Erlent

Kona hand­tekin með gull­byssu í fórum sínum

Bjarki Sigurðsson skrifar
Byssan er húðuð með 24 karata gulli.
Byssan er húðuð með 24 karata gulli. Landamæraverðir í Ástralíu

Bandarísk kona var á sunnudag handtekin í Sydney í Ástralíu eftir að gullbyssa fannst í ferðatösku hennar. Konan er laus gegn tryggingu en hún gæti átt allt að tíu ára fangelsi yfir höfði sér. 

Konan, sem er 28 ára, var á leið frá Los Angeles til Sydney. Samkvæmt CNN mun hún ekki hafa haft leyfi til að flytja byssuna inn í landið.

Hámarksrefsingin við því að flytja inn skotvopn án leyfis er tíu ára fangelsi. Hún fór fyrir dómara í gær og var eftir það látin laus gegn tryggingu. 

Skotvopn eru ekki algeng í Ástralíu og hefur byssulöggjöfin þar verið hert á síðustu árum. Var það gert eftir að skotmaður drap 35 manns í Port Arthur í Tasmaníu árið 1996. 

Ástralía

Mest lesið


Fleiri fréttir

Sjá meira


×

Mest lesið