Þorra­blót: Dansað og hlegið á Sel­tjarnar­nesi

Það var svo sannarlega glatt á hjalla á Seltjarnarnesi laugardaginn síðastliðinn þegar þorrablót fór fram.

Upphaflega stóð til að Bubbi Morthens myndi stíga á stokk en vegna veikinda mætti staðgengill á staðinn og var hann ekki af verri endanum en það var sjálfur Mugison.

Veislustjóri var Árni Helgason og var Snjólaug Lúðvíksdóttir með uppistand. Að lokum léku DJ Dóra Júlía og Anna Rakel fyrir dansi fram eftir kvöldi.

Myndir frá kvöldinu má sjá hér að neðan en af þeim að dæma er óhætt að segja að gestir hafi skemmt sér konunglega.