Mount hallast að Man United

Hinn 24 ára gamli Mount er samningsbundinn Chelsea til sumarsins 2024 en það virðist næsta öruggt að hann yfirgefi félagið í sumar þar sem það vill ekki missa hann frítt. The Athletic greinir nú frá því að enski landsliðsmaðurinn vilji fara til rauða hluta Manchester-borgar.

Mount hefur verið orðaður við Arsenal, Liverpool sem og fleiri lið. Þá vill Maurico Pochettino, verðandi þjálfari Chelsea, halda leikmanninum innan raða félagsins. Það virðist hins vegar sem Mount sé búinn að ákveða sig en hann hefur neitað að skrifa undir nýjan samning á Brúnni.

Mount hefur spilað 195 leiki fyrir Chelsea síðan hann braust fram á sjónvarsviðið og skorað 33 mörk.