Vara­ne segist vera að kafna vegna fjölda leikja

Varane spilar í dag fyrir Manchester United á Englandi eftir að hafa spilað lengi vel með Real Madríd á Spáni þar sem hann vann fjölda titla. Hann varð heimsmeistari með Frakklandi árið 2018 en ákvað eftir HM í Katar að nú væri nóg komið og því lagði hann landsliðsskóna á hilluna eftir 93 A-landsleiki.

Varane ræddi við frönsku sjónvarpsstöðina Canal+ nýverið um álagið sem fylgir því að spila fótbolta á hæsta getustigi.

„Á hæsta getustigi er þetta líkt og að vera í þvottavél, við spilum án afláts og stoppum aldrei. Við erum með yfirfulla dagskrá og spilum endalaust alltaf. Í dag líður mér eins og ég sé að kafna.“

Varane

Varane og liðsfélagar hans í Man United eiga leiki þann 8. febrúar, 12. febrúar, 16. febrúar, 19. febrúar, 23. febrúar og 26. febrúar.