Kvöldfréttir Stöðvar 2

Fjallað verður nánar um málið í kvöldfréttum Stöðvar 2. Þá mætir Friðrik Jónsson sérfræðingur í öryggis- og varnarmálum í settið og fer yfir nýjustu vendingar í beinni útsendingu.

Erla Bolladóttir skoðar að fara með mál sitt fyrir Mannréttindadómstól Evrópu eftir að beiðni hennar um endurupptöku var hafnað. Hún glímir við krabbamein sem læknar telja ólæknandi og kallar eftir því að ríkisstjórnin taki á sig rögg og ljúki Guðmundar- og Geirfinnsmálunum í eitt skipti fyrir öll. Rætt verður við Erlu í kvöldfréttum.

Við verðum einnig í beinni frá málþingi þar sem niðurstöður rannsóknar á hárri tíðni krabbameins hjá íbúum á Reykjanesi og mögulegum ástæðum þess verða kynntar, kíkjum í fjöruna í Vesturbæ þar sem óhreinsað skólp flæðir um og skoðum einstaklega fallega biskupskápu.

Þetta og margt fleira á samtengdum rásum Bylgjunnar og Stöðvar 2 klukkan 18:30,

Hlusta má á kvöldfréttirnar í beinni útsendingu í spilaranum hér að ofan.