Á sjötta tug horn­firskra hrossa slátrað vegna al­var­legs brots

Þetta kemur fram í stuttri tilkynningu á vef Matvælastofnunar þar sem ekki kemur fram í hverju hin alvarlegu brot fólust.

Tilkynning barst umræddum umráðamanni þann 22. nóvember síðastliðinn þar sem honum var tilkynnt um vörslusviptingu hrossa á bænum.

Flest hrossin á bænum voru í eigu viðkomandi umráðamanns en þó ekki öll. Öðrum eigendum var gefinn kostur á að taka hrossin í eigin umsjá.

Settur var bústjóri yfir búinu og hrossin flokkuð fyrr í vikunni. Var ákveðið, í samráði við eigandann, að senda fimmtíu og fimm hross til slátrunar.