Arnór í viðtali við Aftonbladet: Margir í Rússlandi sem eiga þetta ekki skilið Smári Jökull Jónsson skrifar 4. febrúar 2023 11:46 Arnór Sigurðsson segir framtíðina hjá CSKA óljósa. Norrköping Arnór Sigurðsson landsliðsmaður í knattspyrnu segir í viðtali við sænska Aftonbladet að framtíð hans hjá rússneska félaginu CSKA sé óljós. Hann segir alla vilja að stríðsátökunum í Úkraínu ljúki. Árið 2018 gekk Arnór Sigurðsson til liðs við liðs CSKA í Moskvu en þangað hafði hann komið frá sænska liðinu Norrköping þar sem hann sló í gegn. Þegar Rússar réðust inn í Úkraínu fyrir tæpu ári síðan var Arnór á láni hjá ítalska liðinu Venezia en sneri aftur til Norrköping síðasta sumar. Í kjölfar þess að stríðið í Úkraínu braust út voru samningar erlendra leikmanna í Rússlandi settir á ís og gildir það fyrirkomulag út júní næstkomandi. Í viðtali við sænska Aftonbladet segist Arnór ekki vita hvað muni gerast í sumar. „Ég reyni að hugsa ekki um það. Mér líður mjög vel í IFK Norrköping og að búa í borginni. Ég nýt mín á hverjum degi, ég nýt þess að fara á æfingarnar og spila leikina. Ég geri mitt besta á hverjum degi og ef ég geri vel þá gerast góðir hlutir. En ég veit ekki hvernig framtíðin lítur út,“ segir Arnór í viðtali við blaðamann Aftonbladet sem hitti hann í æfingaferð Norrköping á Spáni. Arnór vill ekki segja mikið um það hvort hann gæti hugsað sér að neita að spila fyrir CSKA. „Það er ákvörðun sem ég þarf að taka þegar ég veit hverjar forsendurnar eru. Ég þarf að ræða það við umboðsmenn mína og ráðgjafa.“ Segir tapaða peninga ekki skipta máli í samhenginu „Ég hef tapað miklum peningum en ég hef spilað erlendis í fimm ár og þénað mikla peninga. Í þessari stöðu eru peningar alls ekki allt. Það eru margir sem þetta hefur haft mun verri áhrif á.“ Arnór segir að hann hafi komið til Norrköping til að finna sjálfan sig á nýjan leik og segir að það skipti máli fyrir hann að líða vel utan vallar ef hann ætlar að standa sig á vellinum. Erlendir íþróttamenn sem eru á samningi hjá rússneskum íþróttafélögum hafa sumir hverjir lent í vandræðum þegar þeir hafa tjáð sig um stríðsrekstur Rússa í Úkraínu. Arnór segist einfaldlega vona til þess að stríðinu ljúki sem fyrst. „Það sem er að gerast er hræðilegt. Það eru svo margir einstaklingar í Rússlandi sem eiga þetta ekki skilið. Það eru margt gott fólk í kringum CSKA og þetta er flott félag, í hæsta klassa. Það er ótrúlega leiðinlegt að staðan sé eins og hún er.“ „Ég og allir vonumst til þess að stríðinu ljúki.“ Segist ekki ræða stríðið mikið við rússneska vini sína Arnór var hjá CSKA í þrjú tímabil áður en hann var lánaður til ítalska liðsins Venezia. Á fyrsta tímabilinu skoraði hann sjö mörk og lagði upp tvö í leikjum sínum í rússnesku deildinni og Meistaradeildinni með CSKA. Tækifærunum fór síðan að fækka og Arnór var lánaður til Venezia sumarið 2021. Arnór segir að forráðamenn Venezia hafi sagt við hann að hann yrði lykilmaður hjá liðinu. „Síðan keyptu þeir tíu leikmenn og þetta varð alls ekki eins og þeir sögðu. Þetta var ekki gott. Það er mjög gott að vera heima í Norrköping akkúrat núna,“ en Arnór kom aftur til Svþjóðar í júlí í fyrra. Arnór í búningi Venezia.Vísir/Getty Arnór segist ekki mikið hafa rætt stríðið við rússneska vini sína. „Ég á nokkra rússneska vini en ég hef ekki talað mjög mikið við þá. Það er mest „Hvernig hefur þú það?“ en ekki mikið um stríðið. Erlendu leikmennirnir sem ég þekkti best eru farnir, við höfum talað meira við hvern annan,“ segir Arnór. Hann segir að hann hafi kunnað vel við sig í Moskvu. „Mér líkaði afskaplega vel að búa í Moskvu, það er flott borg. Allt sem hefur gerst er sorglegt og leiðinlegt. Hlutir sem þessir eiga ekki að gerast á okkar tímum.“ „Það er þar sem ég vill vera“ Eins og áður segir verður Arnór hjá Norrköping út júní hið minnsta en frysting samninga erlendra leikmanna í Rússlandi gildir þangað til. „Maður veit aldrei hvað gerist í framtíðinni eftir að maður hefur tekið sínar ákvarðanir. Þegar ég flutti til Rússlands árið 2018 gerði ég ekki ráð fyrir að þeir myndu hefja stríð árið 2022.“ Hann segir metnað sinn liggja í stærstu deildum Evrópu. „Ég held að allir skilji að ég vill spila á hæsta stigi. Ég veit að ég get það og ég vil sýna það sömuleiðis. Ef það verður núna í sumar þá er það gott fyrir mig, en ég loka engum dyrum gagnvart IFK Norrköping heldur.“ „Ég vill spila í stórri deild á móti bestu liðunum. Ég hef gert það áður, ég hef spilað í Meistaradeildinni og Evrópudeildinni. Það er þar sem ég vill vera. Þegar ég var á Ítalíu og fékk ekki að spila þá var fótboltinn ekki skemmtilegur. Þetta þarf að vera félag og umhverfi sem gengur upp fyrir mig.“ Sænski boltinn Rússneski boltinn Mest lesið Andri Rafn fimmti í þrjú hundruð leikja klúbbinn Íslenski boltinn „Erfitt að spila á móti liði sem fær þrjár villur í seinni“ Körfubolti Hvergerðingar í úrslit umspilsins Körfubolti KA Íslandsmeistari og tók alla titlana Sport Dagskráin í dag: Bónus, Besta og Stúkan á Sumardaginn fyrsta Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Jafnt á Emirates og Liverpool þarf að bíða Enski boltinn Embla og Eva Björk í ham þegar Stjarnan komst yfir Handbolti „Adam Ægir hefði alveg mátt gefa á mig“ Fótbolti Fór út í dulargervi eftir að Barton byrjaði að bauna á hana Enski boltinn Fleiri fréttir Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sagan segir að Arsenal vinni Meistaradeildina Real Madrid fer liða verst út úr myndbandsdómgæslunni Rekstur Chelsea: Eins og að tapa sextíu milljónum á dag í tíu ár „Ekki fallegt að sjá hvernig farið er með Ancelotti“ „Vilhjálmur Birgisson vill meina að hann hafi uppgötvað mig sem þjálfara“ Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Fresta fleiri fótboltaleikjum vegna fráfalls Frans páfa Tveir úrskurðaðir í bann fyrir sextán liða úrslitin Uppgjörið: Þróttur - Breiðablik 2-2 | Samantha bjargaði stigi „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Sjá meira
Árið 2018 gekk Arnór Sigurðsson til liðs við liðs CSKA í Moskvu en þangað hafði hann komið frá sænska liðinu Norrköping þar sem hann sló í gegn. Þegar Rússar réðust inn í Úkraínu fyrir tæpu ári síðan var Arnór á láni hjá ítalska liðinu Venezia en sneri aftur til Norrköping síðasta sumar. Í kjölfar þess að stríðið í Úkraínu braust út voru samningar erlendra leikmanna í Rússlandi settir á ís og gildir það fyrirkomulag út júní næstkomandi. Í viðtali við sænska Aftonbladet segist Arnór ekki vita hvað muni gerast í sumar. „Ég reyni að hugsa ekki um það. Mér líður mjög vel í IFK Norrköping og að búa í borginni. Ég nýt mín á hverjum degi, ég nýt þess að fara á æfingarnar og spila leikina. Ég geri mitt besta á hverjum degi og ef ég geri vel þá gerast góðir hlutir. En ég veit ekki hvernig framtíðin lítur út,“ segir Arnór í viðtali við blaðamann Aftonbladet sem hitti hann í æfingaferð Norrköping á Spáni. Arnór vill ekki segja mikið um það hvort hann gæti hugsað sér að neita að spila fyrir CSKA. „Það er ákvörðun sem ég þarf að taka þegar ég veit hverjar forsendurnar eru. Ég þarf að ræða það við umboðsmenn mína og ráðgjafa.“ Segir tapaða peninga ekki skipta máli í samhenginu „Ég hef tapað miklum peningum en ég hef spilað erlendis í fimm ár og þénað mikla peninga. Í þessari stöðu eru peningar alls ekki allt. Það eru margir sem þetta hefur haft mun verri áhrif á.“ Arnór segir að hann hafi komið til Norrköping til að finna sjálfan sig á nýjan leik og segir að það skipti máli fyrir hann að líða vel utan vallar ef hann ætlar að standa sig á vellinum. Erlendir íþróttamenn sem eru á samningi hjá rússneskum íþróttafélögum hafa sumir hverjir lent í vandræðum þegar þeir hafa tjáð sig um stríðsrekstur Rússa í Úkraínu. Arnór segist einfaldlega vona til þess að stríðinu ljúki sem fyrst. „Það sem er að gerast er hræðilegt. Það eru svo margir einstaklingar í Rússlandi sem eiga þetta ekki skilið. Það eru margt gott fólk í kringum CSKA og þetta er flott félag, í hæsta klassa. Það er ótrúlega leiðinlegt að staðan sé eins og hún er.“ „Ég og allir vonumst til þess að stríðinu ljúki.“ Segist ekki ræða stríðið mikið við rússneska vini sína Arnór var hjá CSKA í þrjú tímabil áður en hann var lánaður til ítalska liðsins Venezia. Á fyrsta tímabilinu skoraði hann sjö mörk og lagði upp tvö í leikjum sínum í rússnesku deildinni og Meistaradeildinni með CSKA. Tækifærunum fór síðan að fækka og Arnór var lánaður til Venezia sumarið 2021. Arnór segir að forráðamenn Venezia hafi sagt við hann að hann yrði lykilmaður hjá liðinu. „Síðan keyptu þeir tíu leikmenn og þetta varð alls ekki eins og þeir sögðu. Þetta var ekki gott. Það er mjög gott að vera heima í Norrköping akkúrat núna,“ en Arnór kom aftur til Svþjóðar í júlí í fyrra. Arnór í búningi Venezia.Vísir/Getty Arnór segist ekki mikið hafa rætt stríðið við rússneska vini sína. „Ég á nokkra rússneska vini en ég hef ekki talað mjög mikið við þá. Það er mest „Hvernig hefur þú það?“ en ekki mikið um stríðið. Erlendu leikmennirnir sem ég þekkti best eru farnir, við höfum talað meira við hvern annan,“ segir Arnór. Hann segir að hann hafi kunnað vel við sig í Moskvu. „Mér líkaði afskaplega vel að búa í Moskvu, það er flott borg. Allt sem hefur gerst er sorglegt og leiðinlegt. Hlutir sem þessir eiga ekki að gerast á okkar tímum.“ „Það er þar sem ég vill vera“ Eins og áður segir verður Arnór hjá Norrköping út júní hið minnsta en frysting samninga erlendra leikmanna í Rússlandi gildir þangað til. „Maður veit aldrei hvað gerist í framtíðinni eftir að maður hefur tekið sínar ákvarðanir. Þegar ég flutti til Rússlands árið 2018 gerði ég ekki ráð fyrir að þeir myndu hefja stríð árið 2022.“ Hann segir metnað sinn liggja í stærstu deildum Evrópu. „Ég held að allir skilji að ég vill spila á hæsta stigi. Ég veit að ég get það og ég vil sýna það sömuleiðis. Ef það verður núna í sumar þá er það gott fyrir mig, en ég loka engum dyrum gagnvart IFK Norrköping heldur.“ „Ég vill spila í stórri deild á móti bestu liðunum. Ég hef gert það áður, ég hef spilað í Meistaradeildinni og Evrópudeildinni. Það er þar sem ég vill vera. Þegar ég var á Ítalíu og fékk ekki að spila þá var fótboltinn ekki skemmtilegur. Þetta þarf að vera félag og umhverfi sem gengur upp fyrir mig.“
Sænski boltinn Rússneski boltinn Mest lesið Andri Rafn fimmti í þrjú hundruð leikja klúbbinn Íslenski boltinn „Erfitt að spila á móti liði sem fær þrjár villur í seinni“ Körfubolti Hvergerðingar í úrslit umspilsins Körfubolti KA Íslandsmeistari og tók alla titlana Sport Dagskráin í dag: Bónus, Besta og Stúkan á Sumardaginn fyrsta Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Jafnt á Emirates og Liverpool þarf að bíða Enski boltinn Embla og Eva Björk í ham þegar Stjarnan komst yfir Handbolti „Adam Ægir hefði alveg mátt gefa á mig“ Fótbolti Fór út í dulargervi eftir að Barton byrjaði að bauna á hana Enski boltinn Fleiri fréttir Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sagan segir að Arsenal vinni Meistaradeildina Real Madrid fer liða verst út úr myndbandsdómgæslunni Rekstur Chelsea: Eins og að tapa sextíu milljónum á dag í tíu ár „Ekki fallegt að sjá hvernig farið er með Ancelotti“ „Vilhjálmur Birgisson vill meina að hann hafi uppgötvað mig sem þjálfara“ Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Fresta fleiri fótboltaleikjum vegna fráfalls Frans páfa Tveir úrskurðaðir í bann fyrir sextán liða úrslitin Uppgjörið: Þróttur - Breiðablik 2-2 | Samantha bjargaði stigi „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Sjá meira