Íslendingar sárir, svekktir og súrir: „Evrópa er ekki með eyru“

Margir voru reiðir og fúlir út í Evrópubúa og keppnina sjálfa. Arnar Sveinn Geirsson, fyrrverandi fótboltamaður og mannauðsstjóri, furðaði sig á því af hverju Ísland tæki þátt í Eurovision sem væri ekki söngvakeppni „fyrir fimm aura“.

Heiðar Austmann, útvarpsmaður, sagði að Evrópa væri ekki með eyru og það sæist á lögunum sem fóru áfram:

Lenya Rún, þingkona Pírata, sagði Íslendinga hafa verið rænda og birti mynd af þingsályktunartillögu þess efnis að Ísland myndi hætta þátttöku sinni í Eurovision frá og með árinu 2023.

Eydís Sara Óskarsdóttir velti því fyrir sér hvort það væri ekki í lagi heima hjá Evrópubúum:

Arnór Steinn Ívarsson, blaðamaður, velti því fyrir sér af hverju maður horfði „á þetta djöfulsins andskotans rusl ár eftir ár“ og kallaði hana svindl.

Grafíska hönnuðinum Svölu Hjörleifsdóttur fannst galið að Ísland hefði ekki komist áfram og dóttur hennar líka.

Helena Ólafsdóttir, íþróttafréttamaður og fyrrum fótboltakona, velti því fyrir sér hvernig Íslendingar nenntu að taka þátt en fannst Diljá samt geggjuð.

Bragi Valdimar, íslenskuspekúlant og orðasmiður, sagði bara „Prumpóvisjón.“:

Þórgnýr Albertsson, upplýsingafulltrúi Öryrkjabandalagsins, sagði Evrópu vera meðalgreinda heimsálfu:

Fjöldi fólks var sár og svekktur með úrslitin, sumir sögðust jafnvel þurfa tíma til að jafna sig. Hildur Lilliendahl sagðist núna hata Eurovision og hún verði að lágmarki sólarhring að jafna sig:

Inga Auðbjörg, formaður Siðmenntar, sagðist ekki mundu verða við næstu þrjá til fimm daga og birti GIF af grátandi manni:

Tanja Ísfjörð, aðgerðarsinni hjá Öfgum, sagðist yfirleitt ekki vera tapsár en að Diljá hafi átt skilið að komast upp úr riðlinum. Hún bað fólk að tala ekki við sig, hún þyrfti að jafna sig.

Birna Birgisdóttir birti mynd af leikskólabarni sínu þar sem hún sendir Evrópu fingurinn. Hún sagði úrslitin vera gott tækifæri til að læra um tilfinningar á borð við reiði, vonbrigði og gremju. Það er eflaust satt hjá henni.

Salka Sól söngkona sá það jákvæða við kvöldið, frammistöðu Diljár og sagði „skítt með að komast áfram“. Á hennar heimili hefði fólk setið dáleitt og agndofa yfir Diljá sem væri þvílíkt undur. 

Óskar G. Óskarsson var á öðrum meiði. Honum fannst Power skítlélegt og aldrei líklegt til afreka. Hann lagði til að sænskir lagasmiðir yrðu ráðnir til starfa og Einar Ágúst fengi að keppa fyrir hönd Íslendinga:

Ýmsir tengdu Evrópusambandsumsókn Íslendinga inn í niðurstöðuna. Eva Pandóra sagði það kannski bara vera ágætt að Gunnar Bragi slúttaði umsókn Íslendinga í sambandið. 

Kolbrún Birna sagði að þetta fengjum við fyrir að vera ekki í Evrópusambandinu:

Hrafn Jónsson, pistlahöfundur og klippari, sagði að þarna þyti Evrópusambandsdraumurinn endanlega út um gluggan.

Hann huggaði sig líka við að Danir hefðu ekki komist áfram:

Björn Teitsson, hjólreiðafrömuður, gerði það sama:

Twitter-notandinn Lobbsterinn fannst jákvætt að Danir hefðu ekki farið áfram en það væru tvö lítil Eurovision-hjörtu á heimilinu í molum.

Sigurður Ingi Ricardo sagði lærdóm kvöldsins vera að það ætti að syngja á móðurmálinu, það hentaði betur:

Þórður Helgi Þórðarson, betur þekktur sem Doddi litli, leitaði skýringa í mynd sem var tekin af Diljá úti í Liverpool þar sem hún var klædd í fullan Liverpool-skrúða:

Hilmar Norðfjörð lagði til að Gísli Marteinn yrði sendur heim í mótmælaskyni:

Tómas Jóhannsson, leikari, taldi brotthvarf dómara úr undanúrslitum hafa mikið að segja um það að Ísland hefði ekki komist áfram: