125 ára sunnlensk samstaða verði rofin með flutningi heilsugæslunnar Atli Ísleifsson skrifar 7. júní 2023 07:23 Aldís Hafsteinsdóttir er sveitarstjóri Hrunamannahrepps og Ásta Stefánsdóttir sveitarstjóri Bláskólabyggðar. Sveitarstjórn Bláskógabyggðar telur að hugmyndir sem uppi séu um flutning heilsugæslunnar í Laugarási í nágrannasveitarfélag geti skaðað samstarf sveitarfélaga í Uppsveitum Árnessýslu á öllum sviðum. Það sé miður ef til standi að rjúfa rúmlega aldarlanga samstöðu í Uppsveitum um heilsugæslu í Laugarási. Sveitarstjóri Hrunamannahrepps segir augljóst að hentugra sé að heilsugæslan flytjist á Flúðir. Í fundargerð sveitarstjórnar Bláskólabyggðar frá í síðustu viku kemur fram að hún undrist þau áform stjórnenda Heilbrigðisstofunar Suðurlands að auglýsa eftir nýju húsnæði fyrir heilsugæsluna í Laugarási. Samtal forsvarsmanna HSU við fulltrúa annars sveitarfélags um mögulega tilfærslu á heilsugæslunni þangað og vettvangsferð bendi til að fagleg vinnubrögð verði ekki viðhöfð ef auglýst verður eftir húsnæði. Í fundargerðinni er ekki til tekið hvaða sveitarfélag um ræðir en samkvæmt heimildum fréttastofu er verið að vísa til Hrunamannahrepps og að forsvarsmenn HSU hafi fundað með þeim um mögulegan flutning heilsugæslunnar í húsnæði á Flúðum, stærsta byggðakjarnans í Hrunamannahreppi. Umrætt húsnæði er milli félagsheimilisins og veitingastaðarins Minilik. Til skoðunar er hvort hægt verði að koma starfsemi heilsugæslunnar fyrir í húsnæðinu á miðri mynd, milli félagsheimilisins og veitingastaðarins Minilik.Vísir/Vilhelm Viðhaldsþörfin í Laugarási 150 milljónir Fram kemur að hugmyndir um flutning heilsugæslunnar í Laugarási hafi verið kynntar á fundi HSU með oddvitum sveitarfélaganna í Uppsveitum Árnessýslu í byrjun síðasta mánaðar. Þar hafi ástæðan verið tilgreind að núverandi húsnæði væri illa farið og viðhaldsþörfin 150 milljónir króna. Sveitarstjórn Bláskógabyggðar er þó allt annað en ánægð með vinnubrögð HSU og Framkvæmdasýslunnar Ríkiseigna þar sem hún hafi ekki fengið afhent gögn um viðhaldsþörf húsnæðisins. Sé slík leynd yfir gögnum óásættanleg og veki upp ýmsar spurningar. Þá þyki sveitarstjórninni miður ef til standi að rjúfa rúmlega aldarlanga samstöðu í Uppsveitum um heilsugæslu í Laugarási. Mikilvægt er að traust sé til staðar í öllu samstarfi. Sé það ekki til staðar er hætta á því að það skaði allt samstarf sveitarfélaganna á svæðinu. Þá hefur Ástu Stefánsdóttur, sveitarstjóra Bláskógabyggðar, verið falið að óska eftir fundi með forsvarsmönnum Heilbrigðisstofnunar Suðurlands og fulltrúum frá heilbrigðisráðuneyti og Framkvæmdasýslunni Ríkiseignum vegna málsins. Eðlilegra að heilsugæslan sé þar sem flestir séu Aldís Hafsteinsdóttir, sveitarstjóri í Hrunamannahreppi, segir í samtali við Vísi, að það sé ekki nein launung að fulltrúar hjá Hrunamannahreppi hafi brugðist við þegar forsvarsmenn Heilbrigðisstofnunar Suðurlands hafi viðrað hvort þetta gæti verið möguleiki. „Það er ekki síst til komið þar sem þetta hús er hérna á mjög góðum stað hér á Flúðum og sveitarfélagið keypti fyrstu hæð hússins og kjallarann allan í upphafi þessa árs með það fyrir augum að nýta í þjónustu fyrir íbúa. Við sáum þetta ekki sem möguleika á þeim tíma, en um leið og það er viðrað við okkur þá auðvitað grípum við þann bolta. Heilsugæslan í Laugarási. Viðhaldsþörf húsnæðisins er sögð vera 150 milljónir króna.Vísir/Vilhelm Þegar maður fer þetta hugsa þetta betur og lengra þá sér maður auðvitað að heilsugæslan í Laugarási er ekki á besta stað ef litið er á íbúafjöldann í sveitarfélögunum hérna upp frá. Laugarás er þéttbýliskjarni þar sem er sáralítil þjónusta. Þarna var lyfjaafgreiðsla Lyfju en henni var lokað á síðasta ári og um leið og henni er lokað þá er fótunum svolítið kippt undan heilsugæslunni. Það er erfitt að reka heilsugæslu, þó nokkuð langt frá næsta þéttbýliskjarna þar sem er lyfjaverslun. Þannig er til dæmis erfitt að fara á heilsugæsluna í Laugarási, fá uppáskrifað sýklalyf og þurfa svo að fara á Selfoss til að leysa út lyfið. Í samtölum okkar við fulltrúa lyfjaverslana þá kemur það alveg fram að það sé ekki rekstrargrundvöllur á þessum stað. Það þarf að vera nokkuð þétt byggð í kring til að lyfjaverslun geti borið sig og við þekkjum það alveg að verslun með lyf hefur breyst með árunum. Það er selt svo miklu meira en bara lyf. Við heyrum það líka meðal Uppsveitarmanna að heilsugæslan væri betur komin í stærra þéttbýli. Það er ekki allt fengið með staðsetningu miðsvæðis ef fáir búa nálægt þeim miðpunkti.“ Bókun skrifuð í gremju? Aldís segist trúa því að bókun sveitarstjórnar Bláskógabyggðar hafi verið skrifuð í ákveðinni gremju og að þetta mál ætti ekki að þurfa að hafa áhrif á samstarf sveitarfélaganna í Uppsveitum Árnessýslu. „Við eigum í samstarfi á ýmsum sviðum – samstarf sem hefur verið farfælt. Það væri ákaflega sérstakt að láta þetta hafa áhrif á það. Uppsveitirnar eru líka á blússandi siglingu. Það eru alls konar verkefni í gangi, sum risavaxin, þannig að við erum að sjá fram á svo mikla aukningu, bæði á íbúum og umfangi þannig að við þurfum öll að taka höndum saman að gera hlutina með sem skynsamlegustum hætti til að þeir sem hingað vilji flytja sjái það sem vænlegan kost og við séum að búa til umhverfi sem fólk vill búa í. Það væri sérstakt að láta þróun á jafn dýrmætu svæði eins og hér er, og jafn vinsælustu, stýrast af því hvað gerðist 1899.“ Brúin yfir Hvítá við Laugarás.Vísir/Vilhelm Samstarf aftur til 1899 Aldís vísar þar í bókun sveitarstjórnar Bláskólabyggðar þar sem fram kemur að samstaða hafi verið um heilsugæslu í Laugarási frá árinu 1899, þegar Grímsneslæknishérað var stofnað. Í bókuninni segir að staðsetning heilsugæslunnar í Laugarási sé heppileg fyrir þá sem þangað sæki þjónustuna þar sem staðurinn sé miðsvæðis í Uppsveitum Árnessýslu. Mikilvægt sé að forsvarsmenn HSU geri sér grein fyrir því að tilfærsla heilsugæslunnar geti komið sér illa fyrir marga þá sem þangað eigi að sækja sína þjónustu. „Lengri vegalengdir fyrir íbúa svæðisins til að sækja þjónustu á heilsugæslu er óheppileg og getur orðið til þess að íbúa sjái hag sinn í því að sækja þjónustuna frekar á Selfoss. Slíkt gæti grafið undan heilsugæslu í Uppsveitum til lengri tíma litið. Samstarf sveitarfélaganna í Uppsveitum um heilsugæslu er löng og farsæl. Samstarfið nær allt aftur til 1899 þegar Grímsneslæknishérað var stofnað. Það var svo árið 1922 sem sveitarfélögin kaupa Laugarásjörðina fyrir lækni sem þar skyldi vera staðsettur. Læknir hefur því verið staðsettur í Laugarási í yfir 100 ár og hefur mikil sátt ríkt um staðsetninguna allan þennan tíma. Þá þykir sveitarstjórn miður að nærri 125 ára góð og traust samstaða sveitarfélaganna í Uppsveitum um málefni heilsugæslunnar í Laugarási skuli rofin. Sveitarfélögin eiga í miklu og góðu samstarfi á ýmsum sviðum sem er öllum sveitarfélögunum til hagsbóta. Mikilvægt er að traust sé til staðar í öllu samstarfi, sé það ekki til staðar er hætta á því að það skaði allt samstarf,“ segir í bókun sveitarstjórnarinnar. Bláskógabyggð Hrunamannahreppur Heilsugæsla Byggðamál Heilbrigðisstofnun Suðurlands Tengdar fréttir Lyfjaafgreiðsla í Laugarási í lausu lofti eftir lokun Lyfju Útibúi Lyfju í Laugarási var lokað um síðustu mánaðamót. Sveitarstjórn Bláskógabyggðar hefur óskað eftir því að Heilbrigðisstofnun Suðurlands (HSU) taki við lyfjaafgreiðslu en hefur ekki haft erindi sem erfiði. 15. nóvember 2022 14:12 Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent „Forsetinn var aldrei óviðeigandi við neinn“ Erlent Eigandi Sante segir málið gjörunnið: „Frelsið sigrar alltaf að lokum” Innlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Sjö ára hlaupari kemur hópnum yfir línuna í sjötta maraþoninu á morgun Innlent Fleiri fréttir Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Sjá meira
Í fundargerð sveitarstjórnar Bláskólabyggðar frá í síðustu viku kemur fram að hún undrist þau áform stjórnenda Heilbrigðisstofunar Suðurlands að auglýsa eftir nýju húsnæði fyrir heilsugæsluna í Laugarási. Samtal forsvarsmanna HSU við fulltrúa annars sveitarfélags um mögulega tilfærslu á heilsugæslunni þangað og vettvangsferð bendi til að fagleg vinnubrögð verði ekki viðhöfð ef auglýst verður eftir húsnæði. Í fundargerðinni er ekki til tekið hvaða sveitarfélag um ræðir en samkvæmt heimildum fréttastofu er verið að vísa til Hrunamannahrepps og að forsvarsmenn HSU hafi fundað með þeim um mögulegan flutning heilsugæslunnar í húsnæði á Flúðum, stærsta byggðakjarnans í Hrunamannahreppi. Umrætt húsnæði er milli félagsheimilisins og veitingastaðarins Minilik. Til skoðunar er hvort hægt verði að koma starfsemi heilsugæslunnar fyrir í húsnæðinu á miðri mynd, milli félagsheimilisins og veitingastaðarins Minilik.Vísir/Vilhelm Viðhaldsþörfin í Laugarási 150 milljónir Fram kemur að hugmyndir um flutning heilsugæslunnar í Laugarási hafi verið kynntar á fundi HSU með oddvitum sveitarfélaganna í Uppsveitum Árnessýslu í byrjun síðasta mánaðar. Þar hafi ástæðan verið tilgreind að núverandi húsnæði væri illa farið og viðhaldsþörfin 150 milljónir króna. Sveitarstjórn Bláskógabyggðar er þó allt annað en ánægð með vinnubrögð HSU og Framkvæmdasýslunnar Ríkiseigna þar sem hún hafi ekki fengið afhent gögn um viðhaldsþörf húsnæðisins. Sé slík leynd yfir gögnum óásættanleg og veki upp ýmsar spurningar. Þá þyki sveitarstjórninni miður ef til standi að rjúfa rúmlega aldarlanga samstöðu í Uppsveitum um heilsugæslu í Laugarási. Mikilvægt er að traust sé til staðar í öllu samstarfi. Sé það ekki til staðar er hætta á því að það skaði allt samstarf sveitarfélaganna á svæðinu. Þá hefur Ástu Stefánsdóttur, sveitarstjóra Bláskógabyggðar, verið falið að óska eftir fundi með forsvarsmönnum Heilbrigðisstofnunar Suðurlands og fulltrúum frá heilbrigðisráðuneyti og Framkvæmdasýslunni Ríkiseignum vegna málsins. Eðlilegra að heilsugæslan sé þar sem flestir séu Aldís Hafsteinsdóttir, sveitarstjóri í Hrunamannahreppi, segir í samtali við Vísi, að það sé ekki nein launung að fulltrúar hjá Hrunamannahreppi hafi brugðist við þegar forsvarsmenn Heilbrigðisstofnunar Suðurlands hafi viðrað hvort þetta gæti verið möguleiki. „Það er ekki síst til komið þar sem þetta hús er hérna á mjög góðum stað hér á Flúðum og sveitarfélagið keypti fyrstu hæð hússins og kjallarann allan í upphafi þessa árs með það fyrir augum að nýta í þjónustu fyrir íbúa. Við sáum þetta ekki sem möguleika á þeim tíma, en um leið og það er viðrað við okkur þá auðvitað grípum við þann bolta. Heilsugæslan í Laugarási. Viðhaldsþörf húsnæðisins er sögð vera 150 milljónir króna.Vísir/Vilhelm Þegar maður fer þetta hugsa þetta betur og lengra þá sér maður auðvitað að heilsugæslan í Laugarási er ekki á besta stað ef litið er á íbúafjöldann í sveitarfélögunum hérna upp frá. Laugarás er þéttbýliskjarni þar sem er sáralítil þjónusta. Þarna var lyfjaafgreiðsla Lyfju en henni var lokað á síðasta ári og um leið og henni er lokað þá er fótunum svolítið kippt undan heilsugæslunni. Það er erfitt að reka heilsugæslu, þó nokkuð langt frá næsta þéttbýliskjarna þar sem er lyfjaverslun. Þannig er til dæmis erfitt að fara á heilsugæsluna í Laugarási, fá uppáskrifað sýklalyf og þurfa svo að fara á Selfoss til að leysa út lyfið. Í samtölum okkar við fulltrúa lyfjaverslana þá kemur það alveg fram að það sé ekki rekstrargrundvöllur á þessum stað. Það þarf að vera nokkuð þétt byggð í kring til að lyfjaverslun geti borið sig og við þekkjum það alveg að verslun með lyf hefur breyst með árunum. Það er selt svo miklu meira en bara lyf. Við heyrum það líka meðal Uppsveitarmanna að heilsugæslan væri betur komin í stærra þéttbýli. Það er ekki allt fengið með staðsetningu miðsvæðis ef fáir búa nálægt þeim miðpunkti.“ Bókun skrifuð í gremju? Aldís segist trúa því að bókun sveitarstjórnar Bláskógabyggðar hafi verið skrifuð í ákveðinni gremju og að þetta mál ætti ekki að þurfa að hafa áhrif á samstarf sveitarfélaganna í Uppsveitum Árnessýslu. „Við eigum í samstarfi á ýmsum sviðum – samstarf sem hefur verið farfælt. Það væri ákaflega sérstakt að láta þetta hafa áhrif á það. Uppsveitirnar eru líka á blússandi siglingu. Það eru alls konar verkefni í gangi, sum risavaxin, þannig að við erum að sjá fram á svo mikla aukningu, bæði á íbúum og umfangi þannig að við þurfum öll að taka höndum saman að gera hlutina með sem skynsamlegustum hætti til að þeir sem hingað vilji flytja sjái það sem vænlegan kost og við séum að búa til umhverfi sem fólk vill búa í. Það væri sérstakt að láta þróun á jafn dýrmætu svæði eins og hér er, og jafn vinsælustu, stýrast af því hvað gerðist 1899.“ Brúin yfir Hvítá við Laugarás.Vísir/Vilhelm Samstarf aftur til 1899 Aldís vísar þar í bókun sveitarstjórnar Bláskólabyggðar þar sem fram kemur að samstaða hafi verið um heilsugæslu í Laugarási frá árinu 1899, þegar Grímsneslæknishérað var stofnað. Í bókuninni segir að staðsetning heilsugæslunnar í Laugarási sé heppileg fyrir þá sem þangað sæki þjónustuna þar sem staðurinn sé miðsvæðis í Uppsveitum Árnessýslu. Mikilvægt sé að forsvarsmenn HSU geri sér grein fyrir því að tilfærsla heilsugæslunnar geti komið sér illa fyrir marga þá sem þangað eigi að sækja sína þjónustu. „Lengri vegalengdir fyrir íbúa svæðisins til að sækja þjónustu á heilsugæslu er óheppileg og getur orðið til þess að íbúa sjái hag sinn í því að sækja þjónustuna frekar á Selfoss. Slíkt gæti grafið undan heilsugæslu í Uppsveitum til lengri tíma litið. Samstarf sveitarfélaganna í Uppsveitum um heilsugæslu er löng og farsæl. Samstarfið nær allt aftur til 1899 þegar Grímsneslæknishérað var stofnað. Það var svo árið 1922 sem sveitarfélögin kaupa Laugarásjörðina fyrir lækni sem þar skyldi vera staðsettur. Læknir hefur því verið staðsettur í Laugarási í yfir 100 ár og hefur mikil sátt ríkt um staðsetninguna allan þennan tíma. Þá þykir sveitarstjórn miður að nærri 125 ára góð og traust samstaða sveitarfélaganna í Uppsveitum um málefni heilsugæslunnar í Laugarási skuli rofin. Sveitarfélögin eiga í miklu og góðu samstarfi á ýmsum sviðum sem er öllum sveitarfélögunum til hagsbóta. Mikilvægt er að traust sé til staðar í öllu samstarfi, sé það ekki til staðar er hætta á því að það skaði allt samstarf,“ segir í bókun sveitarstjórnarinnar.
Bláskógabyggð Hrunamannahreppur Heilsugæsla Byggðamál Heilbrigðisstofnun Suðurlands Tengdar fréttir Lyfjaafgreiðsla í Laugarási í lausu lofti eftir lokun Lyfju Útibúi Lyfju í Laugarási var lokað um síðustu mánaðamót. Sveitarstjórn Bláskógabyggðar hefur óskað eftir því að Heilbrigðisstofnun Suðurlands (HSU) taki við lyfjaafgreiðslu en hefur ekki haft erindi sem erfiði. 15. nóvember 2022 14:12 Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent „Forsetinn var aldrei óviðeigandi við neinn“ Erlent Eigandi Sante segir málið gjörunnið: „Frelsið sigrar alltaf að lokum” Innlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Sjö ára hlaupari kemur hópnum yfir línuna í sjötta maraþoninu á morgun Innlent Fleiri fréttir Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Hungursneið á Gasa, strokulaxar og metþátttaka í Reykjavíkurmaraþoni Sjá meira
Lyfjaafgreiðsla í Laugarási í lausu lofti eftir lokun Lyfju Útibúi Lyfju í Laugarási var lokað um síðustu mánaðamót. Sveitarstjórn Bláskógabyggðar hefur óskað eftir því að Heilbrigðisstofnun Suðurlands (HSU) taki við lyfjaafgreiðslu en hefur ekki haft erindi sem erfiði. 15. nóvember 2022 14:12