Kvöldfréttir Stöðvar 2

Þá fjöllum við um fund sem Katrín Jakobsdóttir átti með forsætisráðherra Finnlands í dag, en á morgun fer fram fundur Norrænu ráðherranefndarinnar í Vestmannaeyjum, þar sem forsætisráðherra Kanada er sérstakur gestur. Við hittum á fallhlífaferðamenn, sem ferðast á milli flugvalla á landinu og stökkva úr flugvélum yfir helstu náttúruperlum landsins. Dýrt sport, en of skemmtilegt til að sleppa því, segir fyrirliði hópsins.

Við heyrum frá frönskum ferðamanni sem hjólaði umhverfis landið á mánuði, en hann segist óviss um hvort hann geti mælt með Íslandi við vini og vandamenn, en þar spilar veðurfar stórt hlutverk. Eins tökum við stöðuna á fyrstu björgunarsveitinni til að fara á hálendisvaktina þetta sumarið.

Þetta og fleira í kvöldfréttum Stöðvar 2 í beinni útsendingu klukkan 18:30, á Stöð 2, Vísi og Bylgjunni.