Maí­spá Siggu Kling: Hrúturinn á leið inn í sigur­tíma­bil

Þú ert búinn að vera á krossgötum, en þá skaltu líka skilja að það er um margt að velja og að margir vegir liggja frá krossgötum. Þú sorterar í kringum þig, einfaldar og eflir. Og kærleikurinn, sem mér finnst fallegasta orð íslenskunnar, er þér við hlið. Þú nærð að temja hraðann í lífi þínu og að hafa þá rútínu sem hentar þér betur.

Tölurnar sem tengdar eru tímabilinu sem þú ert að fara inn í eru 1 plús 6 og útkoman er sjö. Þennan talna kóða sendi ég þér og útreikningurinn er: Ást, fjölskylda, sameining og andlegt jafnvægi, sem er nauðsynlegt að hafa í öllu því sem þú ert að fara að taka þér fyrir hendur.

Þú ert ómótstæðilegur persónuleiki og hefur einstaka hæfileika til að vinna mikið, skemmta þér og öðrum um leið. Þú hefur svo sterka örhugsun, og mörg hús í heilanum á þér, svo það er alveg sama hvaða þraut verður lögð fyrir þig, þú munt leysa hana. Þú ert lausnarmiðaður í því sem er yfirleitt lagt fyrir þig, en þrjóskan getur stundum stoppað þig vegna þess að í þér býr svo mikill keppnismaður að það er annaðhvort að sigra eða sigra. Svo útkoman er að þú ert sigurvegari og ert að fara inn í sigurtímabil og átt eftir að njóta lífsins lystisemda, sérstaklega eftir 19. maí sem að breytir lífi þínu eða afstöðu til þess.

Koss og knús, Sigga Kling

• Marlon Brando, leikari, 3. apríl
• Eddie Murphy, leikari, 3. apríl
• Robert Downey Jr., leikari, 4. apríl
• Heath Ledger, leikari, 4. apríl
• Jackie Chan, leikari 7. apríl
• Thomas Jefferson, fyrrum forseti Bandaríkjanna, 13. apríl
• Emma Watson, leikkona, 15. apríl
• Charlie Chaplin, grínisti, 16. apríl