Þór/KA í úrslit eftir sigur á Blikum

Leikur liðanna fór fram á Kópavogsvelli en leikið var um sæti í úrslitum Lengjubikarsins en í hinum leik undanúrslitanna mætast lið Þróttar og Stjörnunnar en Íslandsmeistarar Vals komust ekki í gegnum riðlakeppnina.

Það voru Blikar sem komust yfir strax í upphafi leiks þegar Andrea Rut Bjarnadóttir skoraði. Þór/KA náði hins vegar að jafna fyrir hlé. Tahnhai Annis skoraði þá með skoti fyrir utan teig á 28. mínútu.

Staðan í hálfleik var 1-1 en í síðari hálfleiknum var það Þór/KA sem skoraði eina markið. Annis skoraði þá með skoti fyrir utan teig eftir vandræðagang hjá Blikum.

Breiðablik pressaði undir lokin en Þór/KA náði að halda út og fögnuðu 2-1 sigri. Þróttur og Stjarnan mætast í seinni leik undanúrslitanna á laugardag.