Opinbert starfsfólk færist úr lokuðum skrifstofum Máni Snær Þorláksson skrifar 17. mars 2023 11:41 Karl Pétur Jónsson, upplýsingafulltrúi Framkvæmdasýslunnar. Vilhelm Gunnarsson Samkvæmt viðmiðum fjármálaráðuneytis frá árinu 2019 eiga skrifstofurými hins opinbera að færast frá lokuðum skrifstofum og yfir í verkefnamiðaða vinnuaðstöðu. Upplýsingafulltrúi Framkvæmdasýslunnar segir þessa aðstöðu taka allt inn í jöfnuna, líðan starfsfólks, skilvirkni og kostnað. Karl Pétur Jónsson, upplýsingafulltrúi Framkvæmdasýslunnar, segir að á undanförnum árum hafi margt breyst þegar kemur að vinnuaðstöðu opinberra starfsmanna. „Fyrir tuttugu árum þá var tölvan bara tíu kílóa hlunkur sem þurfti sitt skrifborð, svo var skjárinn eins og túbusjónvarp og margir þurftu að hafa prentara á borðinu, eiginlega allir voru að vinna með mjög mikinn pappír. Að sama skapi þá voru störfin allt öðruvísi líka, það var miklu algengara að fólk væri að vinna við að gera sama hlutinn aftur og aftur. Nú er unnið miklu meira í teymum,“ segir Karl í samtali við fréttastofu. Viðmiðin taki til allra stofnanna Karl segir að því sé mikilvægt að vinnuaðstaða fólks sé sveigjanleg. „Að þú sért ekki bundinn við það að vera einn inni í tuttugu og fimm fermetra rými heldur getir verið með aðstöðu sem hentar því verkefni sem þú ert að fást við hverju sinni,“ segir hann. Viðmið fjármálaráðuneytisins eiga við um allar opinberar stofnanir og að sögn Karls ganga þau út á þetta, að starfsmenn séu alltaf með þá aðstöðu sem hentar hverju verkefni. „Viðmiðin taka til allra stofnana, það eru auðvitað undantekningar líka en það þarf þá að vera vel rökstutt. Ef einhver þarf einkaskrifstofu, það getur verið af persónulegum ástæðum eða í eðli starfsins, en meginreglan er sú að skrifstofufólk sem vinnur hjá hinu opinbera vinni í verkefnamiðuðu vinnuumhverfi þar sem það hefur aðgang að mismunandi tegundum rýma til þess að vinna þau ólíku störf sem þarf að leysa af hendi.“ Mótmæla nýrri aðstöðu Ekki taka þó allir opinberir starfsmenn þessum breytingum með opnum armi. Arngrímur Vídalín Stefánsson, lektor í íslenskum bókmenntum fyrri alda við Háskóla Íslands, hóf undirskriftasöfnun til að mótmæla því að akademískt starfsfólk háskólans myndi missa einkaskrifstofur sínar. „Það er ekki hægt að bjóða háskólakennurum upp á þá húsnæðisstefnu sem stjórnvöld hafa sett sér og við munum ekki láta hana yfir okkur ganga,“ segir í undirskriftasöfnuninni sem rúmlega 460 manns hafa skrifað undir þegar þessi frétt er birt. Í viðtali við mbl.is lýsti Arngrímur svo til að mynda áhyggjum af bókunum sem hann notar til sinna rannsókna. Hann sé með átta bókahillur á skrifstofunni sinni sem séu allar fullar af bókum sem hann þarf á að halda á hverjum degi. Nóg pláss fyrir bókahillurnar Karl ræddi um þessi mótmæli í Bítinu á Bylgjunni í morgun. Hann sagði að Arngrímur þyrfti ekki að hafa áhyggjur af því að bækurnar komist ekki fyrir í nýju rými. „Nú þekki ég Hús íslenskunnar örugglega betur en flestir og þar eru bara bókahillur úti um alla ganga. Það verður enginn vandi að koma þessum átta bókahillum Arngríms Vídalín fyrir í Húsi íslenskunnar.“ Hann benti þá á að ef starfsmenn þurfa næði þá geti þeir nýtt svokölluð næðisrými. Rekstur hins opinbera Háskólar Vinnustaðurinn Mest lesið Ákærði hálfur Íslendingur: Játaði morðið á Instagram tveimur vikum eftir það Erlent Holskefla í kortunum Innlent „Þetta var óvenjuleg ræða“ Innlent Tæp 68 prósent barna í 2. bekk með aldurssvarandi hæfni í lestri Innlent Fagnar því að sjá Pírata mælast á þingi og útilokar ekki formannsframboð Innlent Sprenging í Osló og stórt svæði girt af Erlent Drónaflugin geti valdið mikilli röskun og miklu tjóni Innlent „Maður er skíthræddur um að maður brenni inni“ Innlent Rússland sé „pappírs tígur“ og Úkraínumenn geti unnið landið aftur Erlent Bílslys í Laugardal Innlent Fleiri fréttir „Þetta var óvenjuleg ræða“ Fagnar því að sjá Pírata mælast á þingi og útilokar ekki formannsframboð Drónaflugin geti valdið mikilli röskun og miklu tjóni Tæp 68 prósent barna í 2. bekk með aldurssvarandi hæfni í lestri Holskefla í kortunum Bílslys í Laugardal „Við erum notuð sem hræðsluáróður fyrir verðandi foreldra“ „Maður er skíthræddur um að maður brenni inni“ Núverandi kvikusöfnunartímabil geti dregist á langinn Brennuvargur gengur laus, stórfjölgun krabbameina og í beinni frá Köben Þorgerður telur tilefni til að kalla saman þjóðaröryggisráð Inga eigi að kalla saman þjóðaröryggisráð þegar í stað Skólameistarar styðja ekki breytingar ráðherra Stefnir í lokað þinghald að beiðni mæðgnanna Harmsaga fjölskyldunnar ekkert einsdæmi Örlög hjartanna enn óráðin Troðfyllti stangirnar af amfetamínbasa Forsetahjónin á leið til Finnlands Benti á mikilvægi fyrirmynda þegar kæmi að jafnréttismálum Ekki lengur framsal á fullveldi heldur neytendavernd Mæla hiklaust með lyfinu á meðgöngu ef þörf þykir á Hrædd um að brennuvargur gangi laus í bænum Starfandi forsætisráðherra lítur drónabrölt „grafalvarlegum augum“ Vara við svikapóstum frá Ríkisskattstjóra Dularfullir drónar og umdeildar kenningar um einhverfu og parasetamól Telja sig vita hverjir grímuklæddu mennirnir eru Ferðum aflýst og einni vél snúið við vegna drónaumferðar í Kaupmannahöfn Ætlar að fækka sveitarfélögum fyrir kosningar Aðeins helmingur telur sig við góða heilsu Rannsaka húsbrot og eldsvoða á Sauðárkróki Sjá meira
Karl Pétur Jónsson, upplýsingafulltrúi Framkvæmdasýslunnar, segir að á undanförnum árum hafi margt breyst þegar kemur að vinnuaðstöðu opinberra starfsmanna. „Fyrir tuttugu árum þá var tölvan bara tíu kílóa hlunkur sem þurfti sitt skrifborð, svo var skjárinn eins og túbusjónvarp og margir þurftu að hafa prentara á borðinu, eiginlega allir voru að vinna með mjög mikinn pappír. Að sama skapi þá voru störfin allt öðruvísi líka, það var miklu algengara að fólk væri að vinna við að gera sama hlutinn aftur og aftur. Nú er unnið miklu meira í teymum,“ segir Karl í samtali við fréttastofu. Viðmiðin taki til allra stofnanna Karl segir að því sé mikilvægt að vinnuaðstaða fólks sé sveigjanleg. „Að þú sért ekki bundinn við það að vera einn inni í tuttugu og fimm fermetra rými heldur getir verið með aðstöðu sem hentar því verkefni sem þú ert að fást við hverju sinni,“ segir hann. Viðmið fjármálaráðuneytisins eiga við um allar opinberar stofnanir og að sögn Karls ganga þau út á þetta, að starfsmenn séu alltaf með þá aðstöðu sem hentar hverju verkefni. „Viðmiðin taka til allra stofnana, það eru auðvitað undantekningar líka en það þarf þá að vera vel rökstutt. Ef einhver þarf einkaskrifstofu, það getur verið af persónulegum ástæðum eða í eðli starfsins, en meginreglan er sú að skrifstofufólk sem vinnur hjá hinu opinbera vinni í verkefnamiðuðu vinnuumhverfi þar sem það hefur aðgang að mismunandi tegundum rýma til þess að vinna þau ólíku störf sem þarf að leysa af hendi.“ Mótmæla nýrri aðstöðu Ekki taka þó allir opinberir starfsmenn þessum breytingum með opnum armi. Arngrímur Vídalín Stefánsson, lektor í íslenskum bókmenntum fyrri alda við Háskóla Íslands, hóf undirskriftasöfnun til að mótmæla því að akademískt starfsfólk háskólans myndi missa einkaskrifstofur sínar. „Það er ekki hægt að bjóða háskólakennurum upp á þá húsnæðisstefnu sem stjórnvöld hafa sett sér og við munum ekki láta hana yfir okkur ganga,“ segir í undirskriftasöfnuninni sem rúmlega 460 manns hafa skrifað undir þegar þessi frétt er birt. Í viðtali við mbl.is lýsti Arngrímur svo til að mynda áhyggjum af bókunum sem hann notar til sinna rannsókna. Hann sé með átta bókahillur á skrifstofunni sinni sem séu allar fullar af bókum sem hann þarf á að halda á hverjum degi. Nóg pláss fyrir bókahillurnar Karl ræddi um þessi mótmæli í Bítinu á Bylgjunni í morgun. Hann sagði að Arngrímur þyrfti ekki að hafa áhyggjur af því að bækurnar komist ekki fyrir í nýju rými. „Nú þekki ég Hús íslenskunnar örugglega betur en flestir og þar eru bara bókahillur úti um alla ganga. Það verður enginn vandi að koma þessum átta bókahillum Arngríms Vídalín fyrir í Húsi íslenskunnar.“ Hann benti þá á að ef starfsmenn þurfa næði þá geti þeir nýtt svokölluð næðisrými.
Rekstur hins opinbera Háskólar Vinnustaðurinn Mest lesið Ákærði hálfur Íslendingur: Játaði morðið á Instagram tveimur vikum eftir það Erlent Holskefla í kortunum Innlent „Þetta var óvenjuleg ræða“ Innlent Tæp 68 prósent barna í 2. bekk með aldurssvarandi hæfni í lestri Innlent Fagnar því að sjá Pírata mælast á þingi og útilokar ekki formannsframboð Innlent Sprenging í Osló og stórt svæði girt af Erlent Drónaflugin geti valdið mikilli röskun og miklu tjóni Innlent „Maður er skíthræddur um að maður brenni inni“ Innlent Rússland sé „pappírs tígur“ og Úkraínumenn geti unnið landið aftur Erlent Bílslys í Laugardal Innlent Fleiri fréttir „Þetta var óvenjuleg ræða“ Fagnar því að sjá Pírata mælast á þingi og útilokar ekki formannsframboð Drónaflugin geti valdið mikilli röskun og miklu tjóni Tæp 68 prósent barna í 2. bekk með aldurssvarandi hæfni í lestri Holskefla í kortunum Bílslys í Laugardal „Við erum notuð sem hræðsluáróður fyrir verðandi foreldra“ „Maður er skíthræddur um að maður brenni inni“ Núverandi kvikusöfnunartímabil geti dregist á langinn Brennuvargur gengur laus, stórfjölgun krabbameina og í beinni frá Köben Þorgerður telur tilefni til að kalla saman þjóðaröryggisráð Inga eigi að kalla saman þjóðaröryggisráð þegar í stað Skólameistarar styðja ekki breytingar ráðherra Stefnir í lokað þinghald að beiðni mæðgnanna Harmsaga fjölskyldunnar ekkert einsdæmi Örlög hjartanna enn óráðin Troðfyllti stangirnar af amfetamínbasa Forsetahjónin á leið til Finnlands Benti á mikilvægi fyrirmynda þegar kæmi að jafnréttismálum Ekki lengur framsal á fullveldi heldur neytendavernd Mæla hiklaust með lyfinu á meðgöngu ef þörf þykir á Hrædd um að brennuvargur gangi laus í bænum Starfandi forsætisráðherra lítur drónabrölt „grafalvarlegum augum“ Vara við svikapóstum frá Ríkisskattstjóra Dularfullir drónar og umdeildar kenningar um einhverfu og parasetamól Telja sig vita hverjir grímuklæddu mennirnir eru Ferðum aflýst og einni vél snúið við vegna drónaumferðar í Kaupmannahöfn Ætlar að fækka sveitarfélögum fyrir kosningar Aðeins helmingur telur sig við góða heilsu Rannsaka húsbrot og eldsvoða á Sauðárkróki Sjá meira