Bjarki Már leikur hundraðasta landsleikinn í kvöld

Bjarki Már leikur nefnilega sinn hundraðasta landsleik í Brno í kvöld. Í leikjunum 99 sem hann hefur þegar spilað hefur hann skorað 340 mörk.

Bjarki Már er þriðji leikjahæstur í íslenska hópnum á eftir Björgvini Páli Gústavssyni (252 landsleikir) og Aroni Pálmarssyni (164 landsleikir). Hann er einnig næstmarkahæstur á eftir Aroni sem hefur skorað 634 landsliðsmörk.

Arnar Freyr Arnarsson leikur sinn áttugasta landsleik gegn Tékklandi í kvöld en önnur eru tímamótin ekki.

Leikur Tékklands og Íslands hefst klukkan 19:15 og verður í beinni textalýsingu á Vísi.