Britney Spears og Elton John á toppi Íslenska listans

Dóra Júlía Agnarsdóttir skrifar 24. september 2022 16:01

Elton John og Britney Spears sitja í fyrsta sæti íslenska listans. Instagram @eltonjohn

Tónlistarfólkið Britney Spears og Elton John sendu frá sér lagið Hold Me Closer í lok ágúst við góðar viðtökur. Lagið fór í fyrsta sæti á breska vinsældarlista, náði inn á topp tíu á bandaríska Billboard listanum og situr nú í fyrsta sæti Íslenska listans á FM957.

Elton John hefur verið að gera öfluga hluti í tónlistarlífinu að undanförnu með poppuðum endurgerðum af gömlum smellum frá sér. Má þar nefna að samstarf hans við söngkonuna Dua Lipa sló í gegn en þau gáfu út lagið Cold Heart sem sat margar vikur í fyrsta sæti á FM957.

View this post on Instagram

A post shared by Elton John (@eltonjohn)

Glöggir hlustendur vita að lagið er endurgerð á Tiny Dancer sem Elton John gaf út árið 1971 og er eitt af hans allra vinsælustu lögum. Popp prinsessan Britney Spears var ekki lengi að slá til að vinna þetta með honum en þetta er fyrsta lag sem hún sendir frá sér í sex ár og einnig fyrsta lag sem hún sendir frá sér eftir að hún endurheimti forræði yfir sjálfri sér.

Íslenski listinn er fluttur alla laugardaga á milli klukkan 14:00 og 16:00 á FM957.

Íslenski listinn í heild sinni:

Íslenski listinn á Spotify:

FM957 Íslenski listinn Tónlist Hollywood

Tengdar fréttir

„Victoria's Secret er gamall maður sem býr í Ohio“

Tónlistarkonan Jax situr í þrettánda sæti Íslenska listans á FM þessa vikuna með lagið Victoria's Secret. Lagið er ádeila á undirfatarisann þar sem Jax syngur meðal annars um skaðlega fegurðarstaðla og segir Victoria's Secret einfaldlega vera gamlan mann sem býr í Ohio.

17. september 2022 16:00

Elton John og Britney Spears klífa listann: „Ég er í skýjunum með viðbrögðin“

Elton John og Britney Spears sitja í ellefta sæti Íslenska listans á FM þessa vikuna með lagið Hold Me Closer. Lagið er endurgerð á Tiny Dancer, sögulegu lagi Elton John, og var kynnt inn sem líklegt til vinsælda í síðustu viku.

10. september 2022 16:01

Græna græna grasið nær nýjum hæðum

Breski söngvarinn George Ezra trónir á toppi Íslenska listans á FM957 þessa vikuna með lagið Green Green Grass. Lagið er að finna á plötunni Gold Rush Kid og hefur fikrað sig í átt að fyrsta sæti listans á undanförnum vikum.

3. september 2022 16:01

Beyoncé siglir inn í fjórðu vikuna sína á toppnum

Tónlistarkonan Beyoncé situr á toppi Íslenska listans fjórðu vikuna í röð með lagið Break My Soul af plötunni „RENAISSANCE act i“. Lagið hefur náð miklum vinsældum víða um heiminn, sat um tíma í fyrsta sæti bandaríska vinsældalistans Billboard Hot 100 og er komið með tæplega 150 milljón spilanir á streymisveitunni Spotify.

27. ágúst 2022 16:00