Ronaldo elskar Solskjær en segist aldrei hafa litið á Rangnick sem stjórann Smári Jökull Jónsson skrifar 17. nóvember 2022 07:00 Ralf Rangnick ræðir við Cristiano Ronaldo eftir leik Manchester United á síðasta tímabili. Vísir/Getty Cristiano Ronaldo segir að Manchester United hafi staðnað og lítið breyst síðan hann yfirgaf félagið árið 2009. Hann segir að Ole Gunnar Solskjær hefði þurft meiri tíma með liðið og að hann hafi aldrei litið á Ralf Rangnick sem stjórann. Fyrri hluti viðtals fjölmiðlamannsins Piers Morgan við Cristiano Ronaldo var birtur í gærkvöldi en fréttir af viðtalinu hafa borist alla vikuna. Cristiano Ronaldo hefur þar farið hamförum í gagnrýni sinni á Manchester United og nokkuð ljóst að hann mun yfirgefa félagið þegar félagaskiptaglugginn opnar á nýju ári. Í viðtalinu sem birtist í gær ræddi Ronaldo meðal annars um aðstöðuna hjá United. Hann segir að félagið hafi staðnað og standi öðrum stórum félögum í Evrópu langt að baki. „Þegar ég skrifaði undir hjá Manchester United, þá hélt ég að allt yrði öðruvísi. Tæknin, innviðir og allt saman. Ég var mjög hissa á slæman hátt því ég sá að allt var eins,“ sagði Ronaldo og bætti við að félagið hefði staðið í stað. „Tíminn hafði staðið í stað hjá þeim að mínu mati og það kom mér á óvart.“ Hann segir að engar framfarir hafi átt sér stað og að United standi öðrum stórum félögum langt að baki. „Ef við berum saman við Real Madrid og jafnvel Juventus, þá fylgja þau því sem er að gerast hjá öðrum. Tæknilega hliðin, sérstaklega hvað varðar æfingar, næringu og það að borða rétt og ná endurheimt betur en áður - hún kom mér á óvart.“ „Þessa stundina, ef við berum saman við þessu félög, þá er United á eftir og það kom mér á óvart. Félag af þessari stærðargráðu ætti að vera í hæsta klassa og það er ekki þannig, því miður. Þeir eru ekki á þeim stað. Ég vona að á næstu árum nái þeir toppnum á ný.“ Leit aldrei á Rangnick sem stjórann Ole Gunnar Solskjær var knattspyrnustjóri Manchester United þegar Cristiano Ronaldo gekk til liðs við félagið að nýju sumarið 2021. Solskjær var þó rekinn eftir skelfilega byrjun United á tímabilinu og Ralf Rangnick var ráðinn til að stýra liðinu út leiktíðina. Ronaldo segist aldrei hafa heyrt um Rangnick fyrr en hann var ráðinn stjóri United og segist ekki hafa upplifað hann sem stjórann. Ole Gunnar Solskjær var þjálfari United þegar Ronaldo gekk til liðs við félagið á nýjan leik árið 2021.Vísir/Getty „Að sjálfsögðu kölluðum við hann stjóra því hann var ráðinn í starfið. Ég hef alltaf kallað þjálfarana mína „boss“ því við eigum að kalla þá það ef þeir eru ráðnir í starfið.“ „Að endingu, þá sá ég hann aldrei sem stjórann af því að ég var aldrei sammála honum varðandi nokkur atriði.“ Hann segir Rangnick og þjáfaralið hans ekki hafa vitað betur en þeir gerðu. „Þeir þekktu félagið mjög vel. En þeir þekktu ekki innsta kjarna þess nógu vel, sögu félagsins. Það kom mér mjög á óvart. Þegar þú rekur Ole Gunnar Solskjær þá áttu að ráða toppþjálfara, ekki yfirmann knattspyrnumála.“ „Ég elska Solskjær“ Ronaldo segir að Solskjær hafi verið að gera góða hluti með United liðið áður en honum var sagt upp störfum eftir dapra byrjun liðsins á síðasta tímabili. Hann segist elska Solskjær og segir hann vera toppeintak. „Það var erfitt að taka við eftir Sir Alex Ferguson, en mér fannst hann gera vel. Þú þarft meiri tíma.“ Þá ræðir Ronaldo einnig um yngri leikmenn og segir að hann sé góð fyrirmynd fyrir unga knattspyrnumenn nú til dags. „Ég er ekki þannig náungi sem gefur góð ráð því ég vill frekar sýna gott fordæmi. Því ég er gott fordæmi. Ég er þarna á hverjum morgni og geri mína hluti. Ég er líklega sá fyrsti sem mætir og sá síðasti til að yfirgefa svæðið. Ég held að smáatriðin tali fyrir sig sjálf. Þess vegna segi ég, ég vil sýna gott fordæmi.“ „Í öllum deildum heimsins eru yngri leikmenn nú til dags ekki eins og mín kynslóð. Við getum samt ekki kennt þeim um, þetta er hluti af gangi lífsins.“ Enski boltinn Deila Ronaldo og Manchester United Mest lesið Tárvot Ásta sátt í hjarta sínu með ákvörðunina Íslenski boltinn UEFA hefur rannsókn vegna kvartana Tel Aviv Fótbolti Njarðvík semur við eina unga og efnilega Körfubolti Hætti á samfélagsmiðlum og hættir ekki að skora Enski boltinn Varði mark botnliðsins en bar samt af Íslenski boltinn Daníel Ingi framlengir hjá Nordsjælland Fótbolti Gylfi Þór ekki í hóp Vals í gær en á landsliðsæfingu í dag Íslenski boltinn Ómar Ingi frábær í öruggum sigri Magdeburg Handbolti Dásamar Albert og segir hann ráða hver taki vítin Fótbolti Þekkti þjálfarann og fékk því himnasendingu frá Reyðarfirði Íslenski boltinn Fleiri fréttir UEFA hefur rannsókn vegna kvartana Tel Aviv Varði mark botnliðsins en bar samt af Daníel Ingi framlengir hjá Nordsjælland Hætti á samfélagsmiðlum og hættir ekki að skora Gylfi Þór ekki í hóp Vals í gær en á landsliðsæfingu í dag Tárvot Ásta sátt í hjarta sínu með ákvörðunina Karólína Lea og stöllur enn taplausar Katrín ekki með slitið krossband „Átti þetta tækifæri skilið“ Þekkti þjálfarann og fékk því himnasendingu frá Reyðarfirði Johan Neeskens fallinn frá Onana haldið oftast hreinu Cecilía fer á kostum í Mílanó Martröð Pogba lokið en hvað tekur við? Bergrós besti dómari Bestu deildar kvenna Ofurvaramaðurinn Duran fær nýjan sex ára samning Sævar Atli ekkert rætt við Lyngby Næstu vikur gríðarlega mikilvægar fyrir Ten Hag Mörkin úr Bestu: Sjáðu sturlað mark Emils frá miðju og Davíð bjarga stigi Dásamar Albert og segir hann ráða hver taki vítin Gaf klárum boltastrák verðlaunin „Bara lygarar og svindlarar sem segja að hann sé vandamálið“ Sakaður um að öskra „Frjáls Palestína, ég vona að þið deyið“ Man United ekki byrjað verr síðan 1989 „Menn eru að henda sér fyrir bolta og hlaupa úr sér lungun“ „Erum ennþá með þetta í okkar höndum“ „Þegar þeir misstíga sig þá misstígum við okkur líka“ Albert skoraði sigurmarkið eftir að De Gea varði tvær vítaspyrnur Hemp í sögubækurnar og Man City á toppinn Sjáðu atvikið: Reiður Rúnar sá rautt Sjá meira
Fyrri hluti viðtals fjölmiðlamannsins Piers Morgan við Cristiano Ronaldo var birtur í gærkvöldi en fréttir af viðtalinu hafa borist alla vikuna. Cristiano Ronaldo hefur þar farið hamförum í gagnrýni sinni á Manchester United og nokkuð ljóst að hann mun yfirgefa félagið þegar félagaskiptaglugginn opnar á nýju ári. Í viðtalinu sem birtist í gær ræddi Ronaldo meðal annars um aðstöðuna hjá United. Hann segir að félagið hafi staðnað og standi öðrum stórum félögum í Evrópu langt að baki. „Þegar ég skrifaði undir hjá Manchester United, þá hélt ég að allt yrði öðruvísi. Tæknin, innviðir og allt saman. Ég var mjög hissa á slæman hátt því ég sá að allt var eins,“ sagði Ronaldo og bætti við að félagið hefði staðið í stað. „Tíminn hafði staðið í stað hjá þeim að mínu mati og það kom mér á óvart.“ Hann segir að engar framfarir hafi átt sér stað og að United standi öðrum stórum félögum langt að baki. „Ef við berum saman við Real Madrid og jafnvel Juventus, þá fylgja þau því sem er að gerast hjá öðrum. Tæknilega hliðin, sérstaklega hvað varðar æfingar, næringu og það að borða rétt og ná endurheimt betur en áður - hún kom mér á óvart.“ „Þessa stundina, ef við berum saman við þessu félög, þá er United á eftir og það kom mér á óvart. Félag af þessari stærðargráðu ætti að vera í hæsta klassa og það er ekki þannig, því miður. Þeir eru ekki á þeim stað. Ég vona að á næstu árum nái þeir toppnum á ný.“ Leit aldrei á Rangnick sem stjórann Ole Gunnar Solskjær var knattspyrnustjóri Manchester United þegar Cristiano Ronaldo gekk til liðs við félagið að nýju sumarið 2021. Solskjær var þó rekinn eftir skelfilega byrjun United á tímabilinu og Ralf Rangnick var ráðinn til að stýra liðinu út leiktíðina. Ronaldo segist aldrei hafa heyrt um Rangnick fyrr en hann var ráðinn stjóri United og segist ekki hafa upplifað hann sem stjórann. Ole Gunnar Solskjær var þjálfari United þegar Ronaldo gekk til liðs við félagið á nýjan leik árið 2021.Vísir/Getty „Að sjálfsögðu kölluðum við hann stjóra því hann var ráðinn í starfið. Ég hef alltaf kallað þjálfarana mína „boss“ því við eigum að kalla þá það ef þeir eru ráðnir í starfið.“ „Að endingu, þá sá ég hann aldrei sem stjórann af því að ég var aldrei sammála honum varðandi nokkur atriði.“ Hann segir Rangnick og þjáfaralið hans ekki hafa vitað betur en þeir gerðu. „Þeir þekktu félagið mjög vel. En þeir þekktu ekki innsta kjarna þess nógu vel, sögu félagsins. Það kom mér mjög á óvart. Þegar þú rekur Ole Gunnar Solskjær þá áttu að ráða toppþjálfara, ekki yfirmann knattspyrnumála.“ „Ég elska Solskjær“ Ronaldo segir að Solskjær hafi verið að gera góða hluti með United liðið áður en honum var sagt upp störfum eftir dapra byrjun liðsins á síðasta tímabili. Hann segist elska Solskjær og segir hann vera toppeintak. „Það var erfitt að taka við eftir Sir Alex Ferguson, en mér fannst hann gera vel. Þú þarft meiri tíma.“ Þá ræðir Ronaldo einnig um yngri leikmenn og segir að hann sé góð fyrirmynd fyrir unga knattspyrnumenn nú til dags. „Ég er ekki þannig náungi sem gefur góð ráð því ég vill frekar sýna gott fordæmi. Því ég er gott fordæmi. Ég er þarna á hverjum morgni og geri mína hluti. Ég er líklega sá fyrsti sem mætir og sá síðasti til að yfirgefa svæðið. Ég held að smáatriðin tali fyrir sig sjálf. Þess vegna segi ég, ég vil sýna gott fordæmi.“ „Í öllum deildum heimsins eru yngri leikmenn nú til dags ekki eins og mín kynslóð. Við getum samt ekki kennt þeim um, þetta er hluti af gangi lífsins.“
Enski boltinn Deila Ronaldo og Manchester United Mest lesið Tárvot Ásta sátt í hjarta sínu með ákvörðunina Íslenski boltinn UEFA hefur rannsókn vegna kvartana Tel Aviv Fótbolti Njarðvík semur við eina unga og efnilega Körfubolti Hætti á samfélagsmiðlum og hættir ekki að skora Enski boltinn Varði mark botnliðsins en bar samt af Íslenski boltinn Daníel Ingi framlengir hjá Nordsjælland Fótbolti Gylfi Þór ekki í hóp Vals í gær en á landsliðsæfingu í dag Íslenski boltinn Ómar Ingi frábær í öruggum sigri Magdeburg Handbolti Dásamar Albert og segir hann ráða hver taki vítin Fótbolti Þekkti þjálfarann og fékk því himnasendingu frá Reyðarfirði Íslenski boltinn Fleiri fréttir UEFA hefur rannsókn vegna kvartana Tel Aviv Varði mark botnliðsins en bar samt af Daníel Ingi framlengir hjá Nordsjælland Hætti á samfélagsmiðlum og hættir ekki að skora Gylfi Þór ekki í hóp Vals í gær en á landsliðsæfingu í dag Tárvot Ásta sátt í hjarta sínu með ákvörðunina Karólína Lea og stöllur enn taplausar Katrín ekki með slitið krossband „Átti þetta tækifæri skilið“ Þekkti þjálfarann og fékk því himnasendingu frá Reyðarfirði Johan Neeskens fallinn frá Onana haldið oftast hreinu Cecilía fer á kostum í Mílanó Martröð Pogba lokið en hvað tekur við? Bergrós besti dómari Bestu deildar kvenna Ofurvaramaðurinn Duran fær nýjan sex ára samning Sævar Atli ekkert rætt við Lyngby Næstu vikur gríðarlega mikilvægar fyrir Ten Hag Mörkin úr Bestu: Sjáðu sturlað mark Emils frá miðju og Davíð bjarga stigi Dásamar Albert og segir hann ráða hver taki vítin Gaf klárum boltastrák verðlaunin „Bara lygarar og svindlarar sem segja að hann sé vandamálið“ Sakaður um að öskra „Frjáls Palestína, ég vona að þið deyið“ Man United ekki byrjað verr síðan 1989 „Menn eru að henda sér fyrir bolta og hlaupa úr sér lungun“ „Erum ennþá með þetta í okkar höndum“ „Þegar þeir misstíga sig þá misstígum við okkur líka“ Albert skoraði sigurmarkið eftir að De Gea varði tvær vítaspyrnur Hemp í sögubækurnar og Man City á toppinn Sjáðu atvikið: Reiður Rúnar sá rautt Sjá meira