Serbar unnu leikinn með þriggja marka mun, 30-27, eftir að hafa verið fimm mörkum yfir í hálfleik, 17-12.
Serbneska liðið skoraði tvö fyrstu mörk leiksins og var komið fimm mörkum yfir, 14-9, eftir tuttugu mínútna leik.
Leikurinn fór síðan endalega frá Færeyingum þegar Serbar skoruðu þrjú fyrstu mörk seinni hálfleiksins og komust fyrir vikið átta mörkum yfir, 20-12.
Færeyingar náðu muninum niður í tvö mörk á lokakaflanum en komust ekki nær.
Færeyska liðið hafði unnið marga stóra sigra á mótinu og voru til alls líklegir en verða nú að sætta sig að spila um fimmta til áttunda sætið.
Elias Ellefsen á Skipagötu átti enn einn stórleikinn á mótinu en hann var með 9 mörk og 11 stoðsendingar. Það dugði þó ekki til. Óli Mittun skoraði fimm mörk og yngri bróðir Elíasar, Roi Ellefsen á Skipagötu skoraði fjögur mörk.
Milos Kos og Bosko Stanisavljevic voru markahæstir hjá Serbíu með sjö mörk hvor.
Serbía mætir sigurvegaranum úr leik Þýskalands og Danmerkur í undanúrslitunum.
