Fréttir

Kvöldfréttir Stöðvar 2

Elísabet Inga Sigurðardóttir skrifar
Margrét Helga Erlingsdóttir les fréttir í kvöld.
Margrét Helga Erlingsdóttir les fréttir í kvöld. Vísir/arnar

Líklegt er að komið sé að goslokum í Meradölum að mati eldfjallafræðings. Hegðunin bendir til þess að gosvirknin sé hægt og rólega að fjara alveg út og ekki hefur komið kvika upp úr sprungunni í nokkurn tíma. En þótt gosinu kunni að vera lokið, er eldgosatímabilið á svæðinu mögulega rétt að byrja.

Ásókn í neyðarskýli borgarinnar hefur stóraukist í sumar og þrátt fyrir að reynt sé að taka við öllum hefur þurft að vísa fólki frá. Til stendur að opna nýtt úrræði í miðbænum sem á að vera nokkurs konar frumstig í átt að búsetu. Við fjöllum um málið.

Þá höldum við áfram umfjöllun um skotárás sem varð í verslunarmiðstöð í Malmö í gær en karlmaður sem lést í árásinni er talinn hafa verið skotmark hennar, en samkvæmt sænskum miðlum var hann mikilvægur í glæpagenginu Satudarah.

Þá skoðum við hvernig stemningin var í miðbænum í dag á Menningarnótt og verðum í beinni útsendingu frá stórtónleikum Bylgjunnar.

Þetta og margt fleira í kvöldfréttum Stöðvar 2 á slaginu klukkan hálf sjö.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið