Innlent

Bein útsending: Kvöldfréttir Stöðvar 2

Kristín Ólafsdóttir skrifar
Erla Björg Gunnarsdóttir les kvöldfréttir á Stöð 2.
Erla Björg Gunnarsdóttir les kvöldfréttir á Stöð 2. Stöð 2

Skólastjóri Fjölbrautarskólans við Ármúla segir framkomu stjórnvalda við tvo íraska nemendur skólans svo ómannúðlega að það er engu lagi líkt. Nemendurnir voru teknir höndum af lögreglu á leið heim úr skólanum í gær og svo sendir úr landi, líkt og fjöldi annarra í umdeildri fjöldabrottvísun á hælisleitendum. Við fjöllum ítarlega um málið í kvöldfréttum Stöðvar 2 klukkan 18:30, ræðum við forsætisráðherra og förum yfir þá gríðarlegu gagnrýni sem dunið hefur á stjórnvöldum í dag.

Þá fjöllum við um nýja skýrslu Alþjóðaveðurmálastofnunarinnar sem sýnir að hlýnun í Evrópu síðustu þrjátíu árin er tvöföld á við hlýnun á heimsvísu. Hvergi annars staðar hefur hlýnað svo skart á tímabilinu. Við ræðum við sérfræðing hjá veðurstofunni, sem segir niðurstöðurnar mikið áhyggjuefni.

Og við verðum í beinni frá Laugardalshöll, þar sem Sjálfstæðismenn undirbúa nú landsfund sem hefst á morgun. Mikill titringur er fyrir landsfundinn en ásakanir um vafasöm vinnubrögð ganga á víxl milli stuðningsmanna Bjarna Beneditkssonar formanns flokksins og Guðlaugs Þórs Þórðarsonar sem einnig býður sig fram. 

Við kynnum okkur einnig hugmyndir um lagningu neðanjarðarlestarkerfis á höfuðborgarsvæðinu, sem varaborgarfulltrúi telur raunhæfan möguleika í náinni framtíð.

Þá verðum við í beinni frá versluninni Brynju á Laugavegi, sem skellt var í lás í hinsta sinn nú klukkan sex. Við ræðum við eigandann á þessum miklu tímamótum. Þetta og margt fleira í kvöldfréttum Stöðvar 2 á slaginu hálf sjö.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið