Sport

Lokasóknin hitar upp fyrir opnunarleik NFL-deildarinnar

Henry Birgir Gunnarsson skrifar
Hrútarnir frá LA stóðu uppi sem sigurvegarar á síðustu leiktíð og taka á móti Buffalo í fyrsta leik tímabilsins í nótt.
Hrútarnir frá LA stóðu uppi sem sigurvegarar á síðustu leiktíð og taka á móti Buffalo í fyrsta leik tímabilsins í nótt. vísir/getty

Tímabilið í NFL-deildinni hefst í nótt og strákarnir í Lokasókninni verða með veglegan upphitunarþátt fyrir stórleikinn í nótt.

Þá taka meistarar LA Rams á móti Buffalo Bills en margir spá því að þessi lið munu síðan mætast aftur í Super Bowl næstkomandi febrúar. Þetta eru einfaldlega tvö af bestu liðum deildarinnar og tímabilið hefst því með látum.

Á sunnudag verða svo tveir leikir í beinni venju samkvæmt á Stöð 2 Sport 2. Klukkan 17.00 tekur Miami Dolphins á móti New England Patriots og síðari leikurinn hefst klukkan 20.20. Þá tekur Arizona Cardinals á móti Kansas City Chiefs. Tveir frábærir leikir.

Lokasóknin verður síðan alltaf á sínum stað á þriðjudögum að gera upp leiki helgarinnar.

Í fyrsta sinn er upphitunarþáttur fyrir tímabilið hjá Lokasókninni en þátturinn verður á Stöð 2 Sport 2 klukkan 21.05.

Í kjölfarið verða sýndir síðustu þættir Hard Knocks þar sem fylgst er með undirbúningstímabili Detroit Lions. Leikurinn sjálfur hefst svo upp úr miðnætti.

Hér að neðan má sjá brot af því sem gekk á hjá Lokasókninni síðasta vetur.

Klippa: Lokasóknin tímabilið 2021
NFL Lokasóknin

Mest lesið


Fleiri fréttir

Sjá meira


×

Mest lesið