West Ham fær ítalskan landsliðsmann frá Chelsea

Palmieri kemur til West Ham á 15 milljónir punda, en það samsvarar rétt rúmlega tveimur og hálfum milljarði íslenskra króna. Félagið greiðir 13 milljónir strax, en tvær milljónir geta svo bæst við í gegnum árangurstengdar bónusgreiðslur.

Þessi 28 ára bakvörður skrifar undir fjögurra ára samning við West Ham með möguleika á eins árs framlengingu.

Hann lék á láni hjá Lyon í frönsku úrvalsdeildinni á seinasta tímabili, en Palmieri hefur átt í erfiðleikum með að festa sig í sessi hjá Chelsea síðan hann gekk til liðs við félagi frá Roma árið 2018.

Palmieri er sjöundi leikmaðurinn sem West Ham fær til liðs við sig í sumar. Áður hafði liðið fengið þá Gianluca Scamacca, Nayef Aguerd, Maxwel Cornet, Flynn Downes, Thilo Kehrer og Alphonse Areola.

Hann er fæddur í Brasilíu og lék með U17 ára landsliði Brassa á sínum yngri árum. Árið 2017 fékk hann þó ítalskt ríkisfang og hefur leikið 27 leiki fyrir ítalska A-landsliðið.