Opna fjar­vinnu­að­stöðu í gamla Búnaðar­banka­húsinu í Stykkis­hólmi

Frá þessu segir í tilkynningu en þar kemur fram að auk ljósleiðaratengingar og góðrar kaffiaðstöðu verði boðið upp á sérskrifstofur, sameiginlega vinnuaðstöðu og fullbúinn fundarsal sem búinn verði öllum tækjabúnaði sem nauðsynlegur sé fyrir fjarvinnu og fjarfundi. 

Um 24 manns geta starfað í húsnæðinu á sama tíma auk þess sem fleiri geta nýtt sér fundaraðstöðu í húsinu, en samningurinn er til fimmtán ára. 

Fram kemur að Regus reki skrifstofusetur á höfuðborgarsvæðinu, á Ísafirði og í Borgarnesi. Þá ætli Regus sér að opna fjögur ný útibú á þessu ári; tvö á höfuðborgarsvæðinu og eitt á Siglufirði, auk þeirrar aðstöðu í Stykkishólmi sem opnar í apríl. Verða þá þrettán skrifstofusetur í rekstri Regus.

„Til ársins 2027 stefnir Regus á að vera komin með 27 staðsetningar á Íslandi svo fólk og fyrirtæki geti unnið hvar sem þegar því hentar óháð staðsetningu. 

Regus er stærsti aðili sinnar tegundar í heiminum og er leiðandi þegar kemur að því að bjóða uppá tilbúnar og sveigjanlegar skrifstofulausnir hvar og hvenær sem er í yfir 127 löndum, 900 borgum á yfir 6.000 stöðum ásamt því að bjóða öllum sínum aðilum aðgang að 850 betri stofur flugvalla,“ segir í tilkynningunni.