„Þarna fer maður að hafa gaman af því að hafa augu“ Dóra Júlía Agnarsdóttir skrifar 3. apríl 2023 17:31 Eva Schram stendur fyrir sýningunni Þegar ljósið deyr. Eva Schram „Ég hef verið þeirrar gæfu aðnjótandi að fá að verja miklum tíma í öræfum Íslands. Samferðafólk mitt hefur haft þakkarverða þolinmæði gagnvart mér og skrásetningu minni,“ segir myndlistarkonan Eva Schram, sem stendur fyrir sýningunni Þegar ljósið deyr, í samvinnu við Listval. Sýningin er staðsett í Norr11 á Hverfisgötu og stendur til 3. maí næstkomandi. Í fréttatilkynningu frá Listval segir að íslensk náttúra og fjallamóða einkenni verk Evu Schram. Það geri fjöllin fjarlæg og framandi, líkt og himinn og jörð renni saman í eina óræða heild. Gómur eftir Evu Schram.Anna Kristín „Verkin hafa þróast á ferðum hennar um öræfi Íslands og dvöl í afskekktum sveitum. Listsköpun Evu dansar á mörkum ljóðs og myndlistar, þau þræða einstigið milli teikninga, ljósmynda og texta. Myndir hennar eru minimalískar en fullar af dulúð og óreiðu sem leitar á mann og dregur augað inn í rammann.“ Eva Schram að störfum.Aðsend Óáþreifanleg tign Erindi sýningarinnar er þráhyggja listamannsins til fjalla og hinnar óáþreifanlegu tignar sem einkennir íslenska náttúru. Eva sækir innblástur úr verkum Þórbergs Þórðarsonar sem bjó í Suðursveit, þar sem hún dvaldi nokkrum kynslóðum síðar. „Titill sýningarinnar eru í raun orð Þórbergs: Þegar ljósið deyr, tekur myrkrið við og allur þessi dularheimur,“ segir Eva í samtali við blaðamann en tengingin við hann kemur úr Suðursveit. Sýningin er staðsett í versluninni Norr11 á Hverfisgötu.Anna Kristín „Ég flutti í Suðursveit, á bóndabæinn við hlið Hala þar sem Þórbergur Þórðarson ólst upp, einni öld á undan mér. Áður en ég vissi af var ég farin að leggjast í skugga hans í túninu, í störukeppni við fjöllin, tímunum saman. Í dimmumótunum var mín mesta skemmtun að liggja í gluggakistunni og fylgjast með skuggadansinum í fjallshlíðinni. Þarna fæddist þessi þráhyggja mín fyrir bergi og steinum, sem fóru að birtast mér á annan hátt en ég var vön, líkt og lifandi verur, eins og Þórbergur skilgreindi það. Þórbergur sá um að skrásetja með orðunum og ég með augunum.“ View this post on Instagram A post shared by LISTVAL (@listval_) Myndræn ljóð „Eva nálgast myndverkið með hugarfari skáldsins og skapar úr því sitt eigið myndmál. Verkin eru myndræn ljóð. Ljósmyndirnar eru hengdar upp án glers. Þær eru áþreifanlegar og berskjaldaðar líkt og landið sjálft og líkjast jafnvel frekar málverkum hvað áferð snertir. Áhorfandi mætir óræðninni í þessum einlægu myndverkum sem virka eins og gluggar út í fjarlægðina,“ segir í fréttatilkynningu frá Listval. Verk Evu Schram hafa þróast á ferðum hennar um öræfi Íslands og dvöl í afskekktum sveitum.Anna Kristín „Þarna fer maður að hafa gaman af því að hafa augu“ „Í Suðursveit fyllti fjallið gluggann minn sem var á stærð við verkin mín,“ segir Eva og bætir við: „Þarna, milli fjallanna, fer maður að nota skynfærin öðruvísi og hafa gaman af því að hafa augu.“ Eva Schram tekur myndir sínar á svarthvítar filmur.Aðsend Eva tekur myndir sínar á svarthvítar filmur sem gjarnan eru komnar fram yfir síðasta söludag, en það gerir það að verkum að erfitt er að spá fyrir um árangurinn. View this post on Instagram A post shared by E S c h r m (@schreva) Hún framkallar og stækkar myndir sínar iðulega sjálf í myrkrakompu þar sem þær fá á sig dularfullan blæ, nálægar og fjarlægar í senn. Myndirnar tekur Eva oft í ljósaskiptum og leikur sér þar að birtu og skuggum. Madgalena dóttir Evu Schram smellti þessari mynd af móður sinni.Magdalena Schram „Þetta er töfrastundin – dimmumót – þegar landslagið lifnar við og í hugann koma óljósar minningar um forna leyndardóma og furðuvættir sem í landinu búa.“ Myndlist Ljósmyndun Menning Tengdar fréttir Hundrað listamenn saman á sýningu Næstkomandi laugardag opnar jólasýning Listvals í Hörpu. Á sýningunni má finna yfir 300 verk eftir um 100 listamenn sem njóta vinsælda hérlendis. Þær Helga Björg Kjerúlf og Elísabet Alma Svendsen eru stofnendur og eigendur Listvals og hafa saman staðið að fjöldanum öllum af sýningum með ólíku listafólki. 2. desember 2022 20:00 Listaverk sem fagna nýju lífi Kristín Morthens vann verk á nýrri sýningu sinni út frá minni tilfinninga fyrir og eftir fæðingu. Sýningin opnaði síðastliðna helgi í NORR11 í samvinnu við Listval og heitir Að snerta uppsprettu. 20. október 2022 13:32 Mest lesið Umfjöllunin um kynjaveisluna fór fyrir brjóstið á Birgittu Lífið Símtal á lágpunkti úti í London breytti öllu Lífið Mætti á nærfötunum einum klæða Tíska og hönnun „Mig langaði að eiga vini og verða vinsæll“ Lífið Íbúð við Laugaveg sem áður var bíósalur Lífið „Háð því að gera hluti sem eru óþægilegir“ Lífið Fiskikóngurinn fékk golfkúlu í hausinn Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Í fréttatilkynningu frá Listval segir að íslensk náttúra og fjallamóða einkenni verk Evu Schram. Það geri fjöllin fjarlæg og framandi, líkt og himinn og jörð renni saman í eina óræða heild. Gómur eftir Evu Schram.Anna Kristín „Verkin hafa þróast á ferðum hennar um öræfi Íslands og dvöl í afskekktum sveitum. Listsköpun Evu dansar á mörkum ljóðs og myndlistar, þau þræða einstigið milli teikninga, ljósmynda og texta. Myndir hennar eru minimalískar en fullar af dulúð og óreiðu sem leitar á mann og dregur augað inn í rammann.“ Eva Schram að störfum.Aðsend Óáþreifanleg tign Erindi sýningarinnar er þráhyggja listamannsins til fjalla og hinnar óáþreifanlegu tignar sem einkennir íslenska náttúru. Eva sækir innblástur úr verkum Þórbergs Þórðarsonar sem bjó í Suðursveit, þar sem hún dvaldi nokkrum kynslóðum síðar. „Titill sýningarinnar eru í raun orð Þórbergs: Þegar ljósið deyr, tekur myrkrið við og allur þessi dularheimur,“ segir Eva í samtali við blaðamann en tengingin við hann kemur úr Suðursveit. Sýningin er staðsett í versluninni Norr11 á Hverfisgötu.Anna Kristín „Ég flutti í Suðursveit, á bóndabæinn við hlið Hala þar sem Þórbergur Þórðarson ólst upp, einni öld á undan mér. Áður en ég vissi af var ég farin að leggjast í skugga hans í túninu, í störukeppni við fjöllin, tímunum saman. Í dimmumótunum var mín mesta skemmtun að liggja í gluggakistunni og fylgjast með skuggadansinum í fjallshlíðinni. Þarna fæddist þessi þráhyggja mín fyrir bergi og steinum, sem fóru að birtast mér á annan hátt en ég var vön, líkt og lifandi verur, eins og Þórbergur skilgreindi það. Þórbergur sá um að skrásetja með orðunum og ég með augunum.“ View this post on Instagram A post shared by LISTVAL (@listval_) Myndræn ljóð „Eva nálgast myndverkið með hugarfari skáldsins og skapar úr því sitt eigið myndmál. Verkin eru myndræn ljóð. Ljósmyndirnar eru hengdar upp án glers. Þær eru áþreifanlegar og berskjaldaðar líkt og landið sjálft og líkjast jafnvel frekar málverkum hvað áferð snertir. Áhorfandi mætir óræðninni í þessum einlægu myndverkum sem virka eins og gluggar út í fjarlægðina,“ segir í fréttatilkynningu frá Listval. Verk Evu Schram hafa þróast á ferðum hennar um öræfi Íslands og dvöl í afskekktum sveitum.Anna Kristín „Þarna fer maður að hafa gaman af því að hafa augu“ „Í Suðursveit fyllti fjallið gluggann minn sem var á stærð við verkin mín,“ segir Eva og bætir við: „Þarna, milli fjallanna, fer maður að nota skynfærin öðruvísi og hafa gaman af því að hafa augu.“ Eva Schram tekur myndir sínar á svarthvítar filmur.Aðsend Eva tekur myndir sínar á svarthvítar filmur sem gjarnan eru komnar fram yfir síðasta söludag, en það gerir það að verkum að erfitt er að spá fyrir um árangurinn. View this post on Instagram A post shared by E S c h r m (@schreva) Hún framkallar og stækkar myndir sínar iðulega sjálf í myrkrakompu þar sem þær fá á sig dularfullan blæ, nálægar og fjarlægar í senn. Myndirnar tekur Eva oft í ljósaskiptum og leikur sér þar að birtu og skuggum. Madgalena dóttir Evu Schram smellti þessari mynd af móður sinni.Magdalena Schram „Þetta er töfrastundin – dimmumót – þegar landslagið lifnar við og í hugann koma óljósar minningar um forna leyndardóma og furðuvættir sem í landinu búa.“
Myndlist Ljósmyndun Menning Tengdar fréttir Hundrað listamenn saman á sýningu Næstkomandi laugardag opnar jólasýning Listvals í Hörpu. Á sýningunni má finna yfir 300 verk eftir um 100 listamenn sem njóta vinsælda hérlendis. Þær Helga Björg Kjerúlf og Elísabet Alma Svendsen eru stofnendur og eigendur Listvals og hafa saman staðið að fjöldanum öllum af sýningum með ólíku listafólki. 2. desember 2022 20:00 Listaverk sem fagna nýju lífi Kristín Morthens vann verk á nýrri sýningu sinni út frá minni tilfinninga fyrir og eftir fæðingu. Sýningin opnaði síðastliðna helgi í NORR11 í samvinnu við Listval og heitir Að snerta uppsprettu. 20. október 2022 13:32 Mest lesið Umfjöllunin um kynjaveisluna fór fyrir brjóstið á Birgittu Lífið Símtal á lágpunkti úti í London breytti öllu Lífið Mætti á nærfötunum einum klæða Tíska og hönnun „Mig langaði að eiga vini og verða vinsæll“ Lífið Íbúð við Laugaveg sem áður var bíósalur Lífið „Háð því að gera hluti sem eru óþægilegir“ Lífið Fiskikóngurinn fékk golfkúlu í hausinn Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Fleiri fréttir Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Hundrað listamenn saman á sýningu Næstkomandi laugardag opnar jólasýning Listvals í Hörpu. Á sýningunni má finna yfir 300 verk eftir um 100 listamenn sem njóta vinsælda hérlendis. Þær Helga Björg Kjerúlf og Elísabet Alma Svendsen eru stofnendur og eigendur Listvals og hafa saman staðið að fjöldanum öllum af sýningum með ólíku listafólki. 2. desember 2022 20:00
Listaverk sem fagna nýju lífi Kristín Morthens vann verk á nýrri sýningu sinni út frá minni tilfinninga fyrir og eftir fæðingu. Sýningin opnaði síðastliðna helgi í NORR11 í samvinnu við Listval og heitir Að snerta uppsprettu. 20. október 2022 13:32