Kvöldfréttir Stöðvar 2

Þingmaður Vinstri grænna hefur efasemdir um boðaða rafbyssuvæðingu lögreglu. Skoða eigi alla aðra möguleika til að auka öryggi lögreglumanna áður en þeim séu gefnar rafbyssur. Dómsmálaráðherra kemur fram með rafbyssutillögur sínar á sama tíma og rannsókn á meintum undirbúningi hryðjuverka er í hámæli.

Strætó fékk einn milljarð úr ríkissjóði í fyrra á meðan endurgreiðslur vegna rafbíla námu níu milljörðum króna. Við ræðum við sérfræðing hjá ASÍ sem segir sérstakt að stjórnvöld dæli peningum í óskilvirkar loftslagsaðgerðir, verðum í beinni frá óhefðbundinni listasýningu og hittum ballerínur á áttræðisaldri sem undirbúa sýningu á alþjóðlegri hátíð.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Hlusta má á kvöldfréttirnar í beinni útsendingu í spilaranum hér að ofan.