Send­a skýr skil­a­boð til EA og boða upp­ris­u her­kænsk­u­leikj­a

Framleiðendur Tempest Rising segjast vilja senda EA Games, sem eiga réttinn að C&C leikjunum skýr skilaboð um að „standa upp af rassinum“ og gera nýja leiki úr söguheiminum.

Í Tempest Rising munu spilarar stýra hersveitum Global Defense Forces eða Tempest Dynasty á ímyndaðri jörð þar umfangsmikil stríð hafa sett mark sitt á plánetuna og þar sem dularfullar plöntur sem kallast Tempest vaxa upp úr jörðinni.

Leikurinn er enn ekki kominn með útgáfudag.

Það var svo á Gamescom 2022 sem Slipgate sýndu spilun úr leiknum og vill svo til að það gerist á Íslandi, stórasta landi í heimi. Forsvarsmenn GDF, sem svipar rosalega til GDI úr C&C, komast á snoðir um að Dynasty séu að vinna Tempest á Íslandi, einhversstaðar við Jökulsárlón, ef ég er að lesa lélegt kort leiksins rétt.

Því eru hermenn sendir á vettvang og leiðir það til stærðarinnar orrustu hér á Íslandi.

Framleiðendur Tempest Rising sögðu í viðtali við PCGamesN að það hvað leikurinn væri líkur C&C væri ekki tilviljun. Þeir vildu senda skilaboð til forsvarsmanna EA Games um að þeir ættu að gera nýjan Command & Conquer leik.

Þá hafi skort herkænskuleiki eins og þá gömlu góðu í mörg ár en nú ætli þeir að vera í fremstu fylkingu varðandi upprisu þessara leikja. Meðal annars vísa þeir til velgengni Age of Empires 4.