Kvöldfréttir Stöðvar 2

Elísabet önnur Bretlandsadrottning verður jarðsungin frá dómkirkjunni Westminister Abbey mánudaginn 19. september næstkomandi. Sonur hennar Karl þriðji var formlega lýstur konungur Bretlands við hátíðlega athöfn í Sankti Jakobs-höll í morgun.

Forsætisráðherra segir alls ekki hafa verið gert nóg í að styðja við íslenskukennslu fyrir útlendinga hér á landi, bæta eigi um betur í þeim efnum. Prófessor emeritus vill að íslenskukennsla verði sett í kjarasamninga.

Óánægja ríkir með þá ákvörðun skólastjóra og borgaryfirvalda að leggja niður svonefnda skólamunastofu Austurbæjarskóla til að rýma þar fyrir kennslustofu. Við verðum í beinni útsendingu frá Austurbæjarskóla.

Þá förum við yfir heita milliríkjadeilu um súkkulaðihjúpaðan lakkrís, heimsækjum hjón sem leyfa fólki að tína hamp á akri þeirra og skoðum litförótt hross sem skiptir litum fjórum sinnum á ári.

Þetta og margt fleira í kvöldfréttum Stöðvar 2 á slaginu klukkan 18:30.