„Við vorum alveg skíthrædd fyrst og hugsuðum bara með okkur Úff!“ Rakel Sveinsdóttir skrifar 20. mars 2023 07:01 Rósa Hrund Kristjánsdóttir hönnunarstjóri Hvíta hússins segir auðvelt að detta niður í marga pytti þegar kemur að umræðunni um kynferðislega áreitni. Húmor var meðal annars notaður til að ná fram vitundavakningu með herferðinni Það má ekkert lengur og alls kyns leiðir farnar til að vekja fólk til umhugsunar. Vísir/Vilhelm „Við vorum alveg skíthrædd fyrst og hugsuðum bara með okkur Úff! Spurðum þau hjá VIRK hvort þau væru viss um að þau vildu blanda sér í þessa umræðu,“ segir Rósa Hrund Kristjánsdóttir hönnunarstjóri Hvíta hússins þegar hún rifjar upp aðdraganda þess að auglýsingaherferðin Það má ekkert lengur var búin til. Sem vægt til orða tekið vakti mikla athygli fyrr í vetur og hefur nú verið tilnefnd til fjölda verðlauna hjá ÍMARK, en ÍMARK hátíðin verður haldin næstkomandi föstudag og má helst líkja við Óskarsverðlaunahátíð auglýsingageirans. En þótt metoo bylgjan hafi farið af stað árið 2017 er umræðan enn viðkvæm. Og jafnvel að fólk skiptist enn í lið. „Í svo mörgum málum eru öfgarnar alltaf svo miklar. Fólk er annað hvort í þessu liði eða hinu sem gerir alla umræðu svo erfiða. Nú síðast sáum við þetta í deilum vegna óperunnar á síðustu dögum. Fólk skiptist í lið,“ segir Rósa og bætir við: „Þannig að við ákváðum á endanum að sá hópur sem við þyrftum að ná til væri hreinlega miðjuhópurinn.“ Í Atvinnulífinu í dag skyggnumst við á bakvið vinnuna sem vel heppnuð auglýsingaherferð felur í sér. Að nudda axlirnar er vel þekkt dæmi um kynferðislega áreitni sem sumum finnst saklaust en öðrum ekki og er gott dæmi um hegðun sem ekki líðst lengur. Í herferðinni var lyfta í Kringlunni undirlögð þar sem sjá mátti hendi klípa í rass og eins voru plaköt dreifð í nokkra skóla þar sem nemendur gátu skrifað á plakatið dæmi um hegðun sem er ekki í lagi.Vísir/Hvíta húsið Að gefnu tilefni Það var ekki að ástæðulausu sem VIRK leitaði til Hvíta hússins um að fara í einhvers konar herferð. Því tilefnið var ærið. „Þegar þau komu til okkar lágu fyrir nýjar niðurstöður sem sýndu mjög greinilega að kynferðislegt áreiti er bæði algengt og mun stærri hluti af vinnustaðamenningu en við kannski áttum okkur á almennt,“ segir Rósa. Það breytir því ekki að málefnið er viðkvæmt og segir Rósa að hugmyndir VIRK hafi í upphafi verið að búa til einhvers konar fræðsluefni, til dæmis fræðslumyndbönd og fleira. Þetta er rosalega viðkvæmt málefni og umræða þar sem auðvelt er að detta niður í marga pytti. Við spurðum þau því einfaldlega hvort þau væru viss um að þau vildu fara í þessa vegferð. Sem þau voru ákveðin í. Við sáum hins vegar strax fyrir okkur að til að ná skilaboðum í gegn þyrftum við að finna leiðir til þess að nálgast metoo umræðuna á nýjan hátt og þá þannig að það yrði einhvers konar vitundavakning.“ Rósa segir að fyrir vinnumarkaðinn og aðila eins og VIRK skipti miklu máli að fólk átti sig betur á því hvers vegna kynferðisleg áreitni má ekki líðast lengur. „Rannsóknir sýna að vanlíðan sem fylgir því að verða fyrir kynferðislegu áreiti er svo mikil að það eykur líkurnar á að fólk hreinlega detti út af vinnumarkaði um tíma, lendi í kulnun eða öðru. Fyrir aðila eins og VIRK sem er að vinna með þennan hóp, skiptir því miklu máli að koma skilaboðunum betur til skila að þessi hegðun sem eitt sinn var kannski liðin, er það einfaldlega ekki lengur.“ Rósa segir teymi Hvíta hússins styðjast mikið við innsæi í hugmyndavinnu því innsæi segir okkur alltaf einhvern sannleika, þótt hann sé ekki endilega nýr af nálinni. Það er hins vegar oftast sannleikur sem margir geta samsvarað sig við og það er þess vegna sem svo margir könnuðust við margt sem fram kemur í Það má ekkert lengur herferðinni.Vísir/Vilhelm Innsæið segir okkur satt Rósa fer fyrir því teymi sem vann að herferðinni. Hún segir að í hugmyndavinnu Hvíta hússins styðjist þau mikið við innsæið. „Þegar að við erum að byrja á verkefni þar sem við erum að skoða hvernig hægt er að tengja saman annars vegar vöru eða vörumerki og hins vegar markhóp og hvernig hægt er að koma skilaboðum til þess markhóps sem ætlunin er að ná til, leitum við af ákveðnu innsæi. Við förum í rannsóknavinnu til að finna þetta innsæi og rannsóknavinnan snýst um að ná að skilja bæði markhópinn og samfélagið betur, þannig finnum við tengingu sem er viðeigandi fyrir bæði markhópinn og vöruna,“ segir Rósa og bætir við: „Innsæið er alltaf einhver sannleikur. Hann er ekkert endilega nýr á nálinni, heldur þvert á móti oft sannleikur sem allir kannast við. Í þessu verkefni vorum við auðvitað að tala um að ná fram vitundavakningu en ekki að vinna með vöru sem slíka. En hugmyndavinnan okkar byggði á þessari innsæisvinnu sem við erum vön að styðjast við og varpar oft ljósi á hegðun og fyrirbæri sem fólk kannast við úr sínu lífi.“ Úr varð herferðin: Það má ekkert lengur. Í skýringatexta Hvíta hússins um herferðina segir meðal annars: „Setningin „Það má ekkert lengur“ dúkkaði fljótt upp í hugmyndavinnu og við ákváðum að nota húmor til þess að varpa ljósi á þá skekkju sem felst í þeim hugsunarhætti. Með þessu vonumst við til að afvopna þau sem halda úreltum hugmyndum á lofti um að þolendur beri sjálfir ábyrgð á stöðu sinni, þurfi að læra að taka gríni, slaka á og hætta að væla.“ Rósa segir þetta mikilvægt atriði í herferðinni því í samhengi þeirra öfga sem oft aðskilur fólk í hópa, hafi metoo umræðan oft skipst í annars vegar þolendur og hins vegar gerendur. Umræðan hefur verið mjög þolendamiðuð. Afstaðan er sem betur fer alltaf meira og meira tekin með þolendum en á sama tíma vill enginn kannast við sjálfan sig sem gerendur. Sem er jafn skiljanlegt. Staðreyndin er samt sú að kynferðisleg áreitni er mjög algeng á vinnustöðum og þess vegna var svo mikilvægt fyrir okkur að reyna að ná til fólksins í miðjunni. Þannig myndi okkur frekar takast að ná athygli og einhverri vitundavakningu um hvað má og hvað má ekki lengur.“ Meðal þess sem gert var í herferðinni var að kaupa stikkorð með auglýsingum á Vísi sem gerði það að verkum að alltaf þegar það voru einverjar fréttir um kynferðislega áreitni, þá birtust auglýsingaborðar herferðarinnar. Þá var servíettum með gamalkunnum setningum dreift á veitingastaði og ýkt dæmi um algenga hegðun, eins og káfarinn, tekin fyrir í myndbandi þar sem kór syngur Það má ekkert lengur.Vísir/Hvíta húsið Ert þú ekki á matseðlinum? Rósa segir herferðina meðal annars draga það fram að í raun sé meðvirkni ákveðið mein í samfélaginu. „Það má ekkert lengur herferðin bendir svolítið á þetta, hversu súrrealískt þessi meðvirkni er í samfélaginu. Enda koma margar setningar fram í herferðinni sem fólk kannast sjálft við. Hefur annað hvort sagt, hugsað eða heyrt.“ Myndbandið með laginu Það má ekkert lengur sló í gegn og náði athygli bæði fjölmiðla og samfélagsmiðla. „Það sem mér þykir samt vænst um er að í könnunum sem við gerðum eftir á kom fram að 57% þeirra sem höfðu séð myndbandið, sögðust hafa rætt um efnið við aðra eða deilt því. Fyrir auglýsingu sem ætluð er að ná fram vitundavakningu er þetta ótrúlega hátt hlutfall. Þá sögðu 75% auglýsinguna hafa vakið sig til umhugsunar um málefnið,“ segir Rósa. Miklu meira var þó gert en aðeins myndbandið. „Við vissum það til dæmis úr rannsóknum að sá hópur sem verður einna mest fyrir kynferðislegri áreitni í vinnunni er fólk í þjónustustörfum. Þess vegna mættum við með kórinn í Kringluna fyrir jólin og tókum lagið. Það var leið til að vekja athygli á stöðunni innan fyrirtækja þar sem fólk starfar í þjónustustörfum.“ Þá voru gamalkunnar setningar prentaðar á servíettur og þeim dreift á veitingastaði: Ert þú ekki á matseðlinum? Hvað gerir þú fyrir meira þjórfé? Dansaðu við mig Hvenær er vaktin þín búin? Viltu hvíla þig í kjöltunni minni? Brostu nú. Við heppin að fá svona sexý þjón! „Servíetturnar voru ekki bara leið til að vekja athygli á málefninu fyrir gesti og gangandi heldur líka leið fyrir stjórnendur og eigendur staðanna að standa með sínu fólki með því að segja: Já, við erum til í að vera með servíetturnar hjá okkur. Við líðum ekki svona hegðun gagnvart okkar fólki. Að vera með servíetturnar var í þeirri merkingu ákveðið statement ef svo má segja.“ Þá var farið í skóla. „Í nokkrum skólum dreifðum við nokkrum plakötum þar sem nemendur gátu skrifað atriði sem ekki líðast í hegðun með það að markmiði að skapa umræðu um það.“ Lyfta í Kringlunni var útfærð fyrir herferðina. Þegar lyftudyrnar lokuðust mátti sjá eins og hendi væri að klípa í rass og inn í lyftunni var texti úr herferðinni. „Við fórum í raun út um allt og meira að segja keyptum við auglýsingar á Vísi sem voru bundnar við stikkorð. Þessi stikkorð gerðu það að verkum að alltaf þegar það var eitthvað í fréttum sem tengdist kynferðislegri áreitni, þá birtust auglýsingaborðar herferðarinnar.“ Rósa er stolt af árangrinum og leggur áherslu á að herferðin hafi verið unnin af öflugu teymi Hvíta hússins, í samstarfi við VIRK og marga aðra sem komu að verkefninu. Það má ekkert lengur virkar kannski fyndin og við erum að nota húmor sem leið til að ná í gegn. Til miðjuhópsins. Því með því að ná til miðjuhópsins erum við vonandi að ná til fólks sem getur þá stoppað fólk í öfgahópunum hvoru megin sem öfgarnar liggja og sagt: Hey, þetta er ekki endilega í lagi, við skulum stoppa hér. Því það verður engin framþróun ef við erum áfram í sitthvoru liðinu og náum ekki málefnilegri umræðu. Framþróunin verður ef við náum að sameinast á miðjunni þannig að miðjan sjái til þess að breytingar í raun verði.“ Auglýsinga- og markaðsmál Vinnumarkaður Vinnustaðamenning Stjórnun Mannauðsmál Geðheilbrigði Tengdar fréttir Oft snúast kaup á vöru frekar um öryggistilfinningu en lægsta verðið „Mikilvægasta hlutverk vörumerkis er að fólk taki eftir því og muni eftir því. Það þýðir að vinnan við að byggja upp vörumerki þarf að vera löngu hafin áður en hin árlega auglýsingasturlun hefst í kringum jólin og allt það áreiti sem því fylgir,“ segir Kári Sævarsson, stofnandi TVIST auglýsingastofu um þær áherslur sem þurfa að vera hjá söluaðilum sem nú eru í óða önn að setja sig í stellingar til að selja sem mest fyrir jólin. 16. nóvember 2022 07:01 „Þegar ég flutti heim úr námi fannst mér ég vera frábær“ „Þegar ég flutti heim úr námi fannst mér ég vera frábær og hélt að öll fyrirtæki Íslands biðu spennt eftir að fá mig heim. En það varð ekki alveg raunin,“ segir Sigríður Theódóra Pétursdóttir framkvæmdastjóri auglýsingastofunnar Brandenburg í léttum dúr. 7. september 2022 08:00 „Og þá var hætt að vera gaman í afmælinu“ „Andri Stefánsson framkvæmdastjóri ÍSÍ tilkynnti mér eitt sinn að ég ætti Íslandsmet í að vinna til verðlauna í flestum íþróttagreinum,“ segir Valgeir Magnússon athafnamaður, öðru nafni Valli sport. 4. september 2022 08:00 „Þarna erum við með risastóran hóp sem hefur bara gleymst að tala við“ Fyrirtæki og stofnanir eru að gleyma að tala við fjölmennan hóp Íslendinga. 18. mars 2022 07:00 Þurfa sterkt vörumerki til að laða til sín hæfasta starfsfólkið „Það sem er mest vaxandi anginn í vörumerkjastjórnun í dag er það sem kallast á ensku employer branding, þar sem fyrirtæki eru að byggja sig upp sem vörumerkti til þess að geta laðað til sín hæfasta starfsfólkið,“ segir Friðrik Larsen stofnandi brandr og dósent við Háskóla Íslands. 9. febrúar 2022 07:01 Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Vefsíðan hrundi innan tuttugu mínútna Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Eiginkonan kvartar undan fíflagangi á morgnana Að ná til baka tilfinningunni: Það er gaman í vinnunni Á mannamáli: „Ég er bara einhver „nobody,“ við erum ekki með nein gögn“ Góð ráð til að hvetja starfsfólk til dáða fyrir síðustu spretti ársins Að yfirstíga eitthvað rosalega vandræðalegt atvik Litlu fyrirtækin: Upplifa sjálfbærni sem aukavinnu og vesen Google leiðin: Fjögur atvinnuviðtöl yfirdrifið nóg Ný tækifæri: Til dæmis skór úr endurunnu sjávarplasti Að lifa af hræðilega þynnku í vinnunni Sjá meira
Sem vægt til orða tekið vakti mikla athygli fyrr í vetur og hefur nú verið tilnefnd til fjölda verðlauna hjá ÍMARK, en ÍMARK hátíðin verður haldin næstkomandi föstudag og má helst líkja við Óskarsverðlaunahátíð auglýsingageirans. En þótt metoo bylgjan hafi farið af stað árið 2017 er umræðan enn viðkvæm. Og jafnvel að fólk skiptist enn í lið. „Í svo mörgum málum eru öfgarnar alltaf svo miklar. Fólk er annað hvort í þessu liði eða hinu sem gerir alla umræðu svo erfiða. Nú síðast sáum við þetta í deilum vegna óperunnar á síðustu dögum. Fólk skiptist í lið,“ segir Rósa og bætir við: „Þannig að við ákváðum á endanum að sá hópur sem við þyrftum að ná til væri hreinlega miðjuhópurinn.“ Í Atvinnulífinu í dag skyggnumst við á bakvið vinnuna sem vel heppnuð auglýsingaherferð felur í sér. Að nudda axlirnar er vel þekkt dæmi um kynferðislega áreitni sem sumum finnst saklaust en öðrum ekki og er gott dæmi um hegðun sem ekki líðst lengur. Í herferðinni var lyfta í Kringlunni undirlögð þar sem sjá mátti hendi klípa í rass og eins voru plaköt dreifð í nokkra skóla þar sem nemendur gátu skrifað á plakatið dæmi um hegðun sem er ekki í lagi.Vísir/Hvíta húsið Að gefnu tilefni Það var ekki að ástæðulausu sem VIRK leitaði til Hvíta hússins um að fara í einhvers konar herferð. Því tilefnið var ærið. „Þegar þau komu til okkar lágu fyrir nýjar niðurstöður sem sýndu mjög greinilega að kynferðislegt áreiti er bæði algengt og mun stærri hluti af vinnustaðamenningu en við kannski áttum okkur á almennt,“ segir Rósa. Það breytir því ekki að málefnið er viðkvæmt og segir Rósa að hugmyndir VIRK hafi í upphafi verið að búa til einhvers konar fræðsluefni, til dæmis fræðslumyndbönd og fleira. Þetta er rosalega viðkvæmt málefni og umræða þar sem auðvelt er að detta niður í marga pytti. Við spurðum þau því einfaldlega hvort þau væru viss um að þau vildu fara í þessa vegferð. Sem þau voru ákveðin í. Við sáum hins vegar strax fyrir okkur að til að ná skilaboðum í gegn þyrftum við að finna leiðir til þess að nálgast metoo umræðuna á nýjan hátt og þá þannig að það yrði einhvers konar vitundavakning.“ Rósa segir að fyrir vinnumarkaðinn og aðila eins og VIRK skipti miklu máli að fólk átti sig betur á því hvers vegna kynferðisleg áreitni má ekki líðast lengur. „Rannsóknir sýna að vanlíðan sem fylgir því að verða fyrir kynferðislegu áreiti er svo mikil að það eykur líkurnar á að fólk hreinlega detti út af vinnumarkaði um tíma, lendi í kulnun eða öðru. Fyrir aðila eins og VIRK sem er að vinna með þennan hóp, skiptir því miklu máli að koma skilaboðunum betur til skila að þessi hegðun sem eitt sinn var kannski liðin, er það einfaldlega ekki lengur.“ Rósa segir teymi Hvíta hússins styðjast mikið við innsæi í hugmyndavinnu því innsæi segir okkur alltaf einhvern sannleika, þótt hann sé ekki endilega nýr af nálinni. Það er hins vegar oftast sannleikur sem margir geta samsvarað sig við og það er þess vegna sem svo margir könnuðust við margt sem fram kemur í Það má ekkert lengur herferðinni.Vísir/Vilhelm Innsæið segir okkur satt Rósa fer fyrir því teymi sem vann að herferðinni. Hún segir að í hugmyndavinnu Hvíta hússins styðjist þau mikið við innsæið. „Þegar að við erum að byrja á verkefni þar sem við erum að skoða hvernig hægt er að tengja saman annars vegar vöru eða vörumerki og hins vegar markhóp og hvernig hægt er að koma skilaboðum til þess markhóps sem ætlunin er að ná til, leitum við af ákveðnu innsæi. Við förum í rannsóknavinnu til að finna þetta innsæi og rannsóknavinnan snýst um að ná að skilja bæði markhópinn og samfélagið betur, þannig finnum við tengingu sem er viðeigandi fyrir bæði markhópinn og vöruna,“ segir Rósa og bætir við: „Innsæið er alltaf einhver sannleikur. Hann er ekkert endilega nýr á nálinni, heldur þvert á móti oft sannleikur sem allir kannast við. Í þessu verkefni vorum við auðvitað að tala um að ná fram vitundavakningu en ekki að vinna með vöru sem slíka. En hugmyndavinnan okkar byggði á þessari innsæisvinnu sem við erum vön að styðjast við og varpar oft ljósi á hegðun og fyrirbæri sem fólk kannast við úr sínu lífi.“ Úr varð herferðin: Það má ekkert lengur. Í skýringatexta Hvíta hússins um herferðina segir meðal annars: „Setningin „Það má ekkert lengur“ dúkkaði fljótt upp í hugmyndavinnu og við ákváðum að nota húmor til þess að varpa ljósi á þá skekkju sem felst í þeim hugsunarhætti. Með þessu vonumst við til að afvopna þau sem halda úreltum hugmyndum á lofti um að þolendur beri sjálfir ábyrgð á stöðu sinni, þurfi að læra að taka gríni, slaka á og hætta að væla.“ Rósa segir þetta mikilvægt atriði í herferðinni því í samhengi þeirra öfga sem oft aðskilur fólk í hópa, hafi metoo umræðan oft skipst í annars vegar þolendur og hins vegar gerendur. Umræðan hefur verið mjög þolendamiðuð. Afstaðan er sem betur fer alltaf meira og meira tekin með þolendum en á sama tíma vill enginn kannast við sjálfan sig sem gerendur. Sem er jafn skiljanlegt. Staðreyndin er samt sú að kynferðisleg áreitni er mjög algeng á vinnustöðum og þess vegna var svo mikilvægt fyrir okkur að reyna að ná til fólksins í miðjunni. Þannig myndi okkur frekar takast að ná athygli og einhverri vitundavakningu um hvað má og hvað má ekki lengur.“ Meðal þess sem gert var í herferðinni var að kaupa stikkorð með auglýsingum á Vísi sem gerði það að verkum að alltaf þegar það voru einverjar fréttir um kynferðislega áreitni, þá birtust auglýsingaborðar herferðarinnar. Þá var servíettum með gamalkunnum setningum dreift á veitingastaði og ýkt dæmi um algenga hegðun, eins og káfarinn, tekin fyrir í myndbandi þar sem kór syngur Það má ekkert lengur.Vísir/Hvíta húsið Ert þú ekki á matseðlinum? Rósa segir herferðina meðal annars draga það fram að í raun sé meðvirkni ákveðið mein í samfélaginu. „Það má ekkert lengur herferðin bendir svolítið á þetta, hversu súrrealískt þessi meðvirkni er í samfélaginu. Enda koma margar setningar fram í herferðinni sem fólk kannast sjálft við. Hefur annað hvort sagt, hugsað eða heyrt.“ Myndbandið með laginu Það má ekkert lengur sló í gegn og náði athygli bæði fjölmiðla og samfélagsmiðla. „Það sem mér þykir samt vænst um er að í könnunum sem við gerðum eftir á kom fram að 57% þeirra sem höfðu séð myndbandið, sögðust hafa rætt um efnið við aðra eða deilt því. Fyrir auglýsingu sem ætluð er að ná fram vitundavakningu er þetta ótrúlega hátt hlutfall. Þá sögðu 75% auglýsinguna hafa vakið sig til umhugsunar um málefnið,“ segir Rósa. Miklu meira var þó gert en aðeins myndbandið. „Við vissum það til dæmis úr rannsóknum að sá hópur sem verður einna mest fyrir kynferðislegri áreitni í vinnunni er fólk í þjónustustörfum. Þess vegna mættum við með kórinn í Kringluna fyrir jólin og tókum lagið. Það var leið til að vekja athygli á stöðunni innan fyrirtækja þar sem fólk starfar í þjónustustörfum.“ Þá voru gamalkunnar setningar prentaðar á servíettur og þeim dreift á veitingastaði: Ert þú ekki á matseðlinum? Hvað gerir þú fyrir meira þjórfé? Dansaðu við mig Hvenær er vaktin þín búin? Viltu hvíla þig í kjöltunni minni? Brostu nú. Við heppin að fá svona sexý þjón! „Servíetturnar voru ekki bara leið til að vekja athygli á málefninu fyrir gesti og gangandi heldur líka leið fyrir stjórnendur og eigendur staðanna að standa með sínu fólki með því að segja: Já, við erum til í að vera með servíetturnar hjá okkur. Við líðum ekki svona hegðun gagnvart okkar fólki. Að vera með servíetturnar var í þeirri merkingu ákveðið statement ef svo má segja.“ Þá var farið í skóla. „Í nokkrum skólum dreifðum við nokkrum plakötum þar sem nemendur gátu skrifað atriði sem ekki líðast í hegðun með það að markmiði að skapa umræðu um það.“ Lyfta í Kringlunni var útfærð fyrir herferðina. Þegar lyftudyrnar lokuðust mátti sjá eins og hendi væri að klípa í rass og inn í lyftunni var texti úr herferðinni. „Við fórum í raun út um allt og meira að segja keyptum við auglýsingar á Vísi sem voru bundnar við stikkorð. Þessi stikkorð gerðu það að verkum að alltaf þegar það var eitthvað í fréttum sem tengdist kynferðislegri áreitni, þá birtust auglýsingaborðar herferðarinnar.“ Rósa er stolt af árangrinum og leggur áherslu á að herferðin hafi verið unnin af öflugu teymi Hvíta hússins, í samstarfi við VIRK og marga aðra sem komu að verkefninu. Það má ekkert lengur virkar kannski fyndin og við erum að nota húmor sem leið til að ná í gegn. Til miðjuhópsins. Því með því að ná til miðjuhópsins erum við vonandi að ná til fólks sem getur þá stoppað fólk í öfgahópunum hvoru megin sem öfgarnar liggja og sagt: Hey, þetta er ekki endilega í lagi, við skulum stoppa hér. Því það verður engin framþróun ef við erum áfram í sitthvoru liðinu og náum ekki málefnilegri umræðu. Framþróunin verður ef við náum að sameinast á miðjunni þannig að miðjan sjái til þess að breytingar í raun verði.“
Auglýsinga- og markaðsmál Vinnumarkaður Vinnustaðamenning Stjórnun Mannauðsmál Geðheilbrigði Tengdar fréttir Oft snúast kaup á vöru frekar um öryggistilfinningu en lægsta verðið „Mikilvægasta hlutverk vörumerkis er að fólk taki eftir því og muni eftir því. Það þýðir að vinnan við að byggja upp vörumerki þarf að vera löngu hafin áður en hin árlega auglýsingasturlun hefst í kringum jólin og allt það áreiti sem því fylgir,“ segir Kári Sævarsson, stofnandi TVIST auglýsingastofu um þær áherslur sem þurfa að vera hjá söluaðilum sem nú eru í óða önn að setja sig í stellingar til að selja sem mest fyrir jólin. 16. nóvember 2022 07:01 „Þegar ég flutti heim úr námi fannst mér ég vera frábær“ „Þegar ég flutti heim úr námi fannst mér ég vera frábær og hélt að öll fyrirtæki Íslands biðu spennt eftir að fá mig heim. En það varð ekki alveg raunin,“ segir Sigríður Theódóra Pétursdóttir framkvæmdastjóri auglýsingastofunnar Brandenburg í léttum dúr. 7. september 2022 08:00 „Og þá var hætt að vera gaman í afmælinu“ „Andri Stefánsson framkvæmdastjóri ÍSÍ tilkynnti mér eitt sinn að ég ætti Íslandsmet í að vinna til verðlauna í flestum íþróttagreinum,“ segir Valgeir Magnússon athafnamaður, öðru nafni Valli sport. 4. september 2022 08:00 „Þarna erum við með risastóran hóp sem hefur bara gleymst að tala við“ Fyrirtæki og stofnanir eru að gleyma að tala við fjölmennan hóp Íslendinga. 18. mars 2022 07:00 Þurfa sterkt vörumerki til að laða til sín hæfasta starfsfólkið „Það sem er mest vaxandi anginn í vörumerkjastjórnun í dag er það sem kallast á ensku employer branding, þar sem fyrirtæki eru að byggja sig upp sem vörumerkti til þess að geta laðað til sín hæfasta starfsfólkið,“ segir Friðrik Larsen stofnandi brandr og dósent við Háskóla Íslands. 9. febrúar 2022 07:01 Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Vefsíðan hrundi innan tuttugu mínútna Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Draumar rætast: „Konur þurfa ekki alltaf að vera á skrilljón“ Draumar rætast: „Lengi skammaðist ég mín ...“ Biskupinn á hlaupum með Bubba Morthens og Sísí með Grýlunum Tvöfalt líf Ara: „Í fyrra túraði ég í sex vikur“ Klara á Kanarí: „Fólk kom með ferðatöskur af saltfiski og seldi“ Eiginkonan kvartar undan fíflagangi á morgnana Að ná til baka tilfinningunni: Það er gaman í vinnunni Á mannamáli: „Ég er bara einhver „nobody,“ við erum ekki með nein gögn“ Góð ráð til að hvetja starfsfólk til dáða fyrir síðustu spretti ársins Að yfirstíga eitthvað rosalega vandræðalegt atvik Litlu fyrirtækin: Upplifa sjálfbærni sem aukavinnu og vesen Google leiðin: Fjögur atvinnuviðtöl yfirdrifið nóg Ný tækifæri: Til dæmis skór úr endurunnu sjávarplasti Að lifa af hræðilega þynnku í vinnunni Sjá meira
Oft snúast kaup á vöru frekar um öryggistilfinningu en lægsta verðið „Mikilvægasta hlutverk vörumerkis er að fólk taki eftir því og muni eftir því. Það þýðir að vinnan við að byggja upp vörumerki þarf að vera löngu hafin áður en hin árlega auglýsingasturlun hefst í kringum jólin og allt það áreiti sem því fylgir,“ segir Kári Sævarsson, stofnandi TVIST auglýsingastofu um þær áherslur sem þurfa að vera hjá söluaðilum sem nú eru í óða önn að setja sig í stellingar til að selja sem mest fyrir jólin. 16. nóvember 2022 07:01
„Þegar ég flutti heim úr námi fannst mér ég vera frábær“ „Þegar ég flutti heim úr námi fannst mér ég vera frábær og hélt að öll fyrirtæki Íslands biðu spennt eftir að fá mig heim. En það varð ekki alveg raunin,“ segir Sigríður Theódóra Pétursdóttir framkvæmdastjóri auglýsingastofunnar Brandenburg í léttum dúr. 7. september 2022 08:00
„Og þá var hætt að vera gaman í afmælinu“ „Andri Stefánsson framkvæmdastjóri ÍSÍ tilkynnti mér eitt sinn að ég ætti Íslandsmet í að vinna til verðlauna í flestum íþróttagreinum,“ segir Valgeir Magnússon athafnamaður, öðru nafni Valli sport. 4. september 2022 08:00
„Þarna erum við með risastóran hóp sem hefur bara gleymst að tala við“ Fyrirtæki og stofnanir eru að gleyma að tala við fjölmennan hóp Íslendinga. 18. mars 2022 07:00
Þurfa sterkt vörumerki til að laða til sín hæfasta starfsfólkið „Það sem er mest vaxandi anginn í vörumerkjastjórnun í dag er það sem kallast á ensku employer branding, þar sem fyrirtæki eru að byggja sig upp sem vörumerkti til þess að geta laðað til sín hæfasta starfsfólkið,“ segir Friðrik Larsen stofnandi brandr og dósent við Háskóla Íslands. 9. febrúar 2022 07:01