliðnum komu á ný fram ásakanir um hagræðingu úrslita í leik sem kósóvska dómaraparið dæmdi. Það var leikur Vipers Kristiansand og Rail Cargo í Meistaradeild kvenna og aftur var veðjað á óeðlilegan hátt á úrslit leiksins. Síðan í þeim leik hefur dómaraparið ekki dæmt einn einasta leik. TV2 sendi fyrirspurn á EHF um hvort sambandið hefði fengið aðvaranir varðandi ákveðna leiki á þessu og síðasta ári frá Sportradar, sem rannsakar hagræðingu úrslita í íþróttum og er samstarfsaðili EHF. Sambandið hefur ekki svarað og ekki heldur af hverju dómaraparið hefur ekki dæmt neinn leik síðan í janúar. TV2 hefur sömuleiðis reynt að hafa samband við báða dómarana. Þeir neita að hafa verið aðilar að hagræðingu úrslita. Arsim Vitaku segir jafnframt að hann viti ekki hvers vegna hann og félagi hans, Erdoan Vitaku, hafa ekki dæmt síðan í janúar. Að hans sögn hefur hann ekki átt í samskiptum við EHF. Meistaradeild Evrópu í handbolta karla EHF-bikarinn Mest lesið Mikil sorg hjá Haaland Enski boltinn Lokar á föður sinn: Gerði hryllilega hluti við fólkið sem ég elska Enski boltinn Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Var með ferðatöskuna tilbúna af því að Liverpool ætlaði að kaupa hann Enski boltinn „Þeir hótuðu að handtaka konuna mína“ Fótbolti Hungrið enn til staðar hjá Gunnari: Með augun á næsta bardaga Sport Lést í hlaupi til minningar um systur sína Sport Pochettino verður sá launahæsti í sögunni Fótbolti Man United tapaði yfir tuttugu milljörðum á síðasta ári Enski boltinn Fleiri fréttir Ein sú besta framlengir um þrjú ár Orri Freyr hafði betur gegn Viktori Gísla Birkir Fannar í Kaplakrika út leiktíðina Íslendingalið Kolstad mátti þola tap gegn stórliði Barcelona Þórir valdi enga úr gullliði Ólympíuleikanna í nýjasta hópinn Þórir ekki maður millivegarins: „Ég sem eyðilagði partýið“ Líður eins og hún geti sagt Þóri allt Fær ekki keppnisleyfi þar sem uppeldisbætur hafa ekki verið greiddar Þórir hættir sem þjálfari þeirra norsku Teitur Örn frábær og Gummersbach mætir FH Viggó og Andri Már öflugir í sigri Leipzig Þorsteinn Leó hafði betur gegn Stiven og Orri Freyr fer vel af stað Valur líka í Evrópudeildina eftir háspennu í Króatíu Grótta stakk KA af í fyrsta leik Ómar og Gísli heitir en Elvar og Arnar flugu inn í Evrópudeildina Grótta hrelldi ÍBV í fyrsta leik en meistararnir fóru á flug Fram og ÍR með stórsigra í Olís-deildunum Arnór hafði betur gegn Guðmundi Ólafur ekki með FH næstu vikurnar Selja bjór til minningar um Fidda Skarphéðinn tryggði Haukum sigurinn með frábæru marki „Þoli ekki þetta dæmi, haustbragur og eitthvað kjaftæði“ Stjörnumenn sterkari á móti nágrönnunum Uppgjörið: FH - Fram 27-23 | Hefja titilvörnina á sigri Rut Arnfjörð: Þetta hafa verið krefjandi mánuðir Uppgjörið og viðtöl: Haukar - Selfoss 32-20 | Haukar kjöldrógu Selfoss Strákarnir hans Guðjóns Vals byrja tímabilið vel „Fannst Eyjamennirnir bara furðugóðir“ „Fengu frítt að borða í hádeginu þannig þeir geta ekki kvartað“ Kristján fagnaði sigri í fyrsta leiknum með SAH Sjá meira
Seinni þáttur dönsku heimildamyndarinnar „Grunsamlegur leikur“ var sýndur á sjónvarpsstöðinni TV2 í gær. Í fyrri þættinum var greint frá því hvernig notuð var tálbeita til að góma formann dómaranefndar EHF vegna gruns um hagræðingu úrslita í handboltaleikjum. Í heimildamyndinni sést formaðurinn Dragan Nachevski ræða við það sem hann heldur að sé kínverski kaupsýslumaðurinn Herra Zhang. Það var í raun leikari sem TV 2 réði til að grípa Nachevski glóðvolgan. Nachevski var settur af sem formaður dómaranefndarinnar í maí. Í seinni þættinum sem sýndur var í gær var meðal annars fjallað um leik danska liðsins GOG og svissneska liðsins Kadetten Schaffhausen í Evrópudeildinni í október árið 2020. Nikolej Krickau, fyrrum þjálfari GOG, er handviss um að úrslitum leiksins hafi verið hagrætt. Krickau er nýtekinn við sem þjálfari Flensburg í þýsku úrvalsdeildinni. GOG tapaði umræddum leik með einu marki eftir mark á lokasekúndum leiksins. Eftir leikinn hóf evrópska handknattleikssambandið, EHF, rannsókn en hafnaði því að lokum að eitthvað óeðlilegt hefði átt sér stað. Forráðamenn nokkurra veðmálafyrirtækja lokuðu á veðmál fyrir leikinn vegna fjölmargra óeðlilegra veðmála í tengslum við hann. Krickau fannst dómgæslan í leiknum vera grunsamleg. Landsliðsmarkvörður Íslands Viktor Gísli Hallgrímsson var leikmaður GOG á þessum tíma og tók þátt í leiknum. Aðalsteinn Eyjólfsson var þjálfari Kadetten Schaffhausen. „Það var okkar upplifun að á síðustu tuttugu mínútunum vorum við tilneyddir að horfa á dómarana í hvert skipti sem þeir dæmdu og segja: „Hvað ertu að dæma?“. Allt traust og almenn skynsemi var farið,“ sagði Krickau. Á svörtum lista hjá veðmálafyrirtækjum Það var dómaraparið Erdoan Vitaku og Arsim Vitaku frá Kósóvó sem dæmdi leikinn. EHF hóf rannsókn en komst að þeirri niðurstöðu að það væri ekkert sem væri hægt að aðhafast. Nú hefur hins vegar komið í ljós að sama dómarapar hefur síðan þá dæmt leiki þar sem grunur er um hagræðingu úrslita. Um er að ræða stóra alþjóðlega leiki, meðal annars leik Hollands og Belgíu í undankeppni Evrópumótsins í janúar næstkomandi sem og leik í Meistaradeild kvenna þar sem Kastamonu og Metz mættust. TV2 hefur undir höndum gögn frá veðmálafyrirtækjum og fyrirækjum sem sjá um millfærslu peninga. Forsvarsmaður eins veðmálafyrirtækis kemur fram í heimildamynd TV2 án þess að nafn hans sé getið. Samkvæmt honum er enginn vafi á að GOG tapaði leiknum gegn Kadetten Schaffhausen vegna dómgæslunnar. „Þegar maður skoðar veðmál sem lögð eru fram, að Kadetten Schaffhausen myndi vinna, og þegar maður skoðar það í samhengi við frammistöðu dómaranna á vellinum, þá er ég ekki í nokkrum vafa um að GOG tapaði leiknum vegna dómaranna.“ Vitaku-dómaraparið er á svörtum lista hjá ýmsum veðmálafyrirtækjum samkvæmt TV2. Það þýðir að í hvert sinn sem parið dæmir fá fyrirtækin aðvörun og upphæðin sem hægt er að leggja undir á úrslit leiksins er lækkuð. Stórt veðmál frá aðila sem dæmdur var fyrir hagræðingu úrslita Í þætti gærkvöldsins var einnig greint frá því að aðili sem hlotið hefur dóm fyrir hagræðingu úrslita lagði pening undir á umræddan leik GOG og Kadetten Schaffhausen. Forsvarsmaður annars veðmálafyrirtækis segir að aðilinn hafi lagt hámarksupphæð undir að Kadetten Schaffhausen færi með sigur af hólmi. „Hann hafði aldrei lagt undir pening á handbolta áður og þetta var mjög óvenjuleg upphæð. Þegar ég fer í gegnum veðmálin hans þá er mín tilfinning að það hafi ekki bara verið hrein heppni að hann hafi náð svona miklu af okkur.“ Aðilinn sem lagði pening undir á leikinn hafði áður verið dæmdur fyrir hagræðingu úrslita í knattspyrnu, þar sem hann ásamt öðrum aðila, hafði reynt að múta markverði í sænsku úrvalsdeildinni með tveimur milljónum sænskra króna ef markmaðurinn myndi spila illa í leik. Markmaðurinn tilkynnti atvikið og bæði aðilinn sem lagði pening undir á leik GOG og Kadetten Schaffhausen, sem og félagi hans, fengu dóm. Så er anden del af vores dokumentar Mistænkeligt spil ude på TV 2 Play - og kommer også i aften klokken 20 på TV 2 #hndbld #handball pic.twitter.com/Jcx4Qo5C1i— Lars Bruun-Mortensen (@larsbmo) July 12, 2023 Það kemur Nicolej Krickau ekki á óvart að umræddur aðili hafi lagt pening undir á leik hans liðs, hans tilfinning hefur allan tímann verið sú að úrslitum leiksins hafi verið hagrætt. „Þetta eru rosaleg skilaboð að fá, að aðili sem hefur verið dæmdur fyrir hagræðingu úrslita, hafi lagt pening undir á leik hjá þér. En það gefur þessu öllu samhengi,“ segir hann og vísar í frammistöðu dómaranna. Hann er ósáttur með að sama dómarapar hafi fengið úthlutað fleiri leikjum síðustu árin, án þess að EHF hafi gripið inn í. „Ég er bæði ótrúlega hissa og pirraður yfir því að þeir séu ennþá að dæma. Maður fær illt í magann af því. Við sem þátttakendur í leiknum verðum sorgmæddir því við vorum að berjast eins og brjálæðingar við að finna síðustu mörkin, auðvitað líður manni eins og maður sé hálfmáttlaus.“ EHF neitar að svara Þegar TV2 hóf að afhjúpa spillingu í handboltaheiminum í janúar síðastliðnum komu á ný fram ásakanir um hagræðingu úrslita í leik sem kósóvska dómaraparið dæmdi. Það var leikur Vipers Kristiansand og Rail Cargo í Meistaradeild kvenna og aftur var veðjað á óeðlilegan hátt á úrslit leiksins. Síðan í þeim leik hefur dómaraparið ekki dæmt einn einasta leik. TV2 sendi fyrirspurn á EHF um hvort sambandið hefði fengið aðvaranir varðandi ákveðna leiki á þessu og síðasta ári frá Sportradar, sem rannsakar hagræðingu úrslita í íþróttum og er samstarfsaðili EHF. Sambandið hefur ekki svarað og ekki heldur af hverju dómaraparið hefur ekki dæmt neinn leik síðan í janúar. TV2 hefur sömuleiðis reynt að hafa samband við báða dómarana. Þeir neita að hafa verið aðilar að hagræðingu úrslita. Arsim Vitaku segir jafnframt að hann viti ekki hvers vegna hann og félagi hans, Erdoan Vitaku, hafa ekki dæmt síðan í janúar. Að hans sögn hefur hann ekki átt í samskiptum við EHF.
Meistaradeild Evrópu í handbolta karla EHF-bikarinn Mest lesið Mikil sorg hjá Haaland Enski boltinn Lokar á föður sinn: Gerði hryllilega hluti við fólkið sem ég elska Enski boltinn Haraldur skammar Pawel: „Ömurlegt pólitískt útspil“ Íslenski boltinn Given vorkennir Heimi Fótbolti Var með ferðatöskuna tilbúna af því að Liverpool ætlaði að kaupa hann Enski boltinn „Þeir hótuðu að handtaka konuna mína“ Fótbolti Hungrið enn til staðar hjá Gunnari: Með augun á næsta bardaga Sport Lést í hlaupi til minningar um systur sína Sport Pochettino verður sá launahæsti í sögunni Fótbolti Man United tapaði yfir tuttugu milljörðum á síðasta ári Enski boltinn Fleiri fréttir Ein sú besta framlengir um þrjú ár Orri Freyr hafði betur gegn Viktori Gísla Birkir Fannar í Kaplakrika út leiktíðina Íslendingalið Kolstad mátti þola tap gegn stórliði Barcelona Þórir valdi enga úr gullliði Ólympíuleikanna í nýjasta hópinn Þórir ekki maður millivegarins: „Ég sem eyðilagði partýið“ Líður eins og hún geti sagt Þóri allt Fær ekki keppnisleyfi þar sem uppeldisbætur hafa ekki verið greiddar Þórir hættir sem þjálfari þeirra norsku Teitur Örn frábær og Gummersbach mætir FH Viggó og Andri Már öflugir í sigri Leipzig Þorsteinn Leó hafði betur gegn Stiven og Orri Freyr fer vel af stað Valur líka í Evrópudeildina eftir háspennu í Króatíu Grótta stakk KA af í fyrsta leik Ómar og Gísli heitir en Elvar og Arnar flugu inn í Evrópudeildina Grótta hrelldi ÍBV í fyrsta leik en meistararnir fóru á flug Fram og ÍR með stórsigra í Olís-deildunum Arnór hafði betur gegn Guðmundi Ólafur ekki með FH næstu vikurnar Selja bjór til minningar um Fidda Skarphéðinn tryggði Haukum sigurinn með frábæru marki „Þoli ekki þetta dæmi, haustbragur og eitthvað kjaftæði“ Stjörnumenn sterkari á móti nágrönnunum Uppgjörið: FH - Fram 27-23 | Hefja titilvörnina á sigri Rut Arnfjörð: Þetta hafa verið krefjandi mánuðir Uppgjörið og viðtöl: Haukar - Selfoss 32-20 | Haukar kjöldrógu Selfoss Strákarnir hans Guðjóns Vals byrja tímabilið vel „Fannst Eyjamennirnir bara furðugóðir“ „Fengu frítt að borða í hádeginu þannig þeir geta ekki kvartað“ Kristján fagnaði sigri í fyrsta leiknum með SAH Sjá meira